San Mateo 11:5 - Li Santil hu

⁵ Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Q'eqchi Bible

⁵ Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Mateo 11:5 ပူးပေါင်းရင်းမြစ်များ

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Isaías 29:18

Saꞌ eb li cutan aꞌan eb li chanchaneb tzꞌap xic teꞌrabi nak ta̱ilekꞌ xsaꞌ li hu saꞌ xxiqueb. Ut eb li chanchaneb mutzꞌ teꞌxtau chic ru lix ya̱lal. Incꞌaꞌ chic teꞌcua̱nk chi sachso xnaꞌlebeb.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

San Mateo 21:14

Ut queꞌcꞌameꞌ riqꞌuin li Jesús saꞌ rochoch li Dios li mutzꞌ ut eb li ye̱k rok ut li Jesús quilajxqꞌuirtesiheb.

San Juan 10:38

Abanan cui yo̱quin chixba̱nunquil li cꞌaꞌru naraj li Dios, usta incꞌaꞌ niquine̱pa̱b la̱in, cheqꞌue retal li milagro li yo̱quin chixba̱nunquil re nak te̱nau chi tzꞌakal nak li Dios cuan cuiqꞌuin ut la̱in cuanquin riqꞌuin aꞌan, chan li Jesús.

San Juan 10:25

Li Jesús quixye reheb: —Ac xinye e̱re anihin ut incꞌaꞌ niquine̱pa̱b. Li milagros li yo̱quin chixba̱nunquil saꞌ xcꞌabaꞌ lin Yucuaꞌ, aꞌan naxcꞌut chi tzꞌakal anihin.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Juan 2:23

Nak li Jesús cuan aran Jerusalén chixnumsinquil li ninkꞌe Pascua, nabaleb queꞌpa̱ban re xban nak queꞌril li milagro li quilajxba̱nu.

San Marcos 9:25

Nak li Jesús quiril nak saꞌ junpa̱t yo̱queb chi chꞌutla̱c nabal li tenamit, quixchꞌila li ma̱us aj musikꞌej. Quixye re: —At ma̱us aj musikꞌej, la̱at nacatmemobresin. La̱at nacattzꞌapoc xic. La̱in tinye a̱cue, elen riqꞌuin li al aꞌin ut mat-oc chic riqꞌuin, chan.

San Marcos 7:37

Cꞌajoꞌ nak queꞌsach xchꞌo̱leb chirilbal ut queꞌxye: —Cha̱bil chixjunil li naxba̱nu. Naxqꞌue chi abi̱nc li tzꞌap xic ut naxqꞌue chi a̱tinac li mem, chanqueb.

San Mateo 10:8

Cheqꞌuirtesiheb li yaj, checuaclesiheb cuiꞌchic chi yoꞌyo li camenak. Cheqꞌuirtesiheb li saklep rix ut cherisiheb li ma̱us aj musikꞌej. Chi ma̱tan xecꞌul le̱ cuanquil ut chi ma̱tan ajcuiꞌ te̱ba̱nu li usilal.

San Mateo 9:30

Ut queꞌiloc li xnakꞌ ruheb. Ut li Jesús quixye reheb: —Cherabi chi us li cꞌaꞌru tinye e̱re. Ma̱ ani aj iqꞌuin te̱serakꞌi li cꞌaꞌru xecꞌul, chan reheb.

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Isaías 43:8

Li Ka̱cuaꞌ Dios quixye: —Cꞌamomakeb li tenamit li cuanqueb xnakꞌ ru abanan chanchaneb li mutzꞌ, ut eb li tenamit li cuanqueb xic, abanan chanchaneb li tzꞌap xic xban nak incꞌaꞌ nequeꞌxtau lix ya̱lal.

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Salmos 22:26

Eb li ma̱cꞌaꞌ cuan reheb teꞌcuaꞌak chi us ut teꞌnujak xsaꞌeb. Cheꞌxlokꞌonihak li Ka̱cuaꞌ ut cheꞌcua̱nk xyuꞌameb chi junelic.

2 Reyes 5:14

Joꞌcan nak laj Naamán co̱ saꞌ li nimaꞌ Jordán ut quixsub rib cuukub sut saꞌ li nimaꞌ joꞌ quiyeheꞌ re xban lix profeta li Dios. Ut quiqꞌuira. Lix tibel kꞌun kꞌun quicana joꞌ xtibel junak sa̱j al.

2 Reyes 5:7

Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

San Mateo 5:3

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

Zacarías 11:7

Quin-oc ut chokꞌ aj ilol reheb li carner re camsi̱c. Ut quinqꞌue inchꞌo̱l chirilbaleb li rahobtesinbileb. Quinsicꞌ cuib inxukꞌ. Li jun “usilal” lix cꞌabaꞌ quinqꞌue. Ut li jun chic “junajak xchꞌo̱leb” xcꞌabaꞌ quinqꞌue.

Éxodo 4:11

Ut li Ka̱cuaꞌ Dios quixye re: —¿Ma ma̱cuaꞌ ta biꞌ la̱in xinqꞌuehoc xtzꞌu̱mal re li cui̱nk? ¿Ani xba̱nun re li mem ut li tzꞌap xic ut li mutzꞌ? ¿Ma ma̱cuaꞌ la̱in li nimajcual Dios?

Isaías 29:19

Ut eb li tu̱laneb teꞌsahokꞌ cuiꞌchic xchꞌo̱l riqꞌuin li Ka̱cuaꞌ. Eb li nebaꞌ teꞌsahokꞌ xchꞌo̱l riqꞌuin li Ka̱cuaꞌ lix Dios Santo laj Israel.

San Mateo 11:4

Quichakꞌoc li Jesús ut quixye reheb: —Ayukex ut te̱serakꞌi re laj Juan li cꞌaꞌru yo̱quin chixba̱nunquil che̱ru ut te̱ye re li cꞌaꞌru yo̱quex chirabinquil chicuix la̱in.

San Mateo 12:13

Tojoꞌnak quixye re li cui̱nk li sic li rukꞌ: —Yeꞌ la̱ cuukꞌ, chan re. Ut li cui̱nk quixyeꞌ li rukꞌ ut saꞌ junpa̱t quicana chi ma̱cꞌaꞌ re̱cꞌ joꞌ li jun chic.

San Juan 9:7

Ut quixye re: —Ayu. Chꞌaj chak la̱ cuu saꞌ li haꞌ Siloé, chan. Siloé naraj naxye “taklanbil chak”. Li mutzꞌ co̱ ut quixchꞌaj chak li ru ut na-iloc chic nak quisukꞌi chak.