San Mateo 11:30 - Li Santil hu

³⁰ xban nak lin yugo kꞌun ut se̱b li i̱k li tinqꞌue saꞌ e̱be̱n.

Q'eqchi Bible

³⁰ Xb'aan naq li k'aru nekexintaqla wi' moko ra ta, ut li nink'e cheriiqani moko aal ta”.

San Mateo 11:30 ပူးပေါင်းရင်းမြစ်များ

1 Juan 5:3

Aꞌan aꞌin lix ra̱bal li Dios: nak takapa̱b lix chakꞌrab. Moco chꞌaꞌaj ta xpa̱banquil lix chakꞌrab.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

Gálatas 5:18

Ut cui la̱ex beresinbilex xban li Santil Musikꞌej, moco cuanquex ta chic rubel xcuanquil li najter chakꞌrab.

Hechos 15:10

Anakcuan ut ¿cꞌaꞌut nak yo̱quex chixyalbal rix li Dios riqꞌuin xqꞌuebal li i̱k aꞌin saꞌ xbe̱neb laj pa̱banel li ma̱cuaꞌeb aj judío? ¿Cꞌaꞌut nak te̱puersiheb chixba̱nunquil li naxye li chakꞌrab li incꞌaꞌ xoru chixba̱nunquil la̱o chi moco eb li kaxeꞌto̱nil yucuaꞌ?

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

Hechos 15:28

Xcꞌul xchꞌo̱l li Santil Musikꞌej joꞌ ajcuiꞌ la̱o nak incꞌaꞌ texkapuersi chixba̱nunquil chixjunil li naxye saꞌ li chakꞌrab. Caꞌaj cuiꞌ eb li naꞌleb aꞌin tento te̱ba̱nu.

Proverbios 3:17

Cui cuan e̱naꞌleb, sahak saꞌ e̱chꞌo̱l junelic. Ut naru ajcuiꞌ nequexcuan saꞌ tuktu̱quil usilal.

San Mateo 12:1

Ut chirix chic aꞌan saꞌ jun hiloba̱l cutan, li Jesús yo̱ chi be̱c bar cuiꞌ aubil li acui̱mk trigo. Ut eb lix tzolom teꞌtzꞌoca̱k ut queꞌoc chixchꞌotbal ru li acui̱mk ut yo̱queb chixcuaꞌbal.