San Mateo 11:12 - Li Santil hu

¹² Chalen chak nak quixtiquib xchꞌolobanquil xya̱lal laj Juan laj Cubsihom Haꞌ ut toj anakcuan cuanqueb li nequeꞌxyal xxakabanquil lix nimajcual cuanquilal li Dios, yal xjuneseb, ut queꞌraj xba̱nunquil saꞌ junpa̱t usta riqꞌuin raylal ta̱uxma̱nk.

Q'eqchi Bible

¹² “Chalen chaq xk'ulunik laj Jwan aj kub'sihomha' toj anaqwan, li xnimajwal wankilal li choxa natawmank rik'in li yalok q'e; ut eb' li kaweb' xch'ool, a'aneb' neke'eechanink re:

San Mateo 11:12 ပူးပေါင်းရင်းမြစ်များ

San Lucas 16:16

Chixjunil li tijleb li queꞌxcꞌut eb li profeta junxil, joꞌ ajcuiꞌ lix chakꞌrab laj Moisés, quirakeꞌ xyebal nak laj Juan laj Cubsihom Haꞌ quicꞌulun chixchꞌolobanquil resil nak cha̱lc re lix nimajcual cuanquilal li Dios. Ut nabaleb yo̱queb chixyalbal xkꞌe chi oc rubel lix nimajcual cuanquilal li Dios.

San Lucas 13:24

Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

San Mateo 11:11

Relic chi ya̱l tinye e̱re nak ma̱ jun reheb li nequeꞌyoꞌla arin saꞌ ruchichꞌochꞌ naxkꞌax xcuanquil laj Juan laj Cubsihom Haꞌ. Aban li kꞌaxal caꞌchꞌin saꞌ lix nimajcual cuanquil li Dios, kꞌaxal us chokꞌ re aꞌan chiru laj Juan (xban nak laj Juan incꞌaꞌ quiril lix nimajcual cuanquilal li Dios arin saꞌ ruchichꞌochꞌ).

San Mateo 11:13

Chixjunileb li profeta joꞌ cuiꞌ lix chakꞌrab laj Moisés, toj riqꞌuin laj Juan xolrakekꞌ xyebal nak ta̱xakaba̱k lix nimajcual cuanquilal li Dios.

San Juan 5:4

Jun x-ángel li Ka̱cuaꞌ nacube chak saꞌ choxa yalak jokꞌe ut narecꞌasi li haꞌ. Li ani xbe̱n cua na-oc chi saꞌ nak ac x-ecꞌasi̱c li haꞌ, li jun aꞌan naqꞌuira aꞌ yal cꞌaꞌru xyajel.