San Mateo 11:1 - Li Santil hu

¹ Nak quirakeꞌ li Jesús chixtaklanquileb chi xic chi cꞌanjelac lix tzolom cablaju, qui-el aran ut co̱ chixchꞌolobanquil lix ya̱lal saꞌ eb li tenamit.

Q'eqchi Bible

¹ Naq kiraqe'k li Jesus chi xchaq'rab'inkileb' li xkab'laju chi tzolom, ki'elk aran ut koho chi xpuktesinkil li Chaab'il Esilal jo'wi' chi xtzolb'aleb' li tenamit chi xsutam Judea.

San Mateo 11:1 ပူးပေါင်းရင်းမြစ်များ

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Lucas 8:1

Li Jesús co̱ saꞌ eb li tenamit chixyebal resil li cha̱bil esilal. Ut quilajeꞌxbeni chixjunileb li tenamit ut li cꞌaleba̱l rochbeneb lix tzolom cablaju. Yo̱ chixchꞌolobanquil lix ya̱lal chirix lix nimajcual cuanquilal li Dios.

San Mateo 9:35

Ut li Jesús yo̱ xbeninquil saꞌ eb li tenamit junju̱nk ut saꞌ eb ajcuiꞌ li cꞌaleba̱l. Quixcꞌut lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío ut quixchꞌolob xya̱lal lix nimajcual cuanquilal li Dios chiruheb. Ut yo̱ chixqꞌuirtesinquil chixjunil li qꞌuila pa̱y chi yajel ut li raylal.

2 Ts 3:10

Ut nak toj cuanco chak e̱riqꞌuin, xkajultica lix ya̱lal aꞌin che̱ru: li ani incꞌaꞌ naraj trabajic, incꞌaꞌ ta̱qꞌuehekꞌ xcua.

2 Ts 3:6

Ut nakajultica che̱ru ex herma̱n, saꞌ xcꞌabaꞌ li Jesucristo nak cherisi e̱rib riqꞌuineb li herma̱n li yal subuc cutan nequeꞌxba̱nu ut incꞌaꞌ nequeꞌxpa̱b le̱ tijbal qꞌuebil e̱re kaban.

1 Ts 4:2

La̱ex ac nequenau le̱ taklanquil qꞌuebil kaban saꞌ xcꞌabaꞌ li Ka̱cuaꞌ Jesucristo.

Hechos 10:42

Ut coxtakla chixchꞌolobanquil xya̱lal ut chixjulticanquil chiruheb li tenamit nak aꞌan qꞌuebil xban li Dios chi rakoc a̱tin saꞌ xbe̱neb chixjunileb, li yoꞌyo̱queb joꞌ ajcuiꞌ li camenakeb.

Hechos 1:2

toj saꞌ li cutan nak quicꞌameꞌ saꞌ choxa. Nak toj ma̱jiꞌ naxic saꞌ choxa, riqꞌuin xcuanquil li Santil Musikꞌej, quixye reheb cꞌaꞌru tento teꞌxba̱nu lix apóstol li quixsiqꞌueb ru.

San Juan 15:14

Cui te̱ba̱nu li cꞌaꞌru ninye e̱re, la̱exak li raro̱kex inban.

San Juan 15:10

Cui te̱ba̱nu li cꞌaꞌru ninye e̱re, la̱in texinra junelic. La̱in xinba̱nu li cꞌaꞌru xye cue lin Yucuaꞌ ut aꞌan junelic niquinixra la̱in.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 7:28

Ut nak quirakeꞌ li Jesús chixyebal li a̱tin aꞌin, sachso̱queb xchꞌo̱l queꞌcana li qꞌuila tenamit chirabinquil li cꞌaꞌru yo̱ chixyebal.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

1 Timoteo 6:14

Ut la̱ taklanquil, aꞌan aꞌin: chaba̱nu chixjunil li taklanbilat cuiꞌ xban li Ka̱cuaꞌ. Ti̱cak la̱ chꞌo̱l ut ma̱cꞌaꞌak a̱kꞌusbal toj retal ta̱cꞌulu̱nk cuiꞌchic li Ka̱cuaꞌ Jesucristo.

San Marcos 6:12

Joꞌcan nak queꞌco̱eb lix tzolom li Jesús ut queꞌxchꞌolob xya̱lal chiruheb li tenamit re nak teꞌxyotꞌ xchꞌo̱l ut teꞌxjal xcꞌaꞌuxeb.

San Lucas 23:5

Abanan eb aꞌan yalyo̱queb xkꞌe chixyebal: —Naxpoꞌ xchꞌo̱leb li katenamit. Yo̱ chixcꞌutbal lix tijleb chiruheb saꞌ chixjunil Judea. Quixtiquib chak Galilea ut xcꞌulun toj arin, chanqueb.