San Mateo 10:41 - Li Santil hu

⁴¹ Li ani ta̱cꞌuluk re junak profeta chi anchal xchꞌo̱l xban nak aꞌan naxye ra̱tin li Dios, li joꞌ qꞌuial lix kꞌajca̱munquil li tixcꞌul li profeta, aꞌan ajcuiꞌ li tixcꞌul li ta̱cꞌuluk re. Ut li ani ta̱cꞌuluk re li ti̱c xchꞌo̱l xban nak aꞌan ti̱c xchꞌo̱l, li joꞌ qꞌuial lix kꞌajca̱munquil li tixcꞌul li ti̱c xchꞌo̱l, aꞌan ajcuiꞌ li tixcꞌul li ta̱cꞌuluk re.

Q'eqchi Bible

⁴¹ Ani taak'uluq re junaq propeet xb'aan naq propeet, xq'ajkamunkil propeet tixk'ul. Ut ani taak'uluq re junaq tiik xch'ool xb'aan naq tiik xch'ool, xq'ajkamunkil tiik xch'ool tixk'ul.

San Mateo 10:41 ပူးပေါင်းရင်းမြစ်များ

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

2 Juan 1:8

Cheqꞌuehak retal che̱ribil e̱rib re nak incꞌaꞌ ta̱cana̱k chi ma̱cꞌaꞌ rajbal le̱ cꞌanjel chiru li Dios. Tzꞌakalak ban re ru xkꞌajca̱munquil le̱ cꞌanjel te̱cꞌul riqꞌuin li Dios.

Génesis 20:7

Ut anakcuan ta̱kꞌaxtesi li ixk aꞌin riqꞌuin lix be̱lom. Laj Abraham aꞌan jun li profeta li nayehoc re li cua̱tin ut aꞌan ta̱tijok cha̱cuix re nak incꞌaꞌ tatca̱mk. Abanan cui incꞌaꞌ nacakꞌaxtesi li ixk aꞌin, la̱at tatca̱mk, joꞌ eb ajcuiꞌ la̱ comon, chan li Dios.

1 Corintios 9:17

Cui ta yo̱quin chixba̱nunquil yal xban nak nacuaj la̱in, tinyoꞌoni raj intojbal. Abanan yo̱quin chixba̱nunquil lin cꞌanjel xban nak tenebanbil saꞌ inbe̱n xban li Dios xyebal resil li colba-ib.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 6:18

re nak incꞌaꞌ ta̱cꞌutu̱nk chiruheb le̱ ras e̱ri̱tzꞌin nak yo̱quex chi ayunic. Chicꞌutu̱nk ban chiru le̱ Yucuaꞌ li incꞌaꞌ na-ilman ru. Ut le̱ Yucuaꞌ li naxnau chixjunil li nequeba̱nu, aꞌan ta̱kꞌajca̱mu̱nk e̱re.

Romanos 16:23

Naxtakla ajcuiꞌ xsahil e̱chꞌo̱l laj Gayo, li naqꞌuehoc cuochochnal. Ut saꞌ ajcuiꞌ li rochoch aꞌan nequeꞌxchꞌutub rib laj pa̱banel. Laj Erasto, laj cꞌulul tumin saꞌ li tenamit, naxtakla xsahil e̱chꞌo̱l. Ut naxtakla ajcuiꞌ xsahil e̱chꞌo̱l laj Cuarto.

San Mateo 6:6

Ut nak textijok la̱ex, ocankex saꞌ le̱ rochoch, tzꞌapomak re li cab, ut tijonkex chiru le̱ Yucuaꞌ li incꞌaꞌ na-ilman ru. Ut le̱ Yucuaꞌ li naril chixjunil li cꞌaꞌru nequeba̱nu, aꞌan ta̱kꞌajca̱mu̱nk e̱re.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

San Mateo 6:4

Chaba̱nu ban chi mukmu ut la̱ yucuaꞌ li naxnau chixjunil li cꞌaꞌak re ru nacaba̱nu, aꞌan li ta̱kꞌajca̱mu̱nk a̱cue.

San Mateo 6:1

Cheqꞌuehak retal cꞌaꞌru nequeba̱nu. Cui la̱ex te̱ba̱nu li usilal yal re nak tex-ilekꞌ joꞌ nequeꞌxba̱nu eb laj fariseo, ma̱cꞌaꞌak le̱ kꞌajca̱munquil riqꞌuin le̱ Yucuaꞌ cuan saꞌ choxa.

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

San Mateo 7:8

Cheba̱nu aꞌan xban nak li ani natzꞌa̱man chiru li Dios naqꞌueheꞌ re. Li ani naxsicꞌ, naxtau. Ut li ani nabokoc, li puerta nateheꞌ chiru.

San Mateo 25:44

Ut teꞌchakꞌok ut teꞌxye cue: “Ka̱cuaꞌ, ¿jokꞌe ta biꞌ catkil chi tattzꞌoca̱k? ¿Jokꞌe ta biꞌ catkil chi ta̱chakik a̱cue? ¿Jokꞌe casicꞌ a̱cuochochnal? ¿Jokꞌe catkil chi ma̱cꞌaꞌ la̱ cuakꞌ malaj yajat, malaj cuancat saꞌ tzꞌalam ut incꞌaꞌ catkatenkꞌa?” chaꞌkeb.

San Mateo 25:45

Ut la̱in li Rey tinchakꞌok ut tinye reheb: “Relic chi ya̱l tinye e̱re, xban nak incꞌaꞌ quetenkꞌaheb li nequeꞌpa̱ban cue li ma̱cꞌaꞌeb xcuanquil, incꞌaꞌ ajcuiꞌ quine̱tenkꞌa la̱in,” chaꞌkin reheb.