San Mateo 10:3 - Li Santil hu

³ laj Felipe ut laj Bartolomé; laj Tomás ut laj Mateo laj titzꞌol toj; laj Jacobo li ralal laj Alfeo ut laj Lebeo aj Tadeo xcab xcꞌabaꞌ,

Q'eqchi Bible

³ laj Felipe ut laj Bartolomé; laj Tomás ut laj Mateo laj titz'ol toj; laj Santiago, ralal laj Alfeo, ut laj Tadeo;

San Mateo 10:3 ပူးပေါင်းရင်းမြစ်များ

Hechos 1:13

Nak queꞌcuulac Jerusalén queꞌtakeꞌ saꞌ xcaꞌ tasal li cab li nequeꞌhilan cuiꞌ nak cuanqueb Jerusalén. Aꞌaneb laj Pedro, laj Juan, laj Jacobo, laj Andrés, laj Felipe, laj Tomás, laj Bartolomé, laj Mateo, laj Jacobo li ralal laj Alfeo, laj Simón li na-oquen saꞌ xya̱nkeb li jun chꞌu̱tal Zelote nequeꞌxye reheb, ut laj Judas li ralal laj Jacobo.

San Marcos 3:18

Quixxakabeb ajcuiꞌ laj Andrés, laj Felipe, laj Bartolomé, laj Mateo, laj Tomás, laj Jacobo li ralal laj Alfeo, laj Tadeo ut laj Simón. Aꞌan xcomoneb laj Canaán.

San Marcos 2:14

Nak yo̱ chi numecꞌ aran, li Jesús quiril laj Leví li ralal laj Alfeo. Laj Leví cꞌojcꞌo saꞌ xnaꞌaj ut yo̱ chi titzꞌoc toj. Li Jesús quixye re: —China̱ta̱ke.— Tojoꞌnak laj Leví quicuacli ut quixta̱ke li Jesús.

San Mateo 9:9

Ut li Jesús qui-el aran Capernaum ut quinumeꞌ saꞌ li naꞌajej bar nequeꞌcꞌuluc cuiꞌ toj. Quiril jun li cui̱nk aj Mateo xcꞌabaꞌ. Cꞌojcꞌo aran xban nak aꞌan aj titzꞌol toj. Ut li Jesús quixye re: —China̱ta̱ke.— Ut laj Mateo quicuacli ut quixta̱ke.

San Juan 21:2

Chꞌutchꞌu̱queb laj Simón Pedro ut laj Tomás li nayeheꞌ lut re, ut laj Natanael, Caná xtenamit li cuan saꞌ xcue̱nt Galilea. Cuanqueb ajcuiꞌ aran li ralal laj Zebedeo ut cuibeb chic lix tzolom li Jesús.

San Juan 11:16

Laj Tomás, li nequeꞌxye lut re, quixye reheb li rech aj tzolonelil: —Yoꞌkeb ajcuiꞌ la̱o usta tocamsi̱k kochben laj tzolonel, chan.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

Gálatas 1:19

Ut quicuil ru laj Jacobo ri̱tzꞌin li Ka̱cuaꞌ Jesucristo. Ut chirix chic aꞌan, ma̱ jun chic reheb li apóstol quicuileb ru.

Hechos 21:18

Joꞌ cuulajak chic laj Pablo co̱ chirilbal laj Jacobo ut la̱o co̱o chirix. Ac chꞌutchꞌu̱queb aran chixjunileb li nequeꞌcꞌamoc be saꞌ xya̱nkeb laj pa̱banel.

Hechos 12:17

Quixtaksi li rukꞌ re nak teꞌxcanab choki̱nc, ut quixserakꞌi reheb chanru nak qui-isi̱c saꞌ tzꞌalam xban li Ka̱cuaꞌ. Quixye reheb: —Yehomak resil aꞌin re laj Jacobo ut reheb chixjunileb laj pa̱banel, chan. Ut chirix aꞌan co̱ saꞌ jalan naꞌajej.

San Lucas 5:27

Nak qui-el saꞌ li tenamit aꞌan, li Jesús quixtau jun li cui̱nk aj titzꞌol toj aj Leví xcꞌabaꞌ. Chunchu cuan cuiꞌ li me̱x li nequeꞌcꞌuluc cuiꞌ toj. Li Jesús quixye re: —China̱ta̱ke, chan.

Hechos 15:13

Nak queꞌrakeꞌ chi a̱tinac, laj Jacobo quichakꞌoc ut quixye: —Ex inherma̱n, abihomak li oc cue xyebal e̱re.

San Juan 14:22

Laj Judas jun chic, li ma̱cuaꞌ laj Judas Iscariote, quixye re: —Ka̱cuaꞌ, ¿chanru nak ta̱cꞌutbesi a̱cuib chiku la̱o, ut incꞌaꞌ ta̱cꞌutbesi a̱cuib chiruheb li incꞌaꞌ nequeꞌpa̱ban a̱cue? chan.

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Mateo 27:56

Saꞌ xya̱nkeb aꞌan cuanqueb lix María aj Magdala, ut lix María xnaꞌeb laj Jacobo ut laj José, ut lix naꞌeb li ralal laj Zebedeo.

San Mateo 18:17

Ut cui incꞌaꞌ naraj ta̱rabiheb aꞌan, ta̱ye re li iglesia re nak li herma̱n teꞌxchꞌolob xya̱lal chiru. Ut cui incꞌaꞌ ajcuiꞌ naraj abi̱nc chiruheb aꞌan, aꞌan chic ta̱cua̱nk che̱ru joꞌ chanchan li ma̱cuaꞌak aj pa̱banel ut chanchanak laj titzꞌol toj li incꞌaꞌ us nequeꞌxba̱nu.

San Marcos 15:40

Cuanqueb ajcuiꞌ ixk yo̱queb chi iloc chi najt. Saꞌ xya̱nkeb aꞌan cuan lix María aj Magdala, lix Salomé ut lix María xnaꞌeb laj José ut laj Jacobo li i̱tzꞌinbej.

San Lucas 18:10

—Cuib li cui̱nk co̱eb saꞌ li templo chi tijoc. Li jun, aꞌan aj fariseo. Ut li jun chic aj titzꞌol toj.

San Lucas 18:11

Laj fariseo quixxakab rib ut quitijoc chi cau xya̱b xcux ut quixye: “At inDios, la̱in ninbantioxi cha̱cuu nak ma̱cuaꞌin joꞌqueb li jun chꞌol chic. Aꞌan eb aj e̱lkꞌeb, aj ba̱nuhom ma̱usilal, ut aj muxuleb caxa̱r. La̱in ma̱cuaꞌin joꞌ laj titzꞌol toj aꞌan.

San Lucas 18:13

Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

San Lucas 19:2

Aran cuan jun li cui̱nk biom aj Zaqueo xcꞌabaꞌ. Li cui̱nk aꞌan, aꞌan li nataklan saꞌ xbe̱neb laj titzꞌol toj.

San Juan 1:48

Laj Natanael quixye re li Jesús: —¿Chanru nacanau nak cha̱bil innaꞌleb? chan. Li Jesús quichakꞌoc ut quixye re: —Xinnau chanru a̱naꞌleb nak cuancat rubel li jun to̱n chi higo nak toj ma̱jiꞌ nacatxbok laj Felipe, chan.

San Juan 14:5

Laj Tomás quixye re: —At Ka̱cuaꞌ, incꞌaꞌ nakanau bar xic a̱cue. ¿Chan ta cuiꞌ ru nak takanau li be? chan.