San Mateo 10:18 - Li Santil hu

¹⁸ Ut texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in. Ut te̱chꞌolob lix ya̱lal chiruheb aꞌan, joꞌ ajcuiꞌ chiruheb li ma̱cuaꞌeb aj judío.

Q'eqchi Bible

¹⁸ Texk'ame'q chiruheb' li awab'ej ut eb' li ninqeb' xwankil sa' ink'ab'a' re naq teech'olob' li yaal chiruheb' jo'wi' chiruheb' li maak'a'eb' xpaab'aal.

San Mateo 10:18 ပူးပေါင်းရင်းမြစ်များ

San Marcos 13:9

Aꞌut la̱ex cheqꞌuehak retal li raylal ta̱cha̱lk saꞌ e̱be̱n. Texkꞌaxtesi̱k chiruheb laj rakol a̱tin ut texsaqꞌuekꞌ saꞌ li cab li nequeꞌxchꞌutub cuiꞌ ribeb laj judío. Texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in ut ta̱ru̱k te̱chꞌolob xya̱lal li cua̱tin chiruheb.

San Mateo 8:4

Tojoꞌnak li Jesús quixye re: —Abi li tinye a̱cue. Ma̱ ani aj e ta̱serakꞌi li xacꞌul. Ayu ban ut cꞌut a̱cuib chiru laj tij. Ut ta̱qꞌue li mayej joꞌ naxye saꞌ lix chakꞌrab laj Moisés re xcꞌutbal chiruheb nak xatqꞌuira.— (Lev. 13:49)

Apocalipsis 11:7

Nak acak xeꞌrakeꞌ xyebal resilal li cꞌaꞌru ta̱cꞌulma̱nk, jun li chanchan joskꞌ aj xul ta̱e̱lk chak saꞌ li chamal jul ut ta̱pletik riqꞌuineb aꞌan. Ta̱numta̱k saꞌ xbe̱neb toj retal tixcamsiheb.

Apocalipsis 6:9

Nak li Jun li chanchan carner quixte li roꞌ sello, quicuil nak cuanqueb rubel li artal li queꞌcamsi̱c xban nak queꞌpa̱ban ut xban nak queꞌxchꞌolob xya̱lal li ra̱tin li Dios.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

2 Timoteo 1:8

Joꞌcan ut nak matxuta̱nac chixchꞌolobanquil resil li Ka̱cuaꞌ Jesucristo chi moco tatxuta̱na̱k inban la̱in xban nak cuanquin chi pre̱xil xban xyebal resil li Ka̱cuaꞌ. Chaqꞌue ban a̱cuib chi tzꞌako̱nc riqꞌuin li raylal nacꞌulman saꞌ xcꞌabaꞌ li evangelio. Ut li Dios ta̱qꞌuehok a̱cuanquil chixcuybal.

Salmos 119:46

La̱in tinchꞌolob xya̱lal la̱ chakꞌrab chiruheb li rey li cuanqueb saꞌ eb li tenamit ut incꞌaꞌ tinxuta̱na̱k chixyebal la̱ chakꞌrab reheb.

San Mateo 10:17

Cauhak le̱ chꞌo̱l xban nak cuanqueb li teꞌkꞌaxtesi̱nk e̱re saꞌ rukꞌeb laj rakol a̱tin. Ut chi ma̱cꞌaꞌ e̱ma̱c texsaqꞌuekꞌ xbaneb saꞌ li cab li nequeꞌxchꞌutub cuiꞌ ribeb laj judío.

San Mateo 10:19

Ut nak toxexxakaba̱k chiruheb, mexcꞌoxlac chirix li cꞌaꞌru te̱ye, chi moco texcꞌoxlak chirix chanru tex-a̱tinak xban nak saꞌ li ho̱nal aꞌan ta̱yehekꞌ e̱re cꞌaꞌru te̱ye.