San Mateo 10:16 - Li Santil hu

¹⁶ Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Q'eqchi Bible

¹⁶ “Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

San Mateo 10:16 ပူးပေါင်းရင်းမြစ်များ

San Lucas 10:3

Ayukex biꞌ ut chenauhak nak la̱in yo̱quin chi takla̱nc e̱re saꞌ xya̱nkeb li xicꞌ nequeꞌiloc e̱re. Chanchanakex li cocꞌ carner saꞌ xya̱nkeb laj xoj.

Filipenses 2:15

Cheba̱nuhak chixjunil saꞌ xya̱lal re nak chicꞌutu̱nk nak chi anchal e̱chꞌo̱l nequexpa̱ban ut re nak ma̱ ani ta̱a̱tinak che̱rix. La̱ex ralal xcꞌajol li Dios ut ma̱cꞌaꞌak e̱ma̱c usta cuanquex saꞌ xya̱nkeb laj ma̱c, li incꞌaꞌ useb xnaꞌleb. Ut xban nak ti̱c e̱chꞌo̱l, nak yo̱kex chixyebal resil li colba-ib chiruheb, chiruheb chanchanakex li chahim li nalemtzꞌun chiru kꞌojyi̱n.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Colosenses 4:5

Chexcua̱nk saꞌ xya̱lal riqꞌuineb li ma̱cuaꞌeb aj pa̱banel ut yalak bar cua̱nkex chi kꞌek chi cutan junelic te̱chꞌolob xya̱lal li colba-ib chiruheb.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

1 Ts 5:22

Ut chetzꞌekta̱na chixjunil li ma̱usilal.

2 Corintios 11:14

Misach e̱chꞌo̱l chirabinquil aꞌan. Joꞌcan ajcuiꞌ naxba̱nu laj tza. Cuan nak naxcꞌutbesi rib joꞌ ángel ut chanchan naxcutanobresi li kanaꞌleb.

Génesis 3:1

Li cꞌantiꞌ kꞌaxal cuiꞌchic cuan xnaꞌleb chiruheb chixjunileb li xul li quixyoꞌobtesi li Ka̱cuaꞌ Dios. Kꞌaxal se̱b xchꞌo̱l chixba̱nunquil li incꞌaꞌ us. Li cꞌantiꞌ quixye re li ixk: —¿Ma relic chi ya̱l nak li Dios quixye e̱re nak incꞌaꞌ naru te̱lou li ru chixjunileb li cheꞌ li cuan saꞌ xnaꞌaj li acui̱mk?—

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

Colosenses 1:9

Ut chalen nak quikabi resil nak xexpa̱ban, joꞌcan nak junelic nocotijoc che̱rix. Nakatzꞌa̱ma chiru li Dios nak tixcꞌut che̱ru cꞌaꞌru naraj te̱ba̱nu. Ut nakatzꞌa̱ma ajcuiꞌ chiru li Dios nak li Santil Musikꞌej tixqꞌue e̱naꞌleb chixtaubal ru lix ya̱lal.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

2 Corintios 8:20

Yo̱co chixba̱nunquil li cꞌanjel aꞌin chi us re nak ma̱ ani ta̱cuechꞌok rix li kacꞌanjel nak toxic chixcanabanquil li nimla ma̱tan aꞌin.

Génesis 3:13

Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Jeremías 40:16

Abanan laj Gedalías li ralal laj Ahicam quixye re laj Johanán li ralal laj Carea: —Ma̱ba̱nu aꞌan xban nak moco ya̱l ta li cꞌaꞌru yo̱cat chixyebal chirix laj Ismael, chan.

Oseas 7:11

Eb li ralal xcꞌajol laj Efraín chanchaneb li mucuy ma̱cꞌaꞌ xnaꞌleb. Incꞌaꞌ naxnau cꞌoxlac. Xbe̱n cua nequeꞌxpatzꞌ xtenkꞌanquil riqꞌuineb laj Egipto ut nequeꞌxpatzꞌ ajcuiꞌ riqꞌuineb laj Asiria.

San Mateo 24:25

Abanan cheqꞌuehak retal. Ac xinye e̱re li cꞌaꞌru talajeꞌcꞌulma̱nk.

San Mateo 24:45

¿Ani ut laj cꞌanjel cha̱bil ut cuan xnaꞌleb? Aꞌan li quiqꞌueheꞌ xcuanquil xban lix patrón saꞌ xbe̱neb li rech mo̱sil ut aꞌan ta̱qꞌuehok re xtzacae̱mkeb saꞌ x-o̱ril.

San Mateo 25:2

O̱b cuanqueb xnaꞌleb ut li o̱b chic ma̱cꞌaꞌ xnaꞌlebeb.

San Mateo 25:4

Ut li cuanqueb xnaꞌlebeb queꞌxcauresi rib chi us, queꞌxcꞌam lix candil ut queꞌxcꞌam ajcuiꞌ lix yaꞌal.

San Mateo 25:9

Aban li cuanqueb xnaꞌleb queꞌxye: “Incꞌaꞌ naru. Incꞌaꞌ ta̱tzꞌaklok li xyaꞌal li ke cui takaqꞌue e̱re la̱ex. Ayukex riqꞌuineb laj cꞌay. Lokꞌomak chak e̱re,” chanqueb reheb.

Nehemías 4:13

La̱in quebintakla li junju̱nk cabal re nak teꞌxakli̱k chirix li tzꞌac bar cubenak cuiꞌ xteram joꞌ ajcuiꞌ saꞌ xya̱nk li tzꞌac li toj ma̱jiꞌ naxcꞌul rib. Cua̱nkeb xchꞌi̱chꞌ re camsi̱nc, cua̱nkeb xla̱ns ut cua̱nkeb ajcuiꞌ xtzimaj saꞌ rukꞌeb.