San Mateo 10:10 - Li Santil hu

¹⁰ Chi moco te̱cꞌam xnaꞌaj li cꞌaꞌak re ru ta̱cꞌanjelak e̱re saꞌ be, chi moco te̱cꞌam xjalbal le̱ rakꞌ, chi moco xjalbal e̱xa̱b, chi moco e̱xukꞌ. Me̱cꞌam li cꞌaꞌak re ru aꞌin xban nak laj cꞌanjel, aꞌan tento nak ta̱qꞌuehekꞌ re lix tzacae̱mk.

Q'eqchi Bible

¹⁰ Meek'am xna'aj leewa re leeb'e, chi moko ka'kab'aq leeraq', chi moko eexaab', chi moko eexuq', xb'aan naq laj k'anjel xk'ulub' naq taak'ehe'q xtzekemq.

San Mateo 10:10 ပူးပေါင်းရင်းမြစ်များ

San Lucas 3:11

Quichakꞌoc laj Juan ut quixye reheb: —Li ani cuan cuibak sumal rakꞌ chixqꞌuehak jun sumalak re li ma̱cꞌaꞌ re. Ut li ani cuan xtzacae̱mk, chixqꞌuehak re li ma̱cꞌaꞌ re, chan.

1 Samuel 9:7

Laj Saúl quixye re: —Us. Yoꞌo riqꞌuin. Aban, ¿cꞌaꞌru takasi re li profeta? Ma̱cꞌaꞌ chic cuan ke. Ma̱cꞌaꞌ chic kacua saꞌ li kabo̱ls, chan.

2 Timoteo 4:13

Nak tatcha̱lk, chacꞌamak chak cue li capa quincanab chak saꞌ li tenamit Troas saꞌ rochoch laj Carpo. Ut chacꞌamak ajcuiꞌ chak li hu. Li kꞌaxal nacuaj ru, aꞌan li tzꞌu̱m li tzꞌi̱banbil ru.

1 Samuel 17:40

Quixchap lix xukꞌ. Quixxoc saꞌ li nimaꞌ o̱b li cocꞌ pec ti̱c ru ut quixqꞌueheb saꞌ lix bo̱ls. Cuan li rantꞌin saꞌ rukꞌ. Ut co̱ cuan cuiꞌ laj filisteo.

San Mateo 10:11

Ut yalak bar tenamitil ut cꞌaleba̱l toxex-ocak cuiꞌ, patzꞌomak ani ta̱cꞌuluk e̱re chi sa saꞌ xchꞌo̱l, ut aran texhila̱nk riqꞌuin tojaꞌ ya̱l jokꞌe texxic.

San Marcos 6:8

Ut quixye reheb: —Ma̱cꞌaꞌ cꞌaꞌru te̱cꞌam nak texxic, caꞌaj cuiꞌ le̱ xukꞌ. Incꞌaꞌ te̱cꞌam e̱tzacae̱mk, chi moco junak bo̱ls, chi moco tumin te̱cꞌam.

San Lucas 9:3

Quixye reheb: —Ma̱cꞌaꞌ te̱cꞌam e̱re nak texxic. Incꞌaꞌ te̱cꞌam e̱xukꞌ, chi moco e̱bo̱ls, chi moco e̱tzacae̱mk chi moco e̱tumin. Caꞌaj cuiꞌ le̱ rakꞌ li cuan che̱rix te̱cꞌam.

Números 18:31

La̱ex joꞌ eb ajcuiꞌ li cuanqueb saꞌ le̱ rochoch naru te̱tzaca yalak bar li na-elaꞌan xban nak aꞌan xtojbal li cꞌanjel li nequeba̱nu saꞌ li tabernáculo.