San Mateo 1:20 - Li Santil hu

²⁰ Ut yo̱ chixcꞌoxlanquil aꞌin laj José nak jun lix ángel li Ka̱cuaꞌ quixcꞌutbesi rib chiru saꞌ xmatcꞌ ut quixye re: —At José, ralalat li rey David, matcꞌoxlac chixcꞌambal lix María chokꞌ a̱cuixakil. Aꞌan xcana chi yaj aj ixk xban xcuanquil li Santil Musikꞌej.

Q'eqchi Bible

²⁰ Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

San Mateo 1:20 ပူးပေါင်းရင်းမြစ်များ

San Lucas 1:19

Ut li ángel quixye: —La̱in li ángel Gabriel li nincꞌanjelac chiru li Dios. Ut aꞌan xtaklan chak cue xyebal a̱cue li cha̱bil esilal aꞌin.

San Mateo 1:18

Ut lix yoꞌlajic li Jesucristo, joꞌcaꞌin nak quicuan: Lix María lix naꞌ li Jesús ac tzꞌa̱manbil xban laj José. Toj ma̱jiꞌ nequeꞌxlakꞌab rib nak lix María quicana chi yaj aj ixk xban xcuanquil li Santil Musikꞌej.

San Mateo 2:19

Ut nak quicam laj Herodes, jun x-ángel li Ka̱cuaꞌ quixcꞌutbesi rib chiru laj José saꞌ xmatcꞌ aran Egipto.

Joel 2:28

Ut nak ac xnumeꞌ chixjunil li cꞌaꞌak re ru aꞌin, la̱in tinqꞌue lin musikꞌ chi cua̱nc riqꞌuineb chixjunileb li tenamit. Ut eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

San Lucas 2:4

Laj José qui-el saꞌ li tenamit Nazaret li cuan saꞌ xcue̱nt Galilea ut co̱ Belén li cuan xcue̱nt Judea. Aꞌan xtenamit li rey David. Aran co̱ xban nak aꞌan xcomoneb li ralal xcꞌajol laj David.

San Mateo 28:5

Ut nak queꞌcuulac li ixk, li ángel quixye reheb: —Mexxucuac la̱ex. La̱in ninnau nak yo̱quex chixsicꞌbal li Jesús li quicam chiru cruz.

Isaías 26:3

At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

Jueces 13:3

Jun x-ángel li Ka̱cuaꞌ quixcꞌutbesi rib chiru li ixk ut quixye re: —La̱at ma̱ jun a̱cocꞌal cuanjenak xban nak incꞌaꞌ nacatqꞌuiresin. Abanan anakcuan tatcana̱k chi yaj aj ixk ut ta̱cua̱nk jun a̱cꞌulaꞌal chꞌina te̱lom.

Génesis 31:11

Ut saꞌ inmatcꞌ lix ángel li Dios quixye cue, “Jacob”, chan. Ut la̱in quinye re, “Cueꞌquin”.

San Mateo 2:22

Ut nak quirabi resil nak aꞌ laj Arquelao chic li rey aran Judea re̱kaj laj Herodes lix yucuaꞌ, laj José quixucuac chi xic aran. Ut nak quicꞌutbesi̱c chiru saꞌ xmatcꞌ, queꞌco̱eb saꞌ jun naꞌajej xcue̱nt Galilea.

Salmos 143:8

Rajlal taxak ekꞌela ta̱cꞌut chicuu nak nacacuuxta̱na cuu xban nak la̱in cꞌojcꞌo inchꞌo̱l a̱cuiqꞌuin. Chacꞌut taxak chicuu cꞌaꞌru tinba̱nu xban nak caꞌaj cuiꞌ la̱at nacatqꞌuehoc innaꞌleb.

Salmos 119:125

La̱in laj cꞌanjel cha̱cuu. Chaqꞌue taxak innaꞌleb re nak tintau ru chi us lix ya̱lal la̱ chakꞌrab.

Salmos 94:19

Nak incꞌaꞌ chic nintau cꞌaꞌru tinba̱nu, la̱at nacacꞌojob inchꞌo̱l. La̱at nacaqꞌue xsahil inchꞌo̱l.

San Mateo 2:13

Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.

Proverbios 12:5

Eb li ti̱queb xchꞌo̱l junes li us nequeꞌxcꞌoxla. Abanan li incꞌaꞌ useb xnaꞌleb junes balakꞌic nequeꞌxcꞌoxla.

1 Reyes 17:13

Laj Elías quixye re: —Matcꞌoxlac. Ayu saꞌ la̱ cuochoch. Ba̱nu joꞌ xaye. Abanan xbe̱n cua ta̱yi̱b jun chꞌina caxlan cua ut ta̱cꞌam chak chokꞌ cue. Chirix aꞌan ta̱yi̱b re la̱ yum ut la̱ cue la̱at.

Jeremías 40:9

Ut laj Gedalías li ralal laj Ahicam li ralal laj Safán quixba̱nu li juramento riqꞌuineb li soldados ut riqꞌuineb li nequeꞌtaklan saꞌ xbe̱neb. Ut quixye reheb: —Mexxucuac chi cꞌanjelac chiruheb laj Babilonia. Cana̱kex saꞌ li naꞌajej aꞌin ut cꞌanjelankex chiru lix reyeb laj Babilonia re nak us tex-e̱lk riqꞌuin li cꞌaꞌru te̱ba̱nu.

Jeremías 31:22

¿Joꞌ najtil chic te̱beni e̱rib yalak bar, la̱ex li incꞌaꞌ nequex-abin chicuu? La̱in li Ka̱cuaꞌ tinqꞌue jun li acꞌ naꞌleb saꞌ ruchichꞌochꞌ. Aꞌan nak li ixk, aꞌan li ta̱ilok re li cui̱nk.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Génesis 46:3

Ut li Ka̱cuaꞌ Dios quixye re: —La̱in li Ka̱cuaꞌ Dios li quixlokꞌoni la̱ yucuaꞌ. Matxucuac chi xic Egipto xban nak aran tinqꞌueheb chi qꞌuia̱nc nabaleb la̱ cualal a̱cꞌajol. Riqꞌuineb aꞌan ta̱cua̱nk jun nimla tenamit.

Isaías 7:2

Li esilal aꞌin quicuulac riqꞌuineb li ralal xcꞌajol laj David. Ut queꞌxye re li rey Acaz: —Eb laj Siria queꞌxjunaji ribeb riqꞌuineb li ralal xcꞌajol laj Efraín ut xeꞌchal chi pletic riqꞌuin la̱ tenamit, chanqueb re. Ut eb aꞌan cꞌajoꞌ nak queꞌxucuac. Nequeꞌsicsot xban xxiuheb. Chanchan nak nequeꞌecꞌasi̱c li cheꞌ li cuan saꞌ qꞌuicheꞌ xban li ikꞌ.

Isaías 7:13

Tojoꞌnak laj Isaías quixye: —Abihomak la̱ex li ralal xcꞌajol laj David. ¿Ma incꞌaꞌ ta biꞌ tzꞌakal nak yo̱quex chixchꞌiꞌchꞌiꞌinquileb li profeta? ¿Ma toj te̱raj xchꞌiꞌchꞌiꞌinquil li Ka̱cuaꞌ lin Dios?

1 Reyes 3:5

Saꞌ jun li kꞌojyi̱n li Ka̱cuaꞌ Dios quixcꞌutbesi rib chiru laj Salomón saꞌ li naꞌajej Gabaón nak yo̱ chi cua̱rc ut quixye re: —Tzꞌa̱ma li cꞌaꞌru ta̱cuaj ut la̱in tinqꞌue a̱cue, chan.

San Mateo 2:12

Ut queꞌcꞌutbesi̱c chiruheb xban li Dios saꞌ xmatqꞌueb nak incꞌaꞌ chic teꞌsukꞌi̱k riqꞌuin laj Herodes. Saꞌ jalan chic be queꞌxcꞌam nak queꞌsukꞌi saꞌ xtenamiteb.

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

Hechos 5:19

Abanan chiru li kꞌojyi̱n aꞌan jun lix ángel li Ka̱cuaꞌ quixte lix puertil li tzꞌalam ut quirisiheb saꞌ tzꞌalam ut quixye reheb:

Apocalipsis 19:7

Chisahokꞌ taxak saꞌ kachꞌo̱l. Chikaqꞌue xlokꞌal li Ka̱cuaꞌ xban nak xcuulac xkꞌehil lix sumlajic li Jun li chanchan carner. Li ixakilbej ac xcauresi rib.