San Mateo 1:17 - Li Santil hu

¹⁷ Ca̱laju te̱p li ralal xcꞌajol laj Abraham quicuan toj nak quiyoꞌla laj David. Ac cuan ca̱laju te̱p li ralal xcꞌajol laj David nak queꞌcꞌameꞌ aran Babilonia. Ut chirix chic aꞌan, quicuan cuiꞌchic ca̱laju te̱p li ralal xcꞌajol chalen toj nak quiyoꞌla li Cristo.

Q'eqchi Bible

¹⁷ Jo'kan utan, li xk'ihaleb' li xxe' xtoonal li Jesus chalen chaq rik'in laj Abrahán toj rik'in laj David, kaalaju xteepaleb' riyajil li tenamit. Ut chalen wi' chik rik'in laj David toj rik'ineb' li ke'k'ame'k aran Babilonia, kaalaju xteepaleb' riyajil li tenamit. Ut chalen rik'ineb' li ke'k'ame'k Babilonia toj rik'in li Kriist, kaalaju xteepaleb' riyajil li tenamit.

San Mateo 1:17 ပူးပေါင်းရင်းမြစ်များ

2 Reyes 24:14

Li rey Nabucodonosor quixcꞌameb chi pre̱xil chixjunileb li queꞌcuan Jerusalén. Quixcꞌameb li soldado joꞌ eb ajcuiꞌ li nequeꞌtaklan saꞌ xbe̱neb. Quixcꞌam chixjunileb li nequeꞌxnau cꞌanjelac chi cha̱bil, joꞌ eb ajcuiꞌ laj tenol chꞌi̱chꞌ. Laje̱b mil chixjunileb li cristian li quixcꞌam Babilonia. Caꞌaj chic eb li nebaꞌeb queꞌcana Jerusalén.

Jeremías 27:20

Laj Nabucodonosor lix reyeb laj Babilonia incꞌaꞌ quixcꞌam li cꞌaꞌak re ru aꞌan nak quixcꞌam aran Babilonia laj Jeconías li ralal laj Joacim lix reyeb laj Judá rochbeneb chixjunileb li nequeꞌtaklan aran Jerusalén ut Judá.

San Juan 1:41

Nak ac x-a̱tinac riqꞌuin li Jesús, ticto co̱ laj Andrés riqꞌuin laj Simón ut quixye re: —Anakcuan xkatau li Mesías, chan. (Chi jalbil ru naraj naxye “li Cristo li taklanbil chak xban li Dios”.)

San Mateo 11:2

Ac cuan chi pre̱xil laj Juan laj Cubsihom Haꞌ nak quirabi resil li cꞌaꞌru yo̱ chixba̱nunquil li Cristo. Laj Juan quixtaklaheb lix tzolom chi a̱tinac riqꞌuin ut chixpatzꞌbal re: