San Mateo 1:16 - Li Santil hu

¹⁶ Ut laj Jacob, aꞌan xyucuaꞌ laj José, xbe̱lom lix María. Ut lix María, aꞌan lix naꞌ li Jesús. Ut li Jesús, Aꞌan li Cristo.

Q'eqchi Bible

¹⁶ Laj Jakob a'an xyuwa' laj José, li xb'eelom lix María li kiyo'laak wi' li Jesus, a' li Kriist xk'ab'a'.

San Mateo 1:16 ပူးပေါင်းရင်းမြစ်များ

San Mateo 27:17

Ut nak chꞌutchꞌu̱queb li qꞌuila tenamit, laj Pilato quixpatzꞌ reheb: —¿Ani te̱raj tincuachꞌab? ¿Ma laj Barrabás, malaj ut li Jesús li Cristo nequeꞌxye re? chan laj Pilato.

San Juan 4:25

Quichakꞌoc li ixk ut quixye re: —La̱in ninnau nak ta̱cha̱lk li Mesías li ta̱colok ke. Li Cristo nequeꞌxye re. Nak tol-e̱lk aꞌan, tixchꞌolob chiku chixjunil li cꞌaꞌak re ru aꞌin, chan li ixk.

San Lucas 3:23

Ac cuan tana laje̱b xcaꞌcꞌa̱l (30) chihab re li Jesús nak quixtiquib lix cꞌanjel. Chiruheb chixjunileb, li Jesús aꞌan ralal laj José, li ralal laj Elí.

San Mateo 27:22

Quixye laj Pilato reheb: —Ut, ¿cꞌaꞌ put ru ta̱ru̱k tinba̱nu la̱in riqꞌuin li Jesús, li Cristo nequeꞌxye re?— Ut chixjunileb queꞌxye: —¡Chiqꞌuehekꞌ chiru cruz!—

San Lucas 4:22

Chixjunileb li cuanqueb aran cha̱bil yo̱queb chixyebal chirix li Jesús ut sachso̱queb xchꞌo̱l chirabinquil li cha̱bil a̱tin li yo̱ chixyebal. Ut queꞌxye: —¿Ma ma̱cuaꞌ ta biꞌ aꞌin li ralal laj José? chanqueb.

San Lucas 2:48

Lix naꞌ xyucuaꞌ sachso̱queb xchꞌo̱l queꞌcana nak queꞌril nak li Jesús yo̱ chi a̱tinac riqꞌuineb. Ut lix naꞌ quixye re: —At inyum, ¿cꞌaꞌut nak xaba̱nu ke chi joꞌcaꞌin? Cꞌajoꞌ kacꞌaꞌux cha̱cuix. La̱ yucuaꞌ ut la̱in yo̱co cha̱sicꞌbal, chan lix María.

San Lucas 2:7

Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

San Lucas 1:27

Quitakla̱c riqꞌuin jun li xkaꞌal xMaría xcꞌabaꞌ toj ma̱jiꞌ cuanjenak riqꞌuin cui̱nk. Ac tzꞌa̱manbil xban jun li cui̱nk aj José xcꞌabaꞌ. Li cui̱nk aꞌan xcomoneb li ralal xcꞌajol li rey David.

San Marcos 6:3

—¿Ma ma̱cuaꞌ ta biꞌ aꞌin laj pechꞌ? Ut, ¿ma ma̱cuaꞌ ta biꞌ lix María lix naꞌ? ¿Ma ma̱cuaꞌ ta biꞌ laj Jacobo li ri̱tzꞌin ut laj José, laj Judas ut laj Simón? ¿Ma ma̱cuaꞌ ta biꞌ aꞌin eb li ri̱tzꞌin li cuanqueb saꞌ kaya̱nk? chanqueb. Ut queꞌchal xjoskꞌil saꞌ xbe̱n.

San Mateo 2:13

Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

San Mateo 1:15

Ut laj Eliud, aꞌan xyucuaꞌ laj Eleazar. Ut laj Eleazar, aꞌan xyucuaꞌ laj Matán. Ut laj Matán, aꞌan xyucuaꞌ laj Jacob.

San Mateo 16:16

Quichakꞌoc laj Simón Pedro ut quixye: —La̱at li Cristo, li Ralal li yoꞌyo̱quil Dios.—

San Mateo 16:20

Tojoꞌnak quixye reheb lix tzolom nak ma̱ ani aj e teꞌxye nak li Jesús, aꞌan li Cristo, li yechiꞌinbil xban li Dios.