San Mateo 1:1 - Li Santil hu

¹ Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

Q'eqchi Bible

¹ Li Jesus, li Kriist, a'an ralal laj David ut ralal laj Abrahán. A'aneb' a'in li xxe' xtoonal.

San Mateo 1:1 ပူးပေါင်းရင်းမြစ်များ

Génesis 22:18

Xban nak xapa̱b li cua̱tin, chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌeb la̱ cualal a̱cꞌajol, chan.

Gálatas 3:16

Joꞌ tzꞌi̱banbil saꞌ li Santil Hu, li cꞌaꞌru quiyechiꞌi̱c re laj Abraham xban li Dios, quiyechiꞌi̱c ajcuiꞌ reheb li ralal xcꞌajol. Moco yo̱ ta chi a̱tinac chirixeb chixjunileb li ralal xcꞌajol. Yo̱ ban chi a̱tinac chirix jun ajcuiꞌ. Ut li jun aꞌan, aꞌan li Cristo.

Romanos 1:3

Aꞌan aꞌin resilal li Ka̱cuaꞌ Jesucristo li Ralal li Dios. Li Ka̱cuaꞌ Jesucristo tzꞌakal cui̱nk xban nak quiyoꞌla arin saꞌ ruchichꞌochꞌ riqꞌuin jun reheb li ralal xcꞌajol laj David.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Salmos 132:11

Li Ka̱cuaꞌ quixba̱nu jun li juramento riqꞌuin laj David ut incꞌaꞌ tixjal lix cꞌaꞌux. Tixba̱nu ban li cꞌaꞌru quixyechiꞌi re nak quixye: Eb la̱ cualal a̱cꞌajol li teꞌcua̱nk mokon teꞌoc chokꞌ rey chokꞌ a̱cue̱kaj.

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

Isaías 11:1

Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

San Juan 7:42

Tzꞌi̱banbil retalil saꞌ li Santil Hu nak li Cristo li Mesías ta̱cha̱lk saꞌ xya̱nkeb li ralal xcꞌajol li rey David. Ta̱cha̱lk aran Belén li quicuan cuiꞌ li rey David najter, chanqueb.

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Hechos 2:30

Laj David aꞌan jun profeta. Aꞌan quixnau nak li Dios quixye riqꞌuin juramento nak saꞌ xya̱nkeb li ralal xcꞌajol ta̱yoꞌla̱k li Cristo, ut aꞌan chic ta̱xakaba̱k chokꞌ rey.

San Mateo 1:18

Ut lix yoꞌlajic li Jesucristo, joꞌcaꞌin nak quicuan: Lix María lix naꞌ li Jesús ac tzꞌa̱manbil xban laj José. Toj ma̱jiꞌ nequeꞌxlakꞌab rib nak lix María quicana chi yaj aj ixk xban xcuanquil li Santil Musikꞌej.

Isaías 53:8

Quichapeꞌ ut quirakeꞌ a̱tin saꞌ xbe̱n ut quicꞌameꞌ chi camsi̱c, usta ma̱cꞌaꞌ xma̱c. Ut ma̱ ani qui-iloc xtokꞌoba̱l ru. Quicamsi̱c yal xban li kama̱c la̱o.

Romanos 9:5

Aꞌaneb li ralal xcꞌajol li kaxeꞌto̱nil yucuaꞌ laj Abraham, laj Isaac ut laj Jacob. Ut saꞌ xya̱nkeb aꞌan quiyoꞌla li Cristo nak quitzꞌejcualoꞌ ut quicꞌulun saꞌ ruchichꞌochꞌ. Lokꞌoninbil taxak chi junelic li Cristo li kꞌaxal nim xcuanquil saꞌ xbe̱neb chixjunileb. Joꞌcan taxak.

Romanos 4:13

Li Dios quixyechiꞌi re laj Abraham joꞌ ajcuiꞌ reheb li ralal xcꞌajol nak eb aꞌan teꞌe̱chani̱nk re li ruchichꞌochꞌ. Ma̱cuaꞌ riqꞌuin xba̱nunquil li naxye li chakꞌrab nak teꞌre̱chani. Quiyechiꞌi̱c ban reheb xban nak quipa̱ban laj Abraham ut li Dios quixye nak laj Abraham aꞌan jun cui̱nk ti̱c xchꞌo̱l.

San Mateo 15:22

Ut cuan jun li ixk aj Canaán quichal saꞌ li naꞌajej aꞌan. Japjo re chixyebal: —Ka̱cuaꞌ, Ralalat laj David, chacuuxta̱na taxak cuu. Lin coꞌ cꞌajoꞌ nak yo̱ chi tacuasi̱c xban li ma̱us aj musikꞌej, chan.

San Mateo 9:27

Ut nak qui-el aran li Jesús, cuib li mutzꞌ yo̱queb chi ta̱ke̱nc re ut japjo̱queb re chixyebal: —Chacuuxta̱na taxak ku, at ralal xcꞌajol li rey David.—

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Génesis 2:4

Joꞌcaꞌin nak quiyi̱ba̱c chak li choxa ut li ruchichꞌochꞌ xban li Dios. Saꞌ li cutan nak li Ka̱cuaꞌ Dios quixyi̱b li choxa ut li ruchichꞌochꞌ,

San Mateo 3:16

Ut nak ac xcubsi̱c xhaꞌ li Jesús, qui-el chak saꞌ li haꞌ. Ut saꞌ junpa̱t quiteli li choxa chiru ut quiril li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

Génesis 5:1

Aꞌan aꞌin li hu li tzꞌi̱banbil cuiꞌ li retalileb li ralal xcꞌajol laj Adán. Nak li Dios quixyoꞌobtesi li cui̱nk, quixyi̱b joꞌ riloba̱l aꞌan.

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

Salmos 89:3

La̱at caye: —Xinba̱nu jun li contrato riqꞌuin laj David, li sicꞌbil ru inban chi cꞌanjelac chicuu ut xinye re chi joꞌcaꞌin:

San Mateo 1:2

Laj Abraham, aꞌan xyucuaꞌ laj Isaac. Laj Isaac, aꞌan xyucuaꞌ laj Jacob. Ut laj Jacob, aꞌan xyucuaꞌ laj Judá joꞌ eb ajcuiꞌ li ras ut li ri̱tzꞌin.

San Lucas 1:33

Aꞌanak chic li cua̱nk xcuanquil chi takla̱nc saꞌ xbe̱neb li ralal xcꞌajol laj Jacob. Ut lix cuanquilal ta̱cua̱nk chi junelic. Incꞌaꞌ ta̱osokꞌ, chan li ángel.

1 Timoteo 2:5

Ut li ya̱l, aꞌan aꞌin: nak jun ajcuiꞌ li Dios cuan ut jun ajcuiꞌ li na-oquen ut naa̱tinac chikix chiru li Dios. Aꞌan li Ka̱cuaꞌ Jesucristo li quitzꞌejcualoꞌ nak quicꞌulun saꞌ ruchichꞌochꞌ.

2 Timoteo 2:8

Chijulticokꞌ a̱cue nak li Jesucristo, aꞌan xcomoneb li ralal xcꞌajol li rey David ut aꞌan li quicuacli cuiꞌchic chi yoꞌyo saꞌ xya̱nkeb li camenak. Aꞌan aꞌin li resilal li evangelio li yo̱quin chixyebal la̱in.