San Marcos 9:7 - Li Santil hu

⁷ Ut quichal jun nimla chok saꞌ xbe̱neb. Li Dios quia̱tinac chak saꞌ li chok, ut quixye: —Aꞌin li cualal, raro inban. Cherabi li cꞌaꞌru tixye.—

Q'eqchi Bible

⁷ Toja' naq kichalk jun li choql kimuheelank reheb', ut ki'ab'iik jun xyaab' kuxej kichalk sa' li choql: “A'in li walal raaro inb'aan: a'an cherab'ihaq”.

San Marcos 9:7 ပူးပေါင်းရင်းမြစ်များ

2 Pedro 1:17

La̱o xkil riqꞌuin xnakꞌ ku nak li Ka̱cuaꞌ Jesucristo quixcꞌul lix nimanquil ru ut lix lokꞌal riqꞌuin li Dios Acuabej. Ut quikabi xya̱b xcux li Dios nak quixye chak saꞌ lix nimajcual lokꞌal, aꞌan aꞌin li cualal kꞌaxal raro inban. Ut cꞌojcꞌo inchꞌo̱l riqꞌuin, chan.

San Mateo 3:17

Ut qui-abi̱c xya̱b xcux li Dios toj saꞌ choxa nak quixye: —Aꞌan aꞌin li cualal raro inban. Nasahoꞌ inchꞌo̱l riqꞌuin, chan.

San Marcos 1:11

Ut qui-abi̱c xya̱b xcux li Dios toj saꞌ choxa. Quixye chi joꞌcaꞌin: —La̱at li cualal kꞌaxal raro̱cat inban. Nasahoꞌ inchꞌo̱l a̱cuiqꞌuin, chan li Dios.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Juan 6:69

La̱o nakapa̱b li cꞌaꞌru nacaye ut nakanau nak la̱at li Cristo, li Ralal li yoꞌyo̱quil Dios, chan.

San Juan 1:34

Ut la̱in quicuil nak quicube chak li Santil Musikꞌej saꞌ xbe̱n li Jesús. Joꞌcan nak ninnau chi tzꞌakal nak aꞌan tzꞌakal Ralal li Dios, chan laj Juan.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

Romanos 1:4

Li Ka̱cuaꞌ Jesucristo aꞌan tzꞌakal Dios. Numtajenak lix santilal. Riqꞌuin lix nimal xcuanquil, li Dios quixcuaclesi cuiꞌchic chi yoꞌyo saꞌ xya̱nkeb li camenak re xcꞌutbal chiku nak aꞌan tzꞌakal Ralal li Dios.

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

Hechos 7:37

Aꞌan laj Moisés li quiyehoc chak re aꞌin reheb laj Israel: “Li Ka̱cuaꞌ le̱ Dios tixqꞌue junak profeta saꞌ e̱ya̱nk sicꞌbil ru xban joꞌ la̱in. E̱comon ajcuiꞌ la̱ex. Cheba̱nu chixjunil li cꞌaꞌru tixye e̱re,” chan.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

San Juan 9:35

Li Jesús quirabi resil li cꞌaꞌru queꞌxba̱nu. Nak quixtau li cui̱nk li quixqꞌuirtesi, quixye re: —¿Ma nacapa̱b li Ralal li Dios? chan re.

San Juan 5:37

Ut li Yucuaꞌbej li quitaklan chak cue, aꞌan quixchꞌolob ajcuiꞌ lix ya̱lal chicuix usta ma̱ jun sut xerabi chi a̱tinac chi moco queril chanru na-iloc.

San Juan 5:18

Kꞌaxal cuiꞌchic queꞌjoskꞌoꞌ laj judío riqꞌuin aꞌin. Joꞌcan nak queꞌraj xcamsinquil xban nak moco caꞌaj ta cuiꞌ naxkꞌet lix chakꞌrabeb nak naqꞌuirtesin chiru li hiloba̱l cutan; riqꞌuin aj ban cuiꞌ nak naxjuntakꞌe̱ta rib riqꞌuin li Dios nak naxye nak li Dios, aꞌan lix Yucuaꞌ.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

San Mateo 27:43

Cau xchꞌo̱l riqꞌuin li Dios. Chicolekꞌ anakcuan cui naraheꞌ xban li Dios xban nak naxye nak aꞌan Ralal li Dios, chanqueb.

Daniel 7:13

Ut saꞌ ajcuiꞌ li kꞌojyi̱n aꞌan quicuil saꞌ lin matcꞌ nak yo̱ chak chi cha̱lc saꞌ li chok li Cꞌajolbej. Ut quijiloc riqꞌuin li Ti̱xil Cui̱nk li cuan chi junelic.

Salmos 97:2

Li Ka̱cuaꞌ quixcꞌutbesi rib saꞌ li chok kꞌojyi̱n ru. Li Ka̱cuaꞌ narakoc a̱tin saꞌ xya̱lal ut nataklan saꞌ ti̱quilal.

Salmos 2:7

Joꞌcaꞌin quixye li Rey li xakabanbil xban li Dios: —La̱in tinye resilal yalak bar li cꞌaꞌru quixye cue li Ka̱cuaꞌ nak quixye cue, “La̱at li tzꞌakal cualal. Anakcuan la̱in xatinqꞌue saꞌ a̱cuanquil.

Éxodo 40:34

Quicube chak li chok ut quixtzꞌap li tabernáculo. Ut quinujac li tabernáculo riqꞌuin xlokꞌal li Dios.

Éxodo 24:16

Aran saꞌ li tzu̱l Sinaí cuakib cutan quicuan li xlokꞌal li Dios chi mukmu saꞌ li chok. Saꞌ xcuuk li cutan li Dios quia̱tinac riqꞌuin laj Moisés. Saꞌ li chok qui-el li xya̱b xcux.

San Marcos 9:6

Quixye chi joꞌcan xban nak incꞌaꞌ chic naxnau cꞌaꞌru tixye xban nak cꞌajoꞌ lix xiuheb.

San Marcos 9:8

Ut nak quiril ac ma̱ aniheb chic laj Elías ut laj Moisés. Caꞌaj chic li Jesús quicana xjunes.

San Lucas 3:22

Li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús ut qui-abi̱c xya̱b xcux li Dios toj saꞌ choxa nak quixye: —La̱at li cualal raro̱cat inban. Nasahoꞌ inchꞌo̱l a̱cuiqꞌuin, chan.

San Juan 12:28

At inYucuaꞌ, chinima̱k taxak la̱ lokꞌal, chan. Ut li Dios quia̱tinac chak saꞌ choxa ut quixye: —Ac xnima̱c inlokꞌal, ut ta̱nima̱k cuiꞌchic, chan li Dios.