San Marcos 9:5 - Li Santil hu

⁵ Laj Pedro quixye: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés, ut jun re laj Elías.—

Q'eqchi Bible

⁵ Ut kixtikib' aatinak laj Pedro, kixye re li Jesus: —At Tzolonel, us toowanq arin. Qayiib'aq oxib' chi muheb'aal: jun cho'q aawe, jun cho'q re laj Moisés ut jun chik cho'q re laj Elías.

San Marcos 9:5 ပူးပေါင်းရင်းမြစ်များ

Filipenses 1:23

Chꞌaꞌaj chokꞌ cue xnaubal bar cuan li kꞌaxal us. Nacuaj raj ca̱mc re nak tinxic riqꞌuin li Cristo. Aꞌan raj li kꞌaxal us chokꞌ cue la̱in.

San Mateo 23:7

Eb aꞌan nequeꞌraj nak teꞌoxlokꞌi̱k ut teꞌqꞌuehekꞌ xsahil xchꞌo̱leb saꞌ eb li be. Ut nequeꞌraj nak li tenamit teꞌxye “tzolonel” reheb.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

San Mateo 17:4

Ut quia̱tinac laj Pedro ut quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Cui ta̱cuaj, takayi̱b oxibak muheba̱l arin. Jun a̱cue, jun re laj Moisés ut jun re laj Elías, chan.

San Mateo 23:8

Abanan la̱ex me̱rahi ru nak li tenamit teꞌxqꞌue e̱lokꞌal ut teꞌxye “tzolonel” e̱re xban nak jun ajcuiꞌ laj tzolol e̱re cuan. La̱in li Cristo laj tzolol e̱re ut che̱junilex la̱ex e̱ri̱tzꞌin e̱rib.

San Marcos 9:4

Ac xaka̱mil laj Elías ut laj Moisés chiruheb nak queꞌril. Ut yo̱queb chi a̱tinac riqꞌuin li Jesús.

San Marcos 9:6

Quixye chi joꞌcan xban nak incꞌaꞌ chic naxnau cꞌaꞌru tixye xban nak cꞌajoꞌ lix xiuheb.

San Lucas 9:33

Nak ac oqueb re xcanabanquil li Jesús li cuib chi cui̱nk, laj Pedro quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés ut jun re laj Elías, chan. Quixye chi joꞌcan xban nak incꞌaꞌ quixtau ru lix ya̱lal li quiril.

San Juan 4:31

Nak toj ma̱jiꞌ nequeꞌcuulac, eb lix tzolom li Jesús yo̱queb chixtzꞌa̱manquil chiru nak ta̱cuaꞌak. Queꞌxye re: —At tzolonel, cuaꞌin, chanqueb re.