San Marcos 9:32 - Li Santil hu

³² Aban eb aꞌan incꞌaꞌ queꞌxtau ru li cꞌaꞌru quixye reheb, ut queꞌxucuac chixpatzꞌbal cꞌaꞌru xya̱lal li quixye.

Q'eqchi Bible

³² Eb' a'an ink'a' neke'xtaw ru li naxye ut neke'xiwak chi patz'ok.

San Marcos 9:32 ပူးပေါင်းရင်းမြစ်များ

San Lucas 18:34

Ut eb lix tzolom chi ti̱c incꞌaꞌ queꞌxtau ru li quixye li Jesús xban nak chꞌaꞌaj xtaubal ru chiruheb.

San Lucas 9:45

Abanan eb lix tzolom incꞌaꞌ queꞌxtau ru li cꞌaꞌru quixye, xban nak toj ma̱jiꞌ nacuulac xkꞌehil nak teꞌxtau ru. Ut queꞌxuta̱nac chixpatzꞌbal re cꞌaꞌru xya̱lal li quixye li Jesús reheb.

San Lucas 2:50

Ut eb aꞌan incꞌaꞌ queꞌxtau ru cꞌaꞌut nak quixye reheb chi joꞌcan.

San Juan 16:19

Li Jesús quixnau nak queꞌraj xpatzꞌbal re cꞌaꞌru xya̱lal li yo̱ chixyebal. Joꞌcan nak quixye reheb: —¿Ma yo̱quex chixpatzꞌbal che̱ribil e̱rib cꞌaꞌru xya̱lal li xinye? ¿Ma incꞌaꞌ xetau ru nak xinye e̱re nak chi se̱b incꞌaꞌ chic te̱ril cuu ut mokon chic te̱ril cuiꞌchic cuu? ¿Ma aꞌan li te̱raj xnaubal?

San Juan 12:16

Saꞌ li ho̱nal aꞌan nak yo̱ chi cꞌulma̱nc li cꞌaꞌak re ru aꞌin, eb lix tzolom incꞌaꞌ queꞌxtau ru lix ya̱lal. Abanan mokon nak ac quicuaclesi̱c cuiꞌchic chi yoꞌyo saꞌ xya̱nkeb li camenak ut quiqꞌueheꞌ xlokꞌal, tojoꞌnak queꞌxqꞌue retal nak quixcꞌul joꞌ tzꞌi̱banbil chak retalil saꞌ li Santil Hu chirix.

San Marcos 9:10

Eb aꞌan ma̱ ani aj e queꞌxye, caꞌaj cuiꞌ chi ribileb rib queꞌa̱tinac. Queꞌxye: —¿Cꞌaꞌru xya̱lal aꞌan nak li Jesús quixye nak ta̱cuacli̱k cuiꞌchic chi yoꞌyo saꞌ xya̱nkeb li camenak?—

San Juan 4:27

Saꞌ ajcuiꞌ li ho̱nal aꞌan, queꞌcuulac eb lix tzolom li Jesús. Ut queꞌsach xchꞌo̱leb chirilbal nak yo̱ chi a̱tinac riqꞌuin li ixk aj Samaria. Abanan ma̱ jun quiyehoc re: —¿Cꞌaꞌut nak yo̱cat chi a̱tinac riqꞌuin li ixk aꞌan?— Chi moco queꞌxye: —¿Cꞌaꞌru yo̱cat chixyebal re?—

San Lucas 24:45

Ut quixqꞌueheb xnaꞌleb re nak teꞌxtau ru li tzꞌi̱banbil saꞌ li Santil Hu.

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

San Marcos 8:33

Ut li Jesús quixsukꞌisi rib. Quirileb lix tzolom ut quixkꞌus laj Pedro. Quixye re: —Elen arin saꞌ xnakꞌ cuu. La̱at chanchanat aj tza. La̱at incꞌaꞌ yo̱cat chixcꞌoxlanquil joꞌ naxcꞌoxla li Dios. La̱at yo̱cat chixcꞌoxlanquil joꞌ naxcꞌoxla li cui̱nk, chan.

San Marcos 7:18

Ut li Jesús quixye reheb: —¿Ma incꞌaꞌ ajcuiꞌ xetau ru la̱ex li xinye? ¿Ma incꞌaꞌ nequenau nak ma̱cuaꞌ li cꞌaꞌru naxtzaca junak nama̱coꞌ cuiꞌ?