San Marcos 9:24 - Li Santil hu

²⁴ Saꞌ junpa̱t quia̱tinac lix yucuaꞌ li al ut quixye chi cau, —La̱in ninpa̱b. China̱tenkꞌa re nak tinpa̱b chi tzꞌakal.—

Q'eqchi Bible

²⁴ Ak tixjap re li xyuwa' li al: —Ninpaab'. Tenq'ahin sa' li xmajelal inpaab'aal!

San Marcos 9:24 ပူးပေါင်းရင်းမြစ်များ

San Lucas 17:5

Eb li apóstol queꞌxye re li Ka̱cuaꞌ: —At Ka̱cuaꞌ, choa̱tenkꞌa taxak re nak cua̱nk kapa̱ba̱l chi tzꞌakal, chanqueb.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Efesios 2:8

Ya̱l nak xepa̱b li Jesucristo ut colbilex chic. Abanan yal xban rusilal li Dios nak colbilex. Ma̱cuaꞌ xban e̱yehom e̱ba̱nuhom. Yal e̱ma̱tan ban xban li Dios.

2 Ts 1:11

Joꞌcan nak junelic nocotijoc che̱rix ut nakatzꞌa̱ma chiru li Dios nak cha̱bilakex taxak re nak e̱cꞌulubak cua̱nc chokꞌ ralal xcꞌajol li Dios. Nakatzꞌa̱ma chiru nak riqꞌuin taxak xnimal xcuanquil, textenkꞌa chixba̱nunquil li us re nak tzꞌakalak re ru le̱ yehom e̱ba̱nuhom saꞌ xcꞌabaꞌ le̱ pa̱ba̱l.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

Filipenses 1:29

Qꞌuebil e̱re le̱ ma̱tan xban li Dios re xpa̱banquil li Cristo. Ut moco caꞌaj cuiꞌ ta te̱cꞌul li rusilal re xpa̱banquil. Usilal aj ban cuiꞌ nak qꞌuebil e̱re xcꞌulbal li raylal saꞌ xcꞌabaꞌ li Cristo.

Salmos 126:5

Eb li yo̱queb chi ya̱bac nak queꞌau, ta̱sahokꞌ saꞌ xchꞌo̱leb nak teꞌkꞌolok.

2 Corintios 2:4

Nak xintzꞌi̱bac e̱riqꞌuin xinyotꞌeꞌ ut xinya̱bac xban nak xrahoꞌ saꞌ inchꞌo̱l. Incꞌaꞌ xintzꞌi̱bac e̱riqꞌuin re xqꞌuebal xrahil e̱chꞌo̱l. Re ban nak te̱nau nak kꞌaxal raro̱quex inban.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

Jeremías 14:17

At Jeremías, ta̱ye reheb li tenamit chi joꞌcaꞌin, “Chi kꞌek chi cutan tinya̱bak chirixeb lin tenamit xban nak kꞌaxal ra cuanqueb. Incꞌaꞌ tincanab ya̱bac xban nak rahobtesinbileb.

2 Timoteo 1:4

Nacuaj raj rilbal cuiꞌchic a̱cuu. Jultic cue chanru nak xatya̱bac xban xrahil a̱chꞌo̱l ut nacuaj nak ta̱sahokꞌ cuiꞌchic inchꞌo̱l nak tincuil a̱cuu.

San Lucas 7:44

Ut li Jesús quiril li ixk ut quixye re laj Simón: —Il a ixk aꞌin. Nak xincꞌulun saꞌ la̱ cuochoch, la̱at incꞌaꞌ xaqꞌue inhaꞌ re xchꞌajbal li cuok joꞌ cꞌaynako xba̱nunquil. Ut li ixk aꞌin xchꞌaj li cuok riqꞌuin xyaꞌal ru ut xmes riqꞌuin rismal xjolom.

San Lucas 7:38

Li ixk quijiloc riqꞌuin li Jesús. Qui-oc chi ya̱bac saꞌ xbe̱n li rok ut riqꞌuin lix yaꞌal ru quixchꞌaj. Ut quixmes riqꞌuin rismal xjolom. Quirutzꞌ li rok ut quixyul riqꞌuin li sununquil ban.

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

2 Reyes 20:5

—Sukꞌin riqꞌuin laj Ezequías, li nacꞌamoc be chiruheb lin tenamit. Ut ta̱ye re, “Joꞌcaꞌin xye li Ka̱cuaꞌ, lix Dios laj David la̱ xeꞌto̱nil yucuaꞌ: La̱in xcuabi la̱ tij ut xinqꞌue retal nak yo̱cat chi ya̱bac. Anakcuan tatinqꞌuirtesi. Ut saꞌ oxib cutan naru chic tatxic saꞌ lin templo.

2 Samuel 16:12

Ma̱re li Ka̱cuaꞌ Dios ta̱ril li raylal li yo̱quin chixcꞌulbal ut ma̱re ta̱ril xtokꞌoba̱l cuu ut tinrosobtesi chokꞌ re̱kaj li raylal li yo̱quin chixcꞌulbal anakcuan, chan.

Hebreos 12:17

La̱ex nequenau nak mokon quixrahi raj cuiꞌchic xcꞌulbal li rosobtesinquil laj Esaú riqꞌuin lix yucuaꞌ. Abanan incꞌaꞌ chic quiru xban nak ac quixtzꞌekta̱na. Ta̱ya̱bak nak quixtzꞌa̱ma cuiꞌchic, aban incꞌaꞌ chic quiru. Ma̱cꞌaꞌ chic xjalenquil.

Hechos 10:19

Laj Pedro toj yo̱ ajcuiꞌ chixcꞌoxlanquil cꞌaꞌru xya̱lal li visión li quiril nak li Santil Musikꞌej quixye re: —Oxib li cui̱nk xeꞌchal cha̱sicꞌbal.

San Marcos 9:23

Li Jesús quixye: —¿Cꞌaꞌut nak nacaye “cui naru”? ¿Ma incꞌaꞌ nacanau nak cui nacatpa̱ban chixjunil naru xba̱nunquil? chan.

San Marcos 9:25

Nak li Jesús quiril nak saꞌ junpa̱t yo̱queb chi chꞌutla̱c nabal li tenamit, quixchꞌila li ma̱us aj musikꞌej. Quixye re: —At ma̱us aj musikꞌej, la̱at nacatmemobresin. La̱at nacattzꞌapoc xic. La̱in tinye a̱cue, elen riqꞌuin li al aꞌin ut mat-oc chic riqꞌuin, chan.