San Marcos 8:6 - Li Santil hu

⁶ Tojoꞌnak quixye reheb li tenamit nak teꞌchunla̱k chiru chꞌochꞌ. Quixchap li cuukub chi caxlan cua. Quixbantioxi chiru li Dios ut quixjachi. Ut quixqꞌue reheb lix tzolom re nak teꞌxjeqꞌui reheb li tenamit.

Q'eqchi Bible

⁶ Toja' naq kixtaqlaheb' li tenamit chi hilank chiru ch'och'; kixchap li wuqub' chi wa, kiyoxink, kixjachi ut kixk'e reheb' li xtzolom re naq te'xjek'i: ut eb' a'an ke'xjek'i reheb' li tenamit.

San Marcos 8:6 ပူးပေါင်းရင်းမြစ်များ

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

Romanos 14:6

Li ani naxqꞌue xlokꞌal junak li cutan, aꞌan naxba̱nu re xlokꞌoninquil li Dios. Ut joꞌcan ajcuiꞌ li natiꞌoc tib naxba̱nu aꞌan re xlokꞌoninquil li Dios ut naxbantioxi ajcuiꞌ chiru li Dios. Ut li ani incꞌaꞌ natiꞌoc tib, xlokꞌoninquil ajcuiꞌ li Dios naxba̱nu nak incꞌaꞌ natiꞌoc tib, ut naxbantioxi ajcuiꞌ chiru li Dios.

San Juan 6:23

Ut cuanqueb cuiꞌchic jucub queꞌel chak Tiberias queꞌcuulac chixcꞌatk li naꞌajej li queꞌcuaꞌac cuiꞌ nak ac xbantioxi li Jesús chiru li Dios.

San Juan 2:5

Lix naꞌ li Jesús quixye reheb li yo̱queb chi cꞌanjelac: —Cheba̱nuhak li cꞌaꞌru tixye e̱re, chan.

San Lucas 24:30

Nak cꞌojcꞌo saꞌ me̱x rochbeneb, quixchap li caxlan cua, quixbantioxi chiru li Dios, quixjachi ut quixqꞌue reheb.

San Lucas 12:37

Us xak reheb li mo̱s li yo̱queb chiroybeninquil lix patroneb. Nak ta̱cuulak li patronej, tixtauheb chi ajo̱queb ru. Relic chi ya̱l ninye e̱re li patronej tixcauresi rib ut tixchunubeb lix mo̱s saꞌ me̱x ut aꞌan ajcuiꞌ ta̱qꞌuehok re lix tzacae̱mkeb.

San Mateo 26:26

Ut nak yo̱queb chi cuaꞌac, li Jesús quixchap li caxlan cua. Quixbantioxi chiru li Dios, quixjachi, tojoꞌnak quixjeqꞌui reheb lix tzolom. Ut quixye reheb: —Cꞌulumak, cuaꞌomak. Aꞌan aꞌin lin tzꞌejcual.—

1 Samuel 9:13

Nak tex-oc saꞌ li tenamit, texxic riqꞌuin saꞌ junpa̱t nak toj ma̱jiꞌ naxic chi mayejac saꞌ li tzu̱l saꞌ xcꞌabaꞌeb li tenamit. Eb li bokbileb incꞌaꞌ teꞌcuaꞌak cui toj ma̱jiꞌ nacuulac aꞌan. Tento nak li profeta ta̱rosobtesi li mayej xbe̱n cua, tojoꞌnak teꞌcuaꞌak li tenamit. Ayukex anakcuan ut te̱tau li profeta, chanqueb.

San Marcos 8:5

Ut li Jesús quixpatzꞌ reheb: —¿Jarub li caxlan cua cuan e̱riqꞌuin? chan. —Cuukub ajcuiꞌ, chanqueb.

San Marcos 8:7

Ut cuan cuib oxib li cocꞌ car riqꞌuineb. Nak quirosobtesi quixye reheb nak teꞌxjeqꞌui ajcuiꞌ reheb li tenamit.

San Marcos 8:20

—¿Ma incꞌaꞌ najulticoꞌ e̱re nak xinjachi li cuukub chi caxlan cua reheb li ca̱hib mil. Ut jarub chacach qui-elaꞌan? chan reheb. —Cuukub chacach, chanqueb.