San Marcos 8:17 - Li Santil hu

¹⁷ Li Jesús quixnau cꞌaꞌru yo̱queb chixyebal chi ribileb rib ut quixye reheb: —¿Cꞌaꞌut nak yo̱quex chixyebal nak ma̱cꞌaꞌ e̱cua? ¿Ma incꞌaꞌ nequetau ru nak ma̱cuaꞌ chirix xchꞌamal li caxlan cua yo̱quin chi a̱tinac? Chirix ban xtijlebeb laj fariseo yo̱quin chi a̱tinac. La̱ex cꞌajoꞌ xcacuil e̱chꞌo̱l.

Q'eqchi Bible

¹⁷ Li Jesus kixk'e reetal a'an ut kixye reheb': —K'a'ut naq yookex chi xyeeb'al cherib'il eerib' naq maak'a' eewa? Ma tik kawujenaq leech'ool?

San Marcos 8:17 ပူးပေါင်းရင်းမြစ်များ

San Marcos 6:52

Queꞌsach xchꞌo̱l xban nak toj ma̱jiꞌ nequeꞌxtau xya̱lal chirix li milagro quixba̱nu li Jesús riqꞌuin li caxlan cua. Kꞌaxal cauheb xchꞌo̱l. Joꞌcan nak incꞌaꞌ queꞌxtau ru.

San Marcos 2:8

Ticto quixnau li Jesús cꞌaꞌru yo̱queb chixcꞌoxlanquil. Quixye reheb: —¿Cꞌaꞌut nak nequecꞌoxla chi joꞌcan?

Isaías 63:17

At Ka̱cuaꞌ, ¿cꞌaꞌut nak nocoa̱canab chixba̱nunquil li incꞌaꞌ us? ¿Cꞌaꞌut nak xacacuubresi kachꞌo̱l re nak incꞌaꞌ chic takaqꞌue a̱lokꞌal? Tatsukꞌi̱k ta cuiꞌchic kiqꞌuin, at Ka̱cuaꞌ, xban nak nacaraheb li nequeꞌcꞌanjelac cha̱cuu. Tatsukꞌi̱k taxak kiqꞌuin saꞌ xcꞌabaꞌeb lix te̱paleb laj Israel.

San Marcos 3:5

Quijoskꞌoꞌ li Jesús saꞌ xbe̱neb, abanan quiril cuiꞌchic xtokꞌoba̱l ruheb xban nak incꞌaꞌ queꞌraj xtaubal xya̱lal. Ut li Jesús quixye re li cui̱nk li sic rukꞌ: —Yeꞌ la̱ cuukꞌ, chan. Ut li cui̱nk quixyeꞌ li rukꞌ ut saꞌ junpa̱t quiqꞌuira.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.

San Lucas 24:25

Ut li Jesús quixye reheb: —¡La̱ex ma̱cꞌaꞌ e̱naꞌleb ut a̱l le̱ chꞌo̱l chixpa̱banquil chixjunil li cꞌaꞌru queꞌxye chak li profeta!

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

San Mateo 15:17

¿Ma toj ma̱jiꞌ nequetau xya̱lal nak chixjunil li cꞌaꞌru naxtzaca junak, aꞌan moco saꞌ xchꞌo̱l ta naxic? Ti̱c saꞌ xsaꞌ naxic ut chirix aꞌan naxtzꞌek cuiꞌchic.

San Mateo 12:15

Li Jesús quixnau nak yo̱queb xcꞌu̱banquil chanru nak teꞌxcamsi ut qui-el saꞌ li naꞌajej aꞌan. Ut nabaleb li tenamit queꞌta̱ken re ut naxqꞌuirtesiheb chixjunileb li yaj.

San Mateo 16:7

Eb lix tzolom queꞌoc chi a̱tinac chi ribileb rib ut queꞌxye: —Xban nak incꞌaꞌ xkacꞌam chak li caxlan cua, joꞌcan nak yo̱ chixyebal ke chi joꞌcan.—

San Marcos 8:16

Eb lix tzolom queꞌoc chi a̱tinac chi ribileb rib ut queꞌxye: —¿Cꞌaꞌru xya̱lal aꞌin? ¿Ma xban nak ma̱cꞌaꞌ li caxlan cua kiqꞌuin nak xye ke chi joꞌcan? chanqueb.