San Marcos 8:13 - Li Santil hu

¹³ Qui-el riqꞌuineb laj fariseo. Qui-oc saꞌ li jucub rochbeneb lix tzolom. Yo̱queb chi xic jun pacꞌal li palau.

Q'eqchi Bible

¹³ Ut kixkanab'eb'; ki'ok wi' chik sa' li jukub' ut koho junpak'al li palaw.

San Marcos 8:13 ပူးပေါင်းရင်းမြစ်များ

Hechos 18:6

Abanan eb aꞌan incꞌaꞌ queꞌcuulac chiru li yo̱ chixyebal laj Pablo. Queꞌoc chi majecua̱nc. Joꞌcan nak laj Pablo quixchikꞌchikꞌi li rakꞌ ut quixye reheb: —Cui la̱ex incꞌaꞌ texcolekꞌ, aꞌ yal e̱re. Saꞌ e̱be̱n la̱ex cuan li ma̱c. La̱in ma̱cꞌaꞌ inma̱c xban nak ac xinye e̱re lix ya̱lal. Chalen anakcuan la̱in tinchꞌolob xya̱lal reheb li ma̱cuaꞌeb aj judío, chan.

San Juan 12:36

Chine̱pa̱b la̱in nak toj cuanquin e̱riqꞌuin re nak la̱exak chic li cualal incꞌajol ut cua̱nkex saꞌ cutan, chan li Jesús. Nak ac xye li a̱tin aꞌin, li Jesús qui-el saꞌ xya̱nkeb ut co̱ saꞌ jun naꞌajej bar incꞌaꞌ teꞌxtau.

San Juan 8:21

Ut li Jesús quixye cuiꞌchic reheb: —La̱in tinxic. Tine̱sicꞌ raj chic abanan incꞌaꞌ tine̱tau xban nak incꞌaꞌ ta̱ru̱k texxic bar tinxic cuiꞌ la̱in. Texca̱mk ban saꞌ le̱ ma̱c, chan.

San Lucas 8:37

Cꞌajoꞌ nak queꞌxucuac chixjunileb li tenamit li cuanqueb saꞌ eb li naꞌajej li cuanqueb saꞌ xcue̱nt Gadara. Ut queꞌxtzꞌa̱ma chiru li Jesús nak ta̱e̱lk saꞌ lix naꞌajeb. Joꞌcan nak li Jesús qui-oc cuiꞌchic saꞌ li jucub ut qui-el saꞌ li naꞌajej aꞌan.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Oseas 4:17

Eb li ralal xcꞌajol laj Efraín xeꞌxkꞌaxtesi ribeb chixlokꞌoninquil li yi̱banbil dios. Cheꞌcanaba̱k chixba̱nunquil li cꞌaꞌru nequeꞌraj.

Jeremías 23:33

At Jeremías, cui eb lin tenamit teꞌpatzꞌok a̱cue, malaj ut junak profeta malaj ut aj tij, ut teꞌxye a̱cue, “¿Cꞌaꞌru xye li Ka̱cuaꞌ anakcuan?” ta̱ye reheb, “Li cꞌaꞌru xye li Ka̱cuaꞌ, aꞌan nak la̱ex tzꞌekta̱nanbilex chic.”

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

San Marcos 8:12

Quixjikꞌ xchꞌo̱l li Jesús xban nak quititzꞌ xbaneb, ut quixye: —Caꞌaj cuiꞌ milagro yo̱queb chixpatzꞌbal eb li tenamit aꞌin. Relic chi ya̱l tinye e̱re nak ma̱ jun milagro tinba̱nu chiruheb.—

San Marcos 8:14

Ut quisach saꞌ xchꞌo̱leb xcꞌambal xcuaheb. Ac cuanqueb saꞌ li jucub nak queꞌxqꞌue retal nak jun ajcuiꞌ li caxlan cua cuan riqꞌuineb.

Hechos 27:2

Co-oc saꞌ jun li jucub li quichal chak saꞌ li tenamit Adramitio. Li jucub aꞌan ac xic re. Co̱o kochben laj Aristarco li quichal chak Tesalónica xcue̱nt Macedonia. Li jucub ta̱numekꞌ chixcꞌatk eb li naꞌajej xcue̱nt Asia.