San Marcos 7:9 - Li Santil hu

⁹ Li Jesús quixye ajcuiꞌ reheb: —La̱ex nequetzꞌekta̱na lix chakꞌrab li Dios re nak te̱ba̱nu li najter naꞌleb canabanbil e̱re xbaneb le̱ xeꞌto̱nil yucuaꞌ.

Q'eqchi Bible

⁹ Kixye ajwi' reheb': —Tz'aqal a' li xchaq'rab' li Yos neketz'eqtaana re xpaab'ankil li najteril na'leb' kanab'anb'il chaq eere.

San Marcos 7:9 ပူးပေါင်းရင်းမြစ်များ

Gálatas 2:21

Joꞌcan nak incꞌaꞌ nintzꞌekta̱na xcuanquil li rusilal li Dios. Cui ta saꞌ xcꞌabaꞌ li chakꞌrab nati̱cobresi̱c kachꞌo̱l, ma̱cꞌaꞌ raj rajbal nak quicam li Cristo.

Isaías 24:5

Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

San Marcos 7:13

Ut cuan nabal chic cꞌaꞌak re ru chi naꞌlebil nalaje̱ba̱nu. Riqꞌuin xba̱nunquil li najter naꞌleb canabanbil e̱re, yo̱quex chixtzꞌekta̱nanquil lix chakꞌrab li Dios, chan li Jesús reheb.

San Marcos 7:3

Eb laj fariseo ut chixjunileb laj judío incꞌaꞌ nequeꞌcuaꞌac cui incꞌaꞌ teꞌxchꞌaj li rukꞌeb joꞌ naxye li chakꞌrab li canabanbil reheb xbaneb lix xeꞌto̱nil yucuaꞌ.

Salmos 119:126

Xcuulac xkꞌehil nak ta̱kꞌuseb li nequeꞌxkꞌet la̱ chakꞌrab.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Romanos 3:31

¿Ma nakasach xcuanquil li chakꞌrab xban xpa̱banquil li Cristo? Incꞌaꞌ. Riqꞌuin ban xpa̱banquil li Cristo yo̱co chixqꞌuebal xcuanquil li chakꞌrab.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

San Marcos 7:5

Eb laj fariseo ut eb laj tzꞌi̱b queꞌxpatzꞌ re li Jesús: —¿Cꞌaꞌut nak eb la̱ tzolom incꞌaꞌ nequeꞌxba̱nu li kachakꞌrabinquil canabanbil ke xbaneb li kaxeꞌ kato̱n? Eb aꞌan nequeꞌcuaꞌac chi incꞌaꞌ nequeꞌxchꞌaj li rukꞌeb joꞌ naxye li kachakꞌrabinquil, chanqueb.

2 Corintios 11:4

Nincꞌoxlac che̱rix xban nak cuan li nequeꞌcuulac saꞌ e̱ya̱nk ut nequeqꞌue e̱chꞌo̱l chirabinquil li cꞌaꞌru nequeꞌxye, usta jalan nequeꞌxcꞌut che̱ru chirix li Jesucristo. Ut nequepa̱b li cꞌaꞌru nequeꞌxye usta jalan nequeꞌxye chirix li Santil Musikꞌej. Ut naxcꞌul e̱chꞌo̱l nak jalan nequeꞌxcꞌut che̱ru chirix li colba-ib li ac xepa̱b xbe̱n cua.

Gálatas 1:14

La̱in li kꞌaxal cuiꞌchic quinqꞌue inchꞌo̱l chiruheb li cuech sa̱jilal chixba̱nunquil li cꞌaꞌru naxye lix pa̱ba̱leb laj judío. Ut kꞌaxal cuiꞌchic quinba̱nu li naꞌleb canabanbil ke xbaneb li kaxeꞌ kato̱n.