San Marcos 7:4 - Li Santil hu

⁴ Ut nak nequeꞌsukꞌi chak saꞌ cꞌayil incꞌaꞌ nequeꞌcuaꞌac cui incꞌaꞌ nequeꞌchꞌajoc joꞌ naxye lix chakꞌrabeb. Ut cuan cuiꞌchic nabal li naꞌleb li nequeꞌxba̱nu joꞌ canabanbil reheb xbaneb li xeꞌto̱nil yucuaꞌ, joꞌ li xchꞌajbal lix secꞌ, lix xar, li ucꞌal chꞌi̱chꞌ ut lix chꞌa̱t.

Q'eqchi Bible

⁴ naq neke'sutq'iik chaq sa' k'ayiil, ink'a' neke'wa'ak, wi ink'a' xe'xch'ajob'resi rib'. Ut wank chik naab'al xe'toonil na'leb' neke'xpaab', kama' li xch'ajob'resinkil li uk'leb' sek', li xaar ut li perpookil sek'),

San Marcos 7:4 ပူးပေါင်းရင်းမြစ်များ

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

San Mateo 23:25

Ra cha̱lel saꞌ e̱be̱n la̱ex aj tzꞌi̱b ut aj fariseo, ex aj caꞌ pacꞌal u, xban nak aꞌ chic li rix le̱ secꞌ ut le̱ plato nequechꞌaj, aban lix saꞌ numtajenak chi tzꞌaj xban le̱ ma̱usilal ut li elkꞌac nequeba̱nu.

Santiago 4:8

Cauhak e̱chꞌo̱l riqꞌuin li Dios ut li Dios ta̱tenkꞌa̱nk e̱re. La̱ex aj ma̱c, jalomak e̱cꞌaꞌux. Me̱ba̱nu chic li ma̱usilal. Joꞌcan ajcuiꞌ la̱ex li yal cuib e̱chꞌo̱l saꞌ le̱ pa̱ba̱l, yotꞌomak e̱chꞌo̱l ut jalomak e̱cꞌaꞌux re nak li Dios tixti̱cobresi le̱ chꞌo̱l.

San Juan 2:6

Ut aran cuanqueb cuakib li ni̱nki cuc yi̱banbil riqꞌuin pec. Aꞌan nacꞌanjelac chokꞌ xnaꞌaj xhaꞌeb laj judío re xchꞌajobresinquil ribeb joꞌ naxye saꞌ lix chakꞌrabeb. Li junju̱nk chi cuc aꞌan naxcꞌam oxib ni̱nki cuc chi haꞌ.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Isaías 1:16

Yi̱bomak le̱ yuꞌam. Ti̱cobresihomak le̱ chꞌo̱l. Canabomak li ma̱cobc. Ut me̱ba̱nu chic li ma̱usilal.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

Salmos 26:6

La̱in ninchꞌaj li cuukꞌ. Aꞌan retalil nak ma̱cꞌaꞌ inma̱c. Ut ninxic saꞌ la̱ artal cha̱lokꞌoninquil saꞌ ti̱quilal.

San Juan 3:25

Queꞌoc chixcuechꞌinquil ribeb lix tzolom laj Juan riqꞌuineb laj judío. Queꞌxcuechꞌi ribeb chirix li cubi haꞌ li yo̱queb chixba̱nunquil.

Jeremías 35:5

Ut xinqꞌueheb li secꞌ li nujenak riqꞌuin vino reheb li ralal laj Recab ut xinye reheb: —Ucꞌumak li vino aꞌin, chanquin reheb.

San Mateo 23:26

Ex mutzꞌ aj fariseo, chꞌajomak xbe̱n cua lix saꞌ le̱ secꞌ ut le̱ plato re nak chꞌajbilak ajcuiꞌ li rix.

San Marcos 7:8

La̱ex nequetzꞌekta̱na lix chakꞌrab li Dios, ut aꞌ chic le̱ najter naꞌleb nequeba̱nu, joꞌ riqꞌuin xchꞌajbal li secꞌ ut li xar ut li cꞌaꞌak ru chi chakꞌrabil reheb li cui̱nk.—