San Marcos 7:28 - Li Santil hu

²⁸ Ut li ixk quichakꞌoc ut quixye re: —Ya̱l li nacaye, Ka̱cuaꞌ, abanan eb li tzꞌiꞌ nequeꞌxxoc xcꞌaj xcua li cocꞌal rubel li me̱x nak yo̱queb chi cuaꞌac, chan.

Q'eqchi Bible

²⁸ A'ut a'an kichaq'ok: —Yaal, Qaawa', ab'anan eb' li kok' tz'i' neke'xwa' ajwi' li xk'aj xwaheb' li kok'al rub'el li meex, chan.

San Marcos 7:28 ပူးပေါင်းရင်းမြစ်များ

Romanos 10:12

Chiru li Dios juntakꞌe̱teb laj judío riqꞌuin li ma̱cuaꞌeb aj judío xban nak jun ajcuiꞌ li Ka̱cuaꞌ saꞌ xbe̱neb chixjunileb. Ut nim li ruxta̱n saꞌ xbe̱neb chixjunileb li nequeꞌya̱ban re lix cꞌabaꞌ.

Romanos 3:29

¿Ma caꞌaj cuiꞌ eb laj judío teꞌcolekꞌ xban li Dios? Incꞌaꞌ. Li Dios tixcoleb ajcuiꞌ li ma̱cuaꞌeb aj judío.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Salmos 145:16

Nacaqꞌue xtzacae̱mk ut nequeꞌcuaꞌac toj retal nacꞌojla xchꞌo̱leb.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

San Mateo 5:45

Cui te̱ba̱nu chi joꞌcan, la̱exak ralal xcꞌajol le̱ Yucuaꞌ cuan saꞌ choxa. Aꞌan naqꞌuehoc chak li sakꞌe saꞌ xbe̱neb li useb xnaꞌleb joꞌ ajcuiꞌ li incꞌaꞌ useb xnaꞌleb. Ut aꞌan ajcuiꞌ naqꞌuehoc chak li hab saꞌ xbe̱neb li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.

San Mateo 15:27

Ut li ixk quichakꞌoc ut quixye re: —Ya̱l li nacaye, Ka̱cuaꞌ, abanan eb li tzꞌiꞌ nequeꞌxxoc xcꞌaj xcuaheb li cocꞌal li natꞌaneꞌ rubel li me̱x nak yo̱queb chi cuaꞌac, chan.

San Marcos 7:27

Ut li Jesús quixye re: —Cuaꞌakeb cuan junxil li cocꞌal. Incꞌaꞌ us xmakꞌbal xcuaheb li cocꞌal ut xqꞌuebal reheb li tzꞌiꞌ, chan.

San Marcos 7:29

Li Jesús quixye re li ixk: —Us li xaye. Ayu saꞌ la̱ cuochoch. Ac x-el li ma̱us aj musikꞌej riqꞌuin la̱ coꞌ, chan.