San Marcos 7:22 - Li Santil hu

²² Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.

Q'eqchi Bible

²² muxuk sumlaak, pixilal, maa'usilal, b'alaq'ik, tz'i'b'eetalil na'leb', kaqalik, majewank, q'etq'etil, maak'a'il na'leb'.

San Marcos 7:22 ပူးပေါင်းရင်းမြစ်များ

San Mateo 20:15

¿Ma incꞌaꞌ ta biꞌ la̱in yal cue saꞌ xbe̱n li cꞌaꞌru cue? ¿Cꞌaꞌut nak nacatcakalin? ¿Ma xban nak cha̱bilin la̱in riqꞌuineb? chan li patrón.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

1 Pedro 2:15

Li Dios naraj nak texcua̱nk saꞌ xya̱lal. Nak teꞌril le̱ ti̱quilal, li incꞌaꞌ useb xnaꞌleb ut li incꞌaꞌ nequeꞌxnau xya̱lal, incꞌaꞌ chic teꞌa̱tinak che̱rix.

2 Corintios 10:5

Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

San Mateo 6:23

Cui ut incꞌaꞌ saken na-iloc li xnakꞌ e̱ru, cuanquex saꞌ kꞌojyi̱n. Ut joꞌcan ajcuiꞌ le̱ naꞌleb. Cui incꞌaꞌ cha̱bil le̱ naꞌleb, cuanquex saꞌ xkꞌojyi̱nal ru li ma̱c.

Eclesiastés 7:25

Joꞌcan nak quin-oc xsicꞌbal xya̱lal chanru nak tintau xtzꞌakob lin naꞌleb re nak tintau ru chixjunil li cꞌaꞌak re ru aꞌin. Quicuaj xtaubal ru cꞌaꞌut nak na-uxman li ma̱usilal ut li to̱ntil naꞌleb saꞌ ruchichꞌochꞌ.

Proverbios 28:22

Li ani naxra li biomal naraj ru xtaubal lix biomal. Ut incꞌaꞌ naxqꞌue retal nak nebaꞌil yo̱ chi cha̱lc saꞌ xbe̱n.

Proverbios 27:22

Usta ta̱tenle junak li ma̱cꞌaꞌ xnaꞌleb, abanan ma̱ jokꞌe tixtau xya̱lal. Junelic ban ma̱cꞌaꞌak xnaꞌleb.

Proverbios 24:9

Lix cꞌaꞌux li ma̱cꞌaꞌ xnaꞌleb, aꞌan ma̱c. Xicꞌ na-ileꞌ xbaneb li cristian li nahoboc.

Proverbios 23:6

Li xcuakxak li naꞌleb, aꞌan aꞌin: Incꞌaꞌ texxic chi cuaꞌac riqꞌuineb li pixeb, chi moco te̱ra ru lix cha̱bil tzacae̱mk.

Proverbios 22:15

Eb li cocꞌal nequeꞌxba̱nu li incꞌaꞌ us xban nak ma̱cꞌaꞌeb xnaꞌleb. Abanan cui teꞌqꞌuehekꞌ chi tzꞌu̱m teꞌxtau xnaꞌleb.

Proverbios 12:23

Li ani cuan xnaꞌleb incꞌaꞌ naxnimobresi rib xban nak cuan xnaꞌleb: Abanan li ma̱cꞌaꞌeb xnaꞌleb nequeꞌxcꞌutbesi nak ma̱cꞌaꞌ xnaꞌleb.

Salmos 10:4

Xban nak nequeꞌxnimobresi ribeb, li incꞌaꞌ useb xnaꞌleb incꞌaꞌ queꞌxsicꞌ li Dios. Ut incꞌaꞌ nequeꞌxcꞌoxla li Dios.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

Deuteronomio 28:56

Ut li ixakilbej li kꞌaxal kꞌun xchꞌo̱l ut ma̱ jun sut quixyal be̱c chi ma̱cꞌaꞌ xxa̱b, xicꞌ chic ta̱ril lix be̱lom joꞌ eb ajcuiꞌ lix cocꞌal, li raro̱queb raj xban, ut incꞌaꞌ chic tixqꞌue xtzacae̱mkeb.

Deuteronomio 28:54

Chi moco li cui̱nk li kꞌaxal tu̱lan ut kꞌun xchꞌo̱l li cuan saꞌ e̱ya̱nk ta̱ril xtokꞌoba̱l ruheb li ras ri̱tzꞌin, chi moco li rixakil li raro xban, chi moco lix cocꞌal.

Deuteronomio 15:9

Micuan yibru naꞌleb saꞌ le̱ chꞌo̱l ut me̱ye “La̱in incꞌaꞌ tinqꞌue cꞌaꞌru re chi toꞌ xban nak cuulac re li xcuuk li chihab nak incꞌaꞌ teꞌxqꞌue re̱kaj li nequeꞌxtoꞌoni.” Cui incꞌaꞌ nequeqꞌue chi toꞌ li cꞌaꞌru naraj, naru tixya̱ba xcꞌabaꞌ li Dios ut li Dios tixqꞌue saꞌ e̱be̱n li ma̱c xeba̱nu.

Salmos 119:36

China̱tenkꞌa re nak junelic tinqꞌue inchꞌo̱l chixba̱nunquil li xina̱chakꞌrabi cuiꞌ. Ut incꞌaꞌ taxak tinrahi ru li biomal.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

San Marcos 7:21

Saꞌ xcꞌaꞌux junak nachal chak li ma̱us aj naꞌleb, li muxuc caxa̱r, li coꞌbe̱tac yumbe̱tac, ut li xcamsinquil ras ri̱tzꞌin.

San Marcos 7:23

Chixjunil li ma̱us aj naꞌleb aꞌin saꞌ xcꞌaꞌux junak nachal chak ut aꞌan nama̱cob cuiꞌ li junju̱nk, chan.