San Marcos 7:20 - Li Santil hu

²⁰ Ut quixye ajcuiꞌ li Jesús reheb: —Li incꞌaꞌ us naxcꞌoxla saꞌ xchꞌo̱l, aꞌan nama̱cob cuiꞌ.

Q'eqchi Bible

²⁰ Ut kixye ajwi': —Li na'elk chaq rik'in li winq, a'an li natz'ajnink re,

San Marcos 7:20 ပူးပေါင်းရင်းမြစ်များ

Santiago 3:6

Numtajenak xyibal ru naxye li ruꞌuj akꞌ. Chanchan lix ma̱usilal li ruchichꞌochꞌ. Li ruꞌuj kakꞌ, aꞌan jun xchaꞌal li katzꞌejcual kꞌaxal caꞌchꞌin; aban riqꞌuin li ma̱usilal naxye, naxpoꞌ kanaꞌleb. Lix ma̱usilal nachal chak saꞌ xbalba ut naxpoꞌ kanaꞌleb saꞌ kayoꞌlajic toj chalen saꞌ li kacamic.

Santiago 4:1

¿Cꞌaꞌut nak toj cuan pletic ut cuechꞌi̱nc ib saꞌ e̱ya̱nk? ¿Ma incꞌaꞌ ta biꞌ riqꞌuin xrahinquil ru li incꞌaꞌ us nequetiquib pletic?

San Marcos 7:15

Ma̱cuaꞌ li cꞌaꞌru naxtzaca li cui̱nk nama̱coꞌ cuiꞌ; aban li cꞌaꞌru incꞌaꞌ us naxcꞌoxla, aꞌan nama̱coꞌ cuiꞌ.

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Salmos 41:6

Nequeꞌchal chicuilbal abanan yal xcab rix xchꞌo̱leb. Yal xqꞌuebal cuetal nequeꞌchal nak nequeꞌcꞌulun chicuilbal. Ut nak nequeꞌel cuiqꞌuin nequeꞌoc chi a̱tinac chicuix saꞌ be.

Hebreos 7:6

Laj Melquisedec ma̱cuaꞌ xcomoneb li ralal xcꞌajol laj Leví aban laj Abraham quixqꞌue li junju̱nk saꞌ xlaje̱tkil re laj Melquisedec. Nim xcuanquil laj Abraham xban nak ac yechiꞌinbil re li rosobtesinquil xban li Dios. Aban laj Melquisedec kꞌaxal nim cuiꞌchic lix cuanquil. Joꞌcan nak quirosobtesi laj Abraham.

San Mateo 4:4

Quichakꞌoc li Jesús ut quixye: —Incꞌaꞌ tinba̱nu aꞌan xban nak tzꞌi̱banbil retalil saꞌ li Santil Hu: Ma̱cuaꞌ caꞌaj cuiꞌ riqꞌuin li naxtzaca yoꞌyo cuiꞌ li cui̱nk; riqꞌuin ban li a̱tin li naxye li Dios.— (Deut. 8:3)

San Mateo 15:18

Li incꞌaꞌ us na-el saꞌ xtzꞌu̱mal re li junju̱nk, aꞌan saꞌ lix chꞌo̱l nachal. Ut aꞌan aꞌin li nama̱coꞌ cuiꞌ.

San Marcos 7:21

Saꞌ xcꞌaꞌux junak nachal chak li ma̱us aj naꞌleb, li muxuc caxa̱r, li coꞌbe̱tac yumbe̱tac, ut li xcamsinquil ras ri̱tzꞌin.

San Marcos 7:23

Chixjunil li ma̱us aj naꞌleb aꞌin saꞌ xcꞌaꞌux junak nachal chak ut aꞌan nama̱cob cuiꞌ li junju̱nk, chan.