San Marcos 7:19 - Li Santil hu

¹⁹ Li cꞌaꞌru naxtzaca junak, aꞌan moco saꞌ ra̱m ta naxic. Ti̱c saꞌ xsaꞌ naxic ut chirix aꞌan naxtzꞌek cuiꞌchic, chan. Joꞌcan nak quixye nak chixjunil li natzacaman moco ma̱c ta xtzacanquil.

Q'eqchi Bible

¹⁹ xb'aan naq ink'a' na'ok sa' li xch'ool, na'ok b'an sa' li xsa' ut taaxik sa' li tz'eqleb'aal mul? Rik'in a'an kixye naq chixjunil li tzekemq maak'a' xtz'ajnil.

San Marcos 7:19 ပူးပေါင်းရင်းမြစ်များ

San Mateo 15:17

¿Ma toj ma̱jiꞌ nequetau xya̱lal nak chixjunil li cꞌaꞌru naxtzaca junak, aꞌan moco saꞌ xchꞌo̱l ta naxic? Ti̱c saꞌ xsaꞌ naxic ut chirix aꞌan naxtzꞌek cuiꞌchic.

1 Corintios 6:13

Li Dios quixyi̱b li tzacae̱mk re li kasaꞌ ut quixyi̱b li kasaꞌ re li tzacae̱mk. Ya̱l ajcuiꞌ, aban ta̱cuulak xkꞌehil nak li Dios tixsach li tzacae̱mk joꞌ ajcuiꞌ li katibel. Li Dios incꞌaꞌ coxyoꞌobtesi re li coꞌbe̱tac yumbe̱tac. Coxyoꞌobtesi ban re nak tocꞌanjelak chiru li Ka̱cuaꞌ. Ut li Ka̱cuaꞌ aꞌan li na-iloc ke.

Hechos 11:9

Ut quixye cuiꞌchic cue li yo̱ chak chi a̱tinac saꞌ choxa, “La̱at incꞌaꞌ naru nacacꞌoxla nak incꞌaꞌ us ta̱tzaca li cꞌaꞌru xye li Dios nak us ta̱tzaca,” chan.

Hechos 10:15

Ut quixye cuiꞌchic li yo̱ chi a̱tinac: —La̱at incꞌaꞌ naru nacacꞌoxla nak incꞌaꞌ us ta̱tzaca li cꞌaꞌru xye li Dios nak us ta̱tzaca, chan.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

Colosenses 2:16

Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.

San Marcos 7:18

Ut li Jesús quixye reheb: —¿Ma incꞌaꞌ ajcuiꞌ xetau ru la̱ex li xinye? ¿Ma incꞌaꞌ nequenau nak ma̱cuaꞌ li cꞌaꞌru naxtzaca junak nama̱coꞌ cuiꞌ?