San Marcos 6:41 - Li Santil hu

⁴¹ Tojoꞌnak li Jesús quixchap li o̱b chi caxlan cua ut li cuib chi car ut qui-iloc saꞌ choxa. Quixbantioxi chiru li Dios. Ut quixjachi li caxlan cua ut quixqꞌue reheb lix tzolom re nak teꞌxjeqꞌui reheb li qꞌuila tenamit. Ut queꞌxjeqꞌui ajcuiꞌ li car.

Q'eqchi Bible

⁴¹ Toja' naq li Jesus kixchap li oob' chi wa ut li wiib' chi kar, kixtaqsi li rilob'aal sa' choxa, kiyoxink, kixjachi ut kixk'e reheb' li xtzolom re naq te'xjek'i. Kixjek'i ajwi' li wiib' chi kar reheb' chixjunil.

San Marcos 6:41 ပူးပေါင်းရင်းမြစ်များ

San Mateo 14:19

Ut nak ac xtaklaheb li qꞌuila tenamit chi cꞌojla̱c saꞌ li pachꞌayaꞌ, quixchap li o̱b chi caxlan cua ut li cuib chi car, qui-iloc takecꞌ ut quixbantioxi chiru li Dios. Ut quixjachi ut quixqꞌue li caxlan cua reheb lix tzolom ut queꞌxjeqꞌui reheb li qꞌuila tenamit.

San Marcos 7:34

Qui-iloc saꞌ choxa, quixjikꞌ xchꞌo̱l ut quixye: —Efata.— Saꞌ li ra̱tinoba̱l naraj naxye, “Chiteli̱k la̱ xic ut chat-abi̱nk.”

San Lucas 24:30

Nak cꞌojcꞌo saꞌ me̱x rochbeneb, quixchap li caxlan cua, quixbantioxi chiru li Dios, quixjachi ut quixqꞌue reheb.

San Lucas 9:16

Li Jesús quixchap li o̱b chi caxlan cua ut li cuib chi car. Qui-iloc saꞌ choxa. Quixbantioxi chiru li Dios. Quixjachi ut quixqꞌue reheb lix tzolom re nak teꞌxjeqꞌui reheb li qꞌuila tenamit.

1 Samuel 9:13

Nak tex-oc saꞌ li tenamit, texxic riqꞌuin saꞌ junpa̱t nak toj ma̱jiꞌ naxic chi mayejac saꞌ li tzu̱l saꞌ xcꞌabaꞌeb li tenamit. Eb li bokbileb incꞌaꞌ teꞌcuaꞌak cui toj ma̱jiꞌ nacuulac aꞌan. Tento nak li profeta ta̱rosobtesi li mayej xbe̱n cua, tojoꞌnak teꞌcuaꞌak li tenamit. Ayukex anakcuan ut te̱tau li profeta, chanqueb.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

San Juan 17:1

Nak quirakeꞌ xyebal li a̱tin aꞌin, li Jesús quixtaksi li riloba̱l ut qui-oc chi tijoc. Quixye: —At inYucuaꞌ, xcuulac xkꞌehil nak tincamsi̱k. Ta̱qꞌue taxak inlokꞌal la̱in li Cꞌajolbej re nak la̱in tinqꞌue ajcuiꞌ a̱lokꞌal la̱at.

San Juan 11:41

Ut queꞌrisi li pec chire li mukleba̱l li queꞌxqꞌue cuiꞌ li camenak. Li Jesús qui-iloc takecꞌ ut quitijoc. Quixye: —At inYucuaꞌ, ninbantioxi cha̱cuu nak nacacuabi li cꞌaꞌru nintzꞌa̱ma cha̱cuu.

San Marcos 14:22

Ut nak yo̱queb chi cuaꞌac, li Jesús quixchap li caxlan cua. Quixbantioxi chiru li Dios, quixjachi, tojoꞌnak quixjeqꞌui reheb lix tzolom. Ut quixye reheb: —Cuaꞌinkex. Aꞌan aꞌin intzꞌejcual.—

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

Romanos 14:6

Li ani naxqꞌue xlokꞌal junak li cutan, aꞌan naxba̱nu re xlokꞌoninquil li Dios. Ut joꞌcan ajcuiꞌ li natiꞌoc tib naxba̱nu aꞌan re xlokꞌoninquil li Dios ut naxbantioxi ajcuiꞌ chiru li Dios. Ut li ani incꞌaꞌ natiꞌoc tib, xlokꞌoninquil ajcuiꞌ li Dios naxba̱nu nak incꞌaꞌ natiꞌoc tib, ut naxbantioxi ajcuiꞌ chiru li Dios.

San Juan 6:23

Ut cuanqueb cuiꞌchic jucub queꞌel chak Tiberias queꞌcuulac chixcꞌatk li naꞌajej li queꞌcuaꞌac cuiꞌ nak ac xbantioxi li Jesús chiru li Dios.

San Juan 6:11

Tojoꞌnak li Jesús quixchap li caxlan cua. Quixbantioxi chiru li Dios. Quixjachi li caxlan cua ut quixqꞌue reheb lix tzolom re nak teꞌxjeqꞌui reheb li qꞌuila tenamit li cꞌojcꞌo̱queb aran. Joꞌcan ajcuiꞌ quixba̱nu riqꞌuin li car. Ut queꞌcuaꞌac chixjunileb toj retal queꞌcꞌojla xchꞌo̱leb.

San Mateo 26:26

Ut nak yo̱queb chi cuaꞌac, li Jesús quixchap li caxlan cua. Quixbantioxi chiru li Dios, quixjachi, tojoꞌnak quixjeqꞌui reheb lix tzolom. Ut quixye reheb: —Cꞌulumak, cuaꞌomak. Aꞌan aꞌin lin tzꞌejcual.—

San Mateo 15:36

Ut quixchap li cuukub chi caxlan cua ut eb li car, quixbantioxi chiru li Dios ut quixjachi. Ut quixqꞌue reheb lix tzolom re nak teꞌxjeqꞌui reheb li tenamit.

Deuteronomio 8:10

Sa texcuaꞌak toj retal ta̱cꞌojla̱k e̱chꞌo̱l. Ut texbantioxi̱nk chiru li Ka̱cuaꞌ le̱ Dios xban li cha̱bil naꞌajej li tixqꞌue e̱re.

Hechos 27:35

Ut nak quixye aꞌan, quixchap jun li caxlan cua ut quixbantioxi chiru li Dios chiruheb chixjunileb li cuanqueb aran. Ut nak quixjach, qui-oc chixcuaꞌbal.

San Marcos 6:40

Ut queꞌcꞌojla chi junju̱nk chꞌu̱tal. Cuan queꞌcꞌojla chi jun ciento saꞌ ju̱nk chꞌu̱tal ut cuan cuiꞌchic queꞌcꞌojla chi mero ciento saꞌ li junju̱nk chꞌu̱tal.

San Marcos 6:42

Queꞌcuaꞌac chixjunileb toj retal queꞌcꞌojla xchꞌo̱l.

San Marcos 8:19

¿Ma incꞌaꞌ najulticoꞌ e̱re nak xinjachi li o̱b chi caxlan cua reheb li o̱b mil chi cui̱nk? Ut, ¿jarub chacach qui-elaꞌan? chan reheb. —Cablaju, chanqueb.