San Marcos 6:34 - Li Santil hu

³⁴ Ut nak qui-el li Jesús saꞌ li jucub, quirileb li qꞌuila tenamit. Quixtokꞌoba ruheb xban nak chanchaneb li carner ma̱cꞌaꞌ aj ilol reheb. Ut nabal li cꞌaꞌak re ru quixtzoleb cuiꞌ.

Q'eqchi Bible

³⁴ Naq li Jesus ki'elk chaq sa' li jukub', kiril naq naab'aleb' li tenamit ut kixtoq'ob'a ruheb', xb'aan naq jo'keb' li karneer maak'a' aj ilol reheb'; ut naab'al li k'a'aq re ru ki'ok wi' chi xtzolb'aleb'.

San Marcos 6:34 ပူးပေါင်းရင်းမြစ်များ

San Mateo 9:36

Ut nak quirileb li qꞌuila tenamit, quixtokꞌobaheb ru xban nak tacuajenakeb ut raheb saꞌ xchꞌo̱l. Chanchaneb li carner li ma̱cꞌaꞌ aj ilol reheb.

Números 27:17

Li cui̱nk aꞌan ta̱xic chi ubej chi cꞌamoc be chiruheb nak teꞌxic yalak bar. Incꞌaꞌ taxak teꞌcana̱k la̱ tenamit joꞌ eb li carner li ma̱cꞌaꞌ aj ilol reheb, chan laj Moisés.

San Lucas 9:11

Abanan li qꞌuila tenamit queꞌxqꞌue retal nak li Jesús yo̱queb chi xic saꞌ li naꞌajej aꞌan, ut queꞌco̱eb chirix. Li Jesús quixcꞌuleb ut qui-oc chixchꞌolobanquil xya̱lal chiruheb chirix lix nimajcual cuanquilal li Dios. Ut quixqꞌuirtesiheb ajcuiꞌ li yaj.

Zacarías 10:2

Joꞌcan nak mextzꞌa̱man reheb li yi̱banbil dios xban nak aꞌan moco teꞌxqꞌue ta li cꞌaꞌru te̱tzꞌa̱ma. Eb laj kꞌe, aꞌan aj ticꞌtiꞌeb. Moco ya̱l ta li cꞌaꞌru nequeꞌxye. Chanchan yal matqꞌuenbil nequeꞌxba̱nu li cꞌaꞌru nequeꞌxye. Moco ya̱l ta nak nequeꞌxcꞌojob e̱chꞌo̱l. Xban eb aꞌan nak queꞌxchaꞌchaꞌi ribeb li tenamit yalak bar. Ra queꞌxcꞌul xban nak ma̱ ani qui-iloc reheb.

Jeremías 50:6

Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

2 Crónicas 18:16

Ut li profeta Micaías quixye re: —La̱in xcuil nak chixjunileb li soldado aj Israel yo̱queb chixchaꞌchaꞌinquil ribeb chiru li tzu̱l. Chanchaneb li carner li ma̱cꞌaꞌ aj ilol reheb. Ut li Ka̱cuaꞌ quixye cue, “Eb li cristian aꞌin ma̱cꞌaꞌ aj ilol reheb. Cheꞌsukꞌi̱k saꞌ li rochocheb chixju̱nkaleb chi cꞌojcꞌo xchꞌo̱leb,” chan.

1 Reyes 22:17

Ut li profeta Micaías quixye re: —La̱in xcuil nak chixjunileb li soldado aj Israel yo̱queb chixchaꞌchaꞌinquil ribeb chiru li tzu̱l. Chanchaneb li carner li ma̱cꞌaꞌ aj ilol reheb. Ut li Ka̱cuaꞌ quixye cue, “Eb li cristian aꞌin ma̱cꞌaꞌ aj ilol reheb. Cheꞌsukꞌi̱k saꞌ li rochocheb chixju̱nkaleb chi cꞌojcꞌo xchꞌo̱leb,” chan.—

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

San Mateo 14:14

Ut li Jesús nak qui-el saꞌ li jucub, quiril li qꞌuila tenamit li ac queꞌcuulac xbe̱n cua chiru aꞌan. Ut quixtokꞌoba ruheb ut quixqꞌuirtesiheb li yaj cuanqueb saꞌ xya̱nkeb.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

San Mateo 15:32

Ut li Jesús quixbokeb lix tzolom riqꞌuin ut quixye reheb: —Nequeꞌcuil xtokꞌoba̱l ruheb li tenamit. Ac oxib cutan xchaliqueb chicuix ut ma̱cꞌaꞌ xcuaheb. Ut incꞌaꞌ nacuaj xtaklanquileb saꞌ rochocheb chi incꞌaꞌ teꞌcuaꞌak. Naru nequeꞌlub saꞌ be, chan.

Isaías 13:14

Eb li jalaneb xtenamit teꞌe̱lelik re teꞌxic saꞌ lix tenamiteb. Chanchanakeb li quej li nequeꞌe̱lelic chiruheb laj yo. Chanchanakeb li carner li nequeꞌxchaꞌchaꞌi ribeb yalak bar xban nak ma̱cꞌaꞌ aj ilol reheb.

Ezequiel 34:5

Joꞌcan nak queꞌxchaꞌchaꞌi ribeb yalak bar xban nak ma̱cꞌaꞌ aj ilol reheb, ut quilajeꞌtiꞌeꞌ xbaneb li joskꞌ aj xul.

San Marcos 6:33

Abanan nabaleb queꞌiloc re nak yo̱queb chi xic ut queꞌxnau nak aꞌan li Jesús. Nabal quilajeꞌel saꞌ li tenamit junju̱nk. Queꞌco̱eb chi rokeb saꞌ a̱nil ut aꞌaneb xbe̱n cua queꞌcuulac saꞌ li naꞌajej bar yo̱ cuiꞌ chi xic li Jesús rochbeneb lix tzolom.

San Marcos 6:35

Nak queꞌril nak yo̱ chi ecuu̱c, queꞌco̱eb lix tzolom riqꞌuin li Jesús ut queꞌxye re: —Yo̱ chi ecuu̱c ut arin ma̱cꞌaꞌ cuan.

San Marcos 8:1

Saꞌ jun chic li cutan queꞌxchꞌutub rib nabal li tenamit riqꞌuin li Jesús. Xban nak ma̱cꞌaꞌ xcuaheb quixbokeb lix tzolom ut quixye reheb:

San Marcos 8:2

—Tokꞌobeb ru li qꞌuila tenamit aꞌin. Ac cuan oxib cutan roquiqueb arin cuiqꞌuin ut ma̱cꞌaꞌ chic xcuaheb.