San Marcos 6:3 - Li Santil hu

³ —¿Ma ma̱cuaꞌ ta biꞌ aꞌin laj pechꞌ? Ut, ¿ma ma̱cuaꞌ ta biꞌ lix María lix naꞌ? ¿Ma ma̱cuaꞌ ta biꞌ laj Jacobo li ri̱tzꞌin ut laj José, laj Judas ut laj Simón? ¿Ma ma̱cuaꞌ ta biꞌ aꞌin eb li ri̱tzꞌin li cuanqueb saꞌ kaya̱nk? chanqueb. Ut queꞌchal xjoskꞌil saꞌ xbe̱n.

Q'eqchi Bible

³ Ma maawa' tab'i' a'in laj peech', xyum lix María? Ma maawa' tab'i' a'in riitz'in laj Santiago, laj José, laj Judas ut laj Simón? Ma ink'a' tab'i' wankeb' li ranab' arin sa' qayanq? Ut neke'luktaak xch'ool xb'aan.

San Marcos 6:3 ပူးပေါင်းရင်းမြစ်များ

San Mateo 12:46

Ut toj yo̱ ajcuiꞌ chi a̱tinac li Jesús riqꞌuineb li tenamit nak quicuulac aran lix naꞌ rochbeneb li ri̱tzꞌin li Jesús. Cuanqueb chirix cab ut teꞌraj raj ra̱tinanquileb.

San Juan 6:42

Queꞌxye chi ribileb rib: —¿Ma ma̱cuaꞌ ta biꞌ aꞌin li Jesús li ralal laj José? La̱o nakanau ruheb lix naꞌ xyucuaꞌ. ¿Cꞌaꞌut nak naxye nak saꞌ choxa xchal chak? chanqueb.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

Gálatas 1:19

Ut quicuil ru laj Jacobo ri̱tzꞌin li Ka̱cuaꞌ Jesucristo. Ut chirix chic aꞌan, ma̱ jun chic reheb li apóstol quicuileb ru.

San Mateo 11:6

Us xak reheb li ani incꞌaꞌ ta̱chꞌina̱nk xchꞌo̱l inban, chan li Jesús.

Hechos 1:13

Nak queꞌcuulac Jerusalén queꞌtakeꞌ saꞌ xcaꞌ tasal li cab li nequeꞌhilan cuiꞌ nak cuanqueb Jerusalén. Aꞌaneb laj Pedro, laj Juan, laj Jacobo, laj Andrés, laj Felipe, laj Tomás, laj Bartolomé, laj Mateo, laj Jacobo li ralal laj Alfeo, laj Simón li na-oquen saꞌ xya̱nkeb li jun chꞌu̱tal Zelote nequeꞌxye reheb, ut laj Judas li ralal laj Jacobo.

San Marcos 15:40

Cuanqueb ajcuiꞌ ixk yo̱queb chi iloc chi najt. Saꞌ xya̱nkeb aꞌan cuan lix María aj Magdala, lix Salomé ut lix María xnaꞌeb laj José ut laj Jacobo li i̱tzꞌinbej.

1 Corintios 1:23

Aban la̱o nakachꞌolob xya̱lal nak li Cristo quicam chiru li cruz re kacolbal. Abanan li ca̱mc chiru cruz xuta̱nal chiruheb laj judío ut incꞌaꞌ nequeꞌraj xtaubal xya̱lal lix camic li Cristo. Joꞌcan nak chiruheb laj judío lix ya̱lal lix camic li Cristo chanchan jun li pec nequeꞌxtich rokeb chiru. Joꞌcan ajcuiꞌ chiruheb li ma̱cuaꞌeb aj judío, lix ya̱lal lix camic li Cristo to̱ntil naꞌleb chiruheb.

San Juan 14:22

Laj Judas jun chic, li ma̱cuaꞌ laj Judas Iscariote, quixye re: —Ka̱cuaꞌ, ¿chanru nak ta̱cꞌutbesi a̱cuib chiku la̱o, ut incꞌaꞌ ta̱cꞌutbesi a̱cuib chiruheb li incꞌaꞌ nequeꞌpa̱ban a̱cue? chan.

San Lucas 7:23

Us xak reheb li ani incꞌaꞌ ta̱chꞌina̱nk xchꞌo̱l chinpa̱banquil, chaꞌkex re, chan li Jesús.

San Lucas 2:34

Ut laj Simeón quixtzꞌa̱ma rusilal li Dios saꞌ xbe̱neb ut quixye re lix María li naꞌbej: —Chacuabi li oc cue xyebal a̱cue. Saꞌ xcꞌabaꞌ li cꞌulaꞌal aꞌin, nabaleb laj Israel teꞌcolekꞌ ut saꞌ xcꞌabaꞌ ajcuiꞌ aꞌan nabaleb li teꞌsachk. Ut nabaleb li teꞌtzꞌekta̱na̱nk re.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

1 Pedro 2:4

Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

1 Corintios 9:4

¿Ma incꞌaꞌ ta biꞌ raj tento ajcuiꞌ nak tine̱tenkꞌa la̱in riqꞌuin lin tzacae̱mk?

San Marcos 3:18

Quixxakabeb ajcuiꞌ laj Andrés, laj Felipe, laj Bartolomé, laj Mateo, laj Tomás, laj Jacobo li ralal laj Alfeo, laj Tadeo ut laj Simón. Aꞌan xcomoneb laj Canaán.

Hechos 12:17

Quixtaksi li rukꞌ re nak teꞌxcanab choki̱nc, ut quixserakꞌi reheb chanru nak qui-isi̱c saꞌ tzꞌalam xban li Ka̱cuaꞌ. Quixye reheb: —Yehomak resil aꞌin re laj Jacobo ut reheb chixjunileb laj pa̱banel, chan. Ut chirix aꞌan co̱ saꞌ jalan naꞌajej.

San Lucas 8:20

Ut quiyeheꞌ resil re li Jesús: —La̱ naꞌ ut eb la̱ cui̱tzꞌin cuanqueb chirix cab ut teꞌraj a̱cua̱tinanquil, chan.