San Marcos 6:20 - Li Santil hu

²⁰ Laj Herodes naxnau nak laj Juan ti̱c xchꞌo̱l ut santil cui̱nk. Joꞌcan nak naxucuac ut incꞌaꞌ naraj nak ta̱camsi̱k. Quicuulac chiru rabinquil li quixye laj Juan usta cꞌajoꞌ nak naqꞌueheꞌ chi cꞌoxlac xban li a̱tin nayeheꞌ re.

Q'eqchi Bible

²⁰ xb'aan naq laj Herodes naxxiwa ru laj Jwan ut naxkol rix: naxnaw naq a'an jun li winq tiik xch'ool ut sant; naq narab'i chi aatinak, na'ok xk'a'uxl ut nawulak chiru rab'inkil.

San Marcos 6:20 ပူးပေါင်းရင်းမြစ်များ

San Mateo 21:26

Ut cui takaye nak cui̱nk xtaklan chak re, teꞌpokꞌ li tenamit saꞌ kabe̱n ut xiu xiu chic cua̱nko xban nak chixjunileb nequeꞌyehoc re nak laj Juan, aꞌan tzꞌakal profeta.—

San Mateo 14:5

Joꞌcan nak laj Herodes quiraj raj xcamsinquil, aban quixucuac chiruheb li qꞌuila tenamit xban nak laj Juan profeta nak cuan chiruheb aꞌan.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

San Marcos 11:18

Eb li xbe̱nil aj tij ut eb laj tzꞌi̱b nak queꞌrabi aꞌan queꞌoc chixcꞌu̱banquil chanru nak teꞌxcamsi li Jesús. Cꞌajoꞌ nak queꞌxucuac xban nak queꞌril nak sachso̱queb xchꞌo̱l li qꞌuila tenamit chirabinquil li tijleb li yo̱ chixyebal li Jesús.

San Marcos 4:16

Ut li iyaj li quinak saꞌ li pec ru, aꞌan chanchaneb li nequeꞌabin re li ra̱tin li Dios ut saꞌ junpa̱t nequeꞌxpa̱b chi saheb saꞌ xchꞌo̱l.

Daniel 5:17

Laj Daniel quixye re li rey: —Li ma̱tan ta̱cuaj xsihinquil, cana̱k chokꞌ a̱cue. Ut lin kꞌajca̱munquil ta̱cuaj xqꞌuebal, chaqꞌue re jalan chic. At rey, la̱in tincuil li cꞌaꞌru tzꞌi̱banbil chiru li tzꞌac ut tinye a̱cue li cꞌaꞌru naraj naxye.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Daniel 4:18

Aꞌan aꞌin lin matcꞌ, chan li rey Nabucodonosor. —La̱at at Beltsasar ta̱ye cue cꞌaꞌru naxye lin matcꞌ xban nak ma̱ jun reheb li cuanqueb xnaꞌleb saꞌ xya̱nkeb li cuanqueb rubel lin cuanquil xeꞌru xyebal cue cꞌaꞌru naxye. Abanan la̱at tatru̱k xban nak qꞌuebil a̱naꞌleb xbaneb la̱ dios santo, chan.

Ezequiel 33:32

Chokꞌ reheb aꞌan chanchanat jun aj bichanel joꞌ jun li nabichan bich re rahoc chi chꞌinaꞌus. Teꞌrabi li cꞌaꞌru ta̱ye abanan incꞌaꞌ teꞌxba̱nu.

2 Crónicas 26:5

Quixsicꞌ li Dios saꞌ eb li cutan nak laj Zacarías yo̱ chixchꞌolobanquil lix ya̱lal li Dios chiru. Nak quixsicꞌ li Dios, li Dios quirosobtesi ut us qui-el riqꞌuin li cꞌaꞌru quixba̱nu.

2 Crónicas 24:2

Laj Joás quixba̱nu li us chiru li Ka̱cuaꞌ joꞌ najtil yoꞌyo laj Joiada laj tij.

2 Reyes 13:14

Saꞌ eb li cutan aꞌan li profeta Eliseo nim xyajel ut ca̱mc re. Laj Joás lix reyeb laj Israel quicuulac riqꞌuin. Ta̱ya̱bak nak quixye re: —At Eliseo, la̱at chanchanat lin yucuaꞌ. La̱at nacatcoloc reheb laj Israel, chan.

2 Reyes 6:21

Ut lix reyeb laj Israel quirileb laj Siria. Quixye re laj Eliseo: —At Ka̱cuaꞌ, ¿ma tintakla xcamsinquileb? chan.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

Éxodo 11:3

Li Ka̱cuaꞌ Dios quixkꞌunobresi xchꞌo̱leb li tenamit Egipto ut queꞌxcꞌam rib saꞌ usilal riqꞌuineb laj Israel. Ut eb laj cꞌanjel chiru laj faraón joꞌ eb ajcuiꞌ chixjunileb laj Egipto queꞌx-oxlokꞌi chic laj Moisés.

Hechos 2:12

Ut chixjunileb sachso̱queb xchꞌo̱l ut incꞌaꞌ queꞌxtau ru. Queꞌxye chiribileb rib: —¿Cꞌaꞌru xya̱lal aꞌin li yo̱co chixcꞌulbal? chanqueb.

Hechos 5:24

Nak queꞌrabi aꞌan, eb li xbe̱nil aj tij ut eb li nequeꞌtaklan saꞌ xbe̱neb li soldado li nequeꞌcꞌacꞌalen saꞌ li templo, queꞌsach xchꞌo̱leb ut queꞌoc chixcꞌoxlanquil cꞌaꞌru ta̱cana̱k cuiꞌ li yo̱ chi cꞌulma̱nc.