San Marcos 6:14 - Li Santil hu

¹⁴ Li tenamit yo̱queb chixserakꞌinquil li milagro yo̱ chixba̱nunquil li Jesús. Nak quirabi aꞌan, li rey Herodes quixye: —Aꞌan laj Juan laj Cubsihom Haꞌ. Xcuacli cuiꞌchic chi yoꞌyo saꞌ xya̱nkeb li camenak. Joꞌcan nak cuan xcuanquil chixba̱nunquil li milagro, chan.

Q'eqchi Bible

¹⁴ Li rey Herodes kirab'i resil li nayeemank chirix li Jesus xb'aan naq yalaq b'ar nanawmank xk'ab'a'. Wan ke'yehok: “Laj Jwan aj kub'sihomha' xwakliik chi yo'yo sa' xyanqeb' li kamenaq, jo'kan naq xnimal wankilal wank rik'in”.

San Marcos 6:14 ပူးပေါင်းရင်းမြစ်များ

1 Ts 1:8

Anakcuan e̱ban la̱ex nak yalak bar qui-abi̱c resil ra̱tin li Dios. Ma̱cuaꞌ caꞌaj cuiꞌ Macedonia ut Acaya. Qui-abi̱c ban ajcuiꞌ saꞌ chixjunil li naꞌajej. Yalak bar qui-abi̱c resil nak la̱ex xepa̱b li Dios. Joꞌcan nak la̱o incꞌaꞌ chic tento nak takaye resil le̱ pa̱ba̱l.

San Lucas 13:31

Ut saꞌ ajcuiꞌ li ho̱nal aꞌan cuanqueb aj fariseo queꞌcuulac riqꞌuin li Jesús chixyebal re: —Elen arin. Ayu xban nak laj Herodes ta̱raj a̱camsinquil, chanqueb.

San Lucas 3:1

Yo̱ oꞌlaju chihab roquic chokꞌ acuabej laj Tiberio César, nak cua̱nk laj Poncio Pilato chi takla̱nc saꞌ li tenamit Judea. Laj Herodes aꞌan cua̱nk chi takla̱nc saꞌ li tenamit Galilea. Ut laj Felipe li ri̱tzꞌin cua̱nk chi takla̱nc saꞌ li tenamit Iturea ut saꞌ li naꞌajej Traconite, ut laj Lisanias cua̱nk chi takla̱nc saꞌ li tenamit Abilinia.

San Marcos 8:28

Queꞌxye re: —Cuan nequeꞌyehoc re nak la̱at laj Juan laj Cubsihom Haꞌ xcuacli cuiꞌchic chi yoꞌyo. Ut cuan nequeꞌyehoc re nak la̱at li profeta Elías, li quicuan najter. Ut cuan cuiꞌchic nequeꞌyehoc re nak la̱at jun chic li profeta, chanqueb.

San Marcos 1:45

Co̱ li cui̱nk ut quilajxserakꞌi reheb chixjunil chanru nak quiqꞌuira. Riqꞌuin aꞌan incꞌaꞌ chic naxqꞌue rib na-oc li Jesús saꞌ eb li tenamit xban nak li qꞌuila tenamit yo̱queb chixsicꞌbal li Jesús. Quicana ban saꞌ jun li naꞌajej bar ma̱cꞌaꞌ cuiꞌ nabal li cristian ut aran quilajeꞌcuulac riqꞌuin li nequeꞌchal chak yalak bar.

San Marcos 1:28

Saꞌ junpa̱t queꞌrabi resil saꞌ chixjunileb li tenamit xcue̱nt Galilea cꞌaꞌru quixba̱nu li Jesús.

San Mateo 9:31

Caꞌaj cuiꞌ tzꞌakal queꞌel aran nak queꞌoc chixserakꞌinquil resil saꞌ chixjunil li naꞌajej aꞌan li cꞌaꞌru quixba̱nu li Jesús reheb.

2 Crónicas 26:15

Quixqꞌueheb li cui̱nk li cuanqueb xnaꞌleb aran Jerusalén chixyi̱banquil li cꞌanjeleba̱l re pletic. Eb li chꞌi̱chꞌ aꞌin queꞌqꞌueheꞌ saꞌ eb li cab li najt xteram ut saꞌ xbe̱n li tzꞌac li sutsu cuiꞌ li tenamit re xcutbal li ni̱nki pec ut li tzimaj. Quiniman xcuanquil laj Uzías xban nak cꞌajoꞌ nak quitenkꞌa̱c xban li Dios ut naꞌno ru yalak bar.

2 Crónicas 26:8

Eb laj amonita queꞌxsi xma̱tan laj Uzías. Cꞌajoꞌ nak quiniman xcuanquil laj Uzías ut naꞌno chixjunil li quilajxba̱nu saꞌ eb li naꞌajej toj saꞌ li nuba̱l re Egipto.

San Lucas 9:19

Eb aꞌan queꞌxye re: —Cuan nequeꞌyehoc re nak la̱at laj Juan laj Cubsihom Haꞌ. Ut cuan ajcuiꞌ nequeꞌyehoc re nak la̱at li profeta Elías. Ut cuan cuiꞌchic nequeꞌyehoc re nak la̱at jun reheb li profeta li queꞌcuan najter li xcuacli cuiꞌchic chi yoꞌyo, chanqueb.

Hebreos 2:4

Li Dios quixcꞌut chiku nak tzꞌakal ya̱l aꞌan riqꞌuineb li retalil ut li milagro li quilajxba̱nu riqꞌuin lix nimal xcuanquilal. Ut naxcꞌut ajcuiꞌ chiku nak ya̱l xban nak naxqꞌue li Santil Musikꞌej reheb li junju̱nk. Joꞌcan nak ac xma̱tan xma̱tan li junju̱nk joꞌ naraj li Dios.

San Lucas 7:17

Ut qui-abi̱c resil li cꞌaꞌru quixba̱nu li Jesús saꞌ chixjunil li naꞌajej Judea joꞌ ajcuiꞌ saꞌ eb li naꞌajej li cuanqueb chi xjun sutam.