San Marcos 5:7 - Li Santil hu

⁷ Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at Ralalat li nimajcual Dios. Saꞌ xcꞌabaꞌ li Ka̱cuaꞌ Dios, nintzꞌa̱ma cha̱cuu nak mina̱rahobtesi, chan re.

Q'eqchi Bible

⁷ ut kixjap re chi xyeeb'al chi kaw xyaab' xkux: —K'aru wank we aawik'in, at Jesus, Ralalat li Nimajwal Yos! Nintz'aama nawelaji chawu sa' xk'ab'a' li Qaawa', minaarahob'tesi.

San Marcos 5:7 ပူးပေါင်းရင်းမြစ်များ

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

Hechos 16:17

Li xkaꞌal aꞌan yo̱ chikata̱kenquil. Japjo re chixyebal: —Eb li cui̱nk aꞌin aꞌan xmo̱seb li nimajcual Dios. Yo̱queb chixchꞌolobanquil chiku chanru nak ta̱ru̱k tocolekꞌ, chan.

San Judas 1:6

Ninjultica ajcuiꞌ che̱ru nak cuan li ángel queꞌxtzꞌekta̱na lix lokꞌal qꞌuebileb re joꞌ ajcuiꞌ lix naꞌajeb. Anakcuan tzꞌaptzꞌo̱queb saꞌ li kꞌojyi̱n xban li Dios ut bacꞌbo̱queb riqꞌuin cadena toj ta̱cuulak xcutanquil li rakba a̱tin.

San Mateo 26:63

Ut li Jesús ma̱ jun li a̱tin quixye. Ut li xyucuaꞌileb aj tij quixye cuiꞌchic re: —Saꞌ xcꞌabaꞌ li yoꞌyo̱quil Dios ta̱ye ke cui la̱at li Cristo, li Ralal li Dios.—

Apocalipsis 12:12

Joꞌcan nak chisahokꞌ taxak saꞌ e̱chꞌo̱l la̱ex li cuanquex saꞌ choxa. Abanan li cuanqueb saꞌ ruchichꞌochꞌ ut saꞌ li palau tokꞌobeb ru xban nak laj tza quicuteꞌ saꞌ ruchichꞌochꞌ chi cua̱nc riqꞌuineb. Cꞌajoꞌ lix joskꞌil xban nak naxnau nak cuulac re xkꞌehil nak ta̱sachekꞌ ru, chan.

Hechos 19:13

Cuanqueb aj judío nequeꞌxye nak nequeꞌxnau risinquileb li ma̱us aj musikꞌej ut nequeꞌxbeni ribeb chixba̱nunquil. Queꞌxyal xpatzꞌbal xcꞌabaꞌ li Ka̱cuaꞌ Jesús saꞌ xbe̱neb li cuan ma̱us aj musikꞌej riqꞌuineb ut queꞌxye: —Saꞌ xcꞌabaꞌ li Jesús li naxjultica laj Pablo, tinye e̱re elenkex riqꞌuin li cui̱nk aꞌan, chanqueb.

San Lucas 8:28

Nak quiril li Jesús li cui̱nk quixcuikꞌib rib chiru. Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at li Ralal li nimajcual Dios. Nintzꞌa̱ma cha̱cuu nak mina̱chꞌiꞌchꞌiꞌi, chan re.

San Marcos 3:11

Li cuan ma̱us aj musikꞌej riqꞌuineb, nak queꞌril li Jesús, queꞌxcuikꞌib rib chiru ut queꞌxjap re chixyebal: —La̱at li Ralal li Dios, chanqueb re.

San Mateo 4:3

Ut laj tza quicuulac riqꞌuin ut quixye re: —Cui tzꞌakal ya̱l nak la̱at ralal li Dios, sukꞌisiheb chokꞌ caxlan cua li pec aꞌin.—

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

San Marcos 1:24

Li cui̱nk aꞌan quixjap re ut quixye: —¿Cꞌaꞌru ta̱cuaj kiqꞌuin, at Jesús aj Nazaret? ¿Ma chikasachbal xatchal? Ninnau anihat la̱at. La̱at lix Santil Alal li Dios, chan.

San Mateo 16:16

Quichakꞌoc laj Simón Pedro ut quixye: —La̱at li Cristo, li Ralal li yoꞌyo̱quil Dios.—

Oseas 14:8

Eb li ralal xcꞌajol laj Efraín teꞌxye: —¿Cꞌaꞌ chic ru teꞌoc cuiꞌ ke li yi̱banbil dios? Ut la̱in tinsume ut tinye reheb: —La̱in yo̱quin che̱rabinquil ut yo̱quin che̱rilbal. La̱in chanchanin li cheꞌ rax rax ru. La̱in tin-ilok e̱re ut la̱in tin-osobtesi̱nk e̱re re nak ta̱cua̱nk cuiꞌchic nabal cꞌaꞌru e̱re, chaꞌak li Dios reheb.

1 Reyes 22:16

Li rey quixye re: —¿Jarub sut tinye a̱cue nak tat-a̱tinak saꞌ xcꞌabaꞌ li Ka̱cuaꞌ Dios junelic ta̱ye li ya̱l? chan.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Hebreos 7:1

Laj Melquisedec aꞌan li rey re li tenamit Salem. Aꞌan ajcuiꞌ laj tij chiru li nimajcual Dios. Laj Melquisedec qui-el chak chixcꞌulbal laj Abraham ut quirosobtesi nak quisukꞌi chak chixsachbal ruheb li rey.

Hebreos 2:14

Ya̱l nak la̱o ut li Jesucristo junaj li kachoxahil Yucuaꞌ. Li Jesucristo quitzꞌejcualoꞌ joꞌ la̱o. Quicuan xquiqꞌuel. Quicuan xbakel ut xtibel. Li Jesucristo quicam. Riqꞌuin lix camic, li Ka̱cuaꞌ Jesucristo quixsach xcuanquil laj tza, xban nak saꞌ xcꞌabaꞌ laj tza nak cuan li ca̱mc.

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

San Lucas 4:34

—Canabo kajunes. ¿Cꞌaꞌru ta̱cuaj kiqꞌuin, at Jesús aj Nazaret? ¿Ma xatchal chikasachbal? La̱in ninnau nak la̱at lix Santil Alal li Dios, chan.

San Lucas 1:32

Nimak xcuanquil nak ta̱cua̱nk ut chixjunileb teꞌnaꞌok re nak aꞌan tzꞌakal Ralal li Dios. Ut li Ka̱cuaꞌ ta̱qꞌuehok xcuanquil chi takla̱nc joꞌ nak quicuan chi takla̱nc li rey David lix xeꞌto̱nil yucuaꞌ.

San Marcos 14:61

Ut li Jesús ma̱ jun a̱tin quixye. Ut li xyucuaꞌileb aj tij quixpatzꞌ cuiꞌchic re li Jesús ut quixye re: —¿Ma la̱at li Cristo li Ralal li nimajcual Dios? chan re.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

San Marcos 5:6

Toj najt ajcuiꞌ cuan chak li Jesús nak qui-ileꞌ xban li cui̱nk. Li cui̱nk co̱ saꞌ a̱nil ut coxcuikꞌib rib chiru li Jesús.

San Marcos 5:8

Quixye chi joꞌcan xban nak ac yo̱ li Jesús chixyebal re li ma̱us aj musikꞌej: —Elen riqꞌuin li cui̱nk aꞌin, at ma̱us aj musikꞌej.—

Santiago 2:19

La̱at nacapa̱b nak li Dios jun ajcuiꞌ. Us ajcuiꞌ nak nacapa̱b. Aban joꞌcan ajcuiꞌ eb li ma̱us aj musikꞌej nequeꞌxpa̱b nak jun ajcuiꞌ li Dios cuan ut nequeꞌsicsot xban xxiuheb.