San Marcos 5:26 - Li Santil hu

²⁶ Quixqꞌue rib chi banecꞌ riqꞌuin nabaleb aj banonel ut nabal li raylal quixcꞌul. Abanan ma̱ jokꞌe queꞌxban. Caꞌaj cuiꞌ quixsach chixjunil li cꞌaꞌru cuan re, re xtojbaleb. Ut ma̱cꞌaꞌ qui-oc cuiꞌ. Nima̱nc ban chic naxba̱nu lix yajel.

Q'eqchi Bible

²⁶ (naab'al li rahilal xk'ulum sa' ruq'eb' laj k'iila b'anonel ut ak xsachom chixjunil li k'aru wank re chi maak'a' na'usaak wi', xnimank b'an chik li xyajel),

San Marcos 5:26 ပူးပေါင်းရင်းမြစ်များ

Jeremías 8:22

¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.

Salmos 108:12

At Ka̱cuaꞌ, caꞌaj cuiꞌ la̱at naru tattenkꞌa̱nk ke chi numta̱c saꞌ xbe̱neb li xicꞌ nequeꞌiloc ke. Li cui̱nk ma̱cꞌaꞌ xcuanquil re katenkꞌanquil.

Jeremías 51:8

Abanan chiru junpa̱t quisacheꞌ ru li tenamit Babilonia. Chexya̱bak chirixeb. Yalomak xbanbal lix tochꞌolal. Ma̱re ta̱qꞌuira̱k.

Li xHu LAJ JOB 13:4

Xban nak la̱ex nequejal ru lix ya̱lal, ticꞌtiꞌ nequeye. Ma̱ ani naru nequetenkꞌa. Chanchanex laj banonel incꞌaꞌ naru chi banoc.

San Marcos 5:25

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel.

San Marcos 5:27

Quirabi resil nak li Jesús yo̱ chixqꞌuirtesinquileb li yaj. Riqꞌuin aꞌan qui-oc chixta̱kenquil li Jesús rochbeneb li qꞌuila tenamit. Ut quijiloc chixcꞌatk re nak tixchꞌeꞌ li rakꞌ.

San Lucas 8:43

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel. Quixqꞌue rib chi banecꞌ riqꞌuin nabaleb aj banonel ut nabal li tumin quixsach. Abanan ma̱ jun quiru chi banoc re.