San Marcos 4:8 - Li Santil hu

⁸ Ut cuan cuiꞌchic li iyaj coxnak saꞌ li cha̱bil chꞌochꞌ. Quimok ut quiqꞌui ut quiu̱chin chi us. Cuan quixqꞌue laje̱tk xcaꞌcꞌa̱l (30) ru. Cuan li quixqꞌue oxtakcꞌa̱l (60) ru ut cuan cuiꞌchic quixqꞌue oꞌtakcꞌa̱l (100) ru li junju̱nk.

Q'eqchi Bible

⁸ Ut wan chik iyaj kinaqk sa' chaab'il ch'och', kik'iik, kichamo'k ut ki'uuchink: wan kixk'e lajeeb' xka'k'aal, wan chik oxk'aal ut wan chik o'k'aal”.

San Marcos 4:8 ပူးပေါင်းရင်းမြစ်များ

San Juan 15:5

La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

Colosenses 1:6

Chanru nak xerabi resil li colba-ib la̱ex, joꞌcan ajcuiꞌ nak yo̱queb chirabinquil saꞌ chixjunil li ruchichꞌochꞌ. Nabal yo̱queb chi jalac lix naꞌlebeb joꞌ nak xjala le̱ naꞌleb la̱ex chalen nak xerabi resil li colba-ib ut quetau ru chi tzꞌakal li rusilal li Dios.

San Marcos 4:20

Ut li iyaj li quitꞌaneꞌ saꞌ cha̱bil chꞌochꞌ, aꞌan chanchaneb li nequeꞌrabi ut nequeꞌxpa̱b chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60) ut li naxqꞌue oꞌtakcꞌa̱l (100) ru li junju̱nk.—

Génesis 26:12

Saꞌ li chihab aꞌan laj Isaac qui-au saꞌ li naꞌajej aꞌan. Ut kꞌaxal cuiꞌchic nabal li ru li racui̱mk li quixxoc xban nak li Ka̱cuaꞌ Dios quirosobtesi laj Isaac.

Hechos 17:11

Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

San Mateo 13:8

Ut cuan cuiꞌchic li iyaj quinak saꞌ li cha̱bil chꞌochꞌ. Quimok ut quiu̱chin. Cuan quixqꞌue laje̱tk xcaꞌcꞌa̱l ru (30). Cuan quixqꞌue oxtakcꞌa̱l ru (60), ut cuan cuiꞌchic quixqꞌue oꞌtakcꞌa̱l ru (100) li junju̱nk.

Jeremías 23:29

¿Ma ma̱cuaꞌ ta biꞌ chanchan li xam li cua̱tin? Li cua̱tin chanchan li martillo li naxjori li pec li naxten.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

San Juan 7:17

—Li ani ta̱ajok xba̱nunquil li cꞌaꞌru naraj li Dios, aꞌan tixnau ma re li Dios li tijleb li yo̱quin chixcꞌutbal malaj ut yal incꞌaꞌux injunes.

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

San Lucas 8:8

Ut cuan cuiꞌchic li iyaj quinak saꞌ li cha̱bil chꞌochꞌ. Quimok ut quiqꞌui ut quiu̱chin chi us. Quixqꞌue oꞌtakcꞌa̱l (100) ru li junju̱nk chi rok. Ut quixye cuiꞌchic li Jesús, —Li ani ta̱raj rabinquil li cꞌaꞌru yo̱quin chixyebal, chixqꞌuehak retal li yo̱quin chixyebal, chan.

San Mateo 13:23

Ut li iyaj li quinak saꞌ li cha̱bil chꞌochꞌ, aꞌaneb li nequeꞌrabi ut nequeꞌxpa̱b ut nequeꞌxtau ru chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60), ut li naxqꞌue oꞌtakcꞌa̱l ru (100) li junju̱nk.—

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

San Marcos 4:7

Ut cuan cuiꞌchic li iyaj coxnak saꞌ xya̱nk li qꞌuix. Ut nak quichamoꞌ li qꞌuix saꞌ xbe̱n, quixnatꞌ li acui̱mk ut incꞌaꞌ quiu̱chin.

San Marcos 4:9

Tojoꞌnak quixye li Jesús reheb: —Li ani na-abin, chixqꞌuehak retal li cꞌaꞌru ninye, chan.

Efesios 2:21

La̱o aj pa̱banel chanchano li rochoch li Dios. Junajo chic saꞌ xcꞌabaꞌ li Jesucristo li tzꞌakal xakxo saꞌ kabe̱n re nak tzꞌakalak ke ku ut kꞌaxtesinbilo chiru li Dios.