San Marcos 4:41 - Li Santil hu

⁴¹ Ut cꞌajoꞌ nak queꞌsach xchꞌo̱l lix tzolom ut queꞌxye chi ribileb rib: —¿Chanru nak cuan xcuanquil li cui̱nk aꞌin nak naxkꞌus li ikꞌ ut li palau, ut nequeꞌabin chiru? chanqueb.

Q'eqchi Bible

⁴¹ Ut jun nimla xiw ki'ok sa' xch'ooleb', neke'xye chirib'ileb' rib': —Ani put a'in naq a'atq li iq' ut li palaw neke'paab'ank chiru?

San Marcos 4:41 ပူးပေါင်းရင်းမြစ်များ

San Lucas 8:25

Ut li Jesús quixye reheb: —¿Cꞌaꞌru xecꞌul? ¿Ma ma̱cꞌaꞌ chic e̱pa̱ba̱l? chan. Cꞌajoꞌ nak qui-oc xcꞌaꞌuxeb ut queꞌxsach xchꞌo̱l. Queꞌxye chi ribileb rib, —¿Chanru nak nequeꞌabin li ikꞌ ut li palau chiru li cui̱nk aꞌin? Ut, ¿chanru nak cuan xcuanquil chixkꞌusbaleb? chanqueb.

Li xHu LAJ JOB 38:11

Ut quinye re: Caꞌaj cuiꞌ arin tatnumekꞌ ut incꞌaꞌ ta̱numekꞌ jun pacꞌal la̱ cau ok, chanquin re.

San Mateo 8:27

Ut cꞌajoꞌ nak queꞌsach xchꞌo̱l lix tzolom nak queꞌril li quixba̱nu ut queꞌxye chi ribileb rib: —¿Chanru nak cuan xcuanquil li cui̱nk aꞌin nak naxkꞌus li ikꞌ ut li palau ut nequeꞌabin chiru? chanqueb.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

1 Samuel 12:24

Qꞌuehomak e̱chꞌo̱l chi cꞌanjelac chiru li Ka̱cuaꞌ ut chexucua ru. Cheqꞌuehak retal li sachba chꞌo̱lej ut li xni̱nkal usilal quixba̱nu e̱re.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

San Marcos 5:33

Li ixk naxnau nak ac xqꞌuira. Nasicsot xban xxiu. Colxcuikꞌib rib chiru li Jesús ut quixye lix ya̱lal re.

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

San Lucas 4:36

Chixjunileb li queꞌiloc re, cꞌajoꞌ nak queꞌxucuac ut yo̱queb chixyebal chi ribileb rib: —¿Cꞌaꞌru xya̱lal aꞌin? ¿Cꞌaꞌru li tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, aꞌan nequeꞌxba̱nu, chanqueb.

San Mateo 14:32

Ut nak queꞌoc saꞌ li jucub, quichꞌana li ikꞌ.

Malaquías 2:5

Saꞌ li contrato li quinba̱nu riqꞌuin laj Leví quinyechiꞌi reheb nak ta̱cua̱nk xyuꞌameb ut teꞌcua̱nk saꞌ tuktu̱quil usilal. Quinba̱nu li contrato riqꞌuineb re nak teꞌxxucua cuu. Ut eb aꞌan queꞌxxucua cuu ut queꞌxcubsi ribeb chicuu.

San Marcos 7:37

Cꞌajoꞌ nak queꞌsach xchꞌo̱leb chirilbal ut queꞌxye: —Cha̱bil chixjunil li naxba̱nu. Naxqꞌue chi abi̱nc li tzꞌap xic ut naxqꞌue chi a̱tinac li mem, chanqueb.

San Marcos 4:40

Ut li Jesús quixye reheb lix tzolom: —¿Cꞌaꞌut nak cꞌajoꞌ nak nequexxucuac? ¿Ma incꞌaꞌ nequepa̱b nak li Dios ta̱tenkꞌa̱nk e̱re? chan.

San Marcos 5:1

Li Jesús ut eb lix tzolom queꞌcuulac aran jun pacꞌal li palau saꞌ xchꞌochꞌeb laj Gadara.