San Marcos 4:38 - Li Santil hu

³⁸ Li Jesús cuan chi ixbej saꞌ li jucub ut yo̱ chi cua̱rc saꞌ xbe̱n jun lix soc xjolom. Eb lix tzolom queꞌrajsi ut queꞌxye re: —At tzolonel, ajsi a̱cuu. ¿Ma incꞌaꞌ nacacuil nak osocꞌ ke? chanqueb.

Q'eqchi Bible

³⁸ Li Jesus wank chi ixb'ej, yo chi wark chi xb'een xsok xjolom. Ke'rajsi ut ke'xye re: —At Tzolonel! Ma maak'a' nakawaj wi' naq too'oso'q?

San Marcos 4:38 ပူးပေါင်းရင်းမြစ်များ

1 Pedro 5:7

Checanabak saꞌ rukꞌ li Dios chixjunil li cꞌaꞌak re ru yo̱ e̱cꞌaꞌux chirix xban nak li Dios naxqꞌue xchꞌo̱l che̱rix la̱ex.

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

San Mateo 8:25

Eb lix tzolom queꞌjiloc riqꞌuin, queꞌrajsi, ut queꞌxye re: —Ka̱cuaꞌ, choa̱col. Osocꞌ ke, chanqueb re.

San Lucas 8:24

Eb lix tzolom co̱eb cuan cuiꞌ li Jesús ut queꞌrajsi. Ut queꞌxye re: —At tzolonel, at tzolonel, osocꞌ ke, chanqueb. Ut li Jesús qui-aj ru ut quixkꞌus li ikꞌ ut quixkꞌus li palau ut chꞌanamil quicana. Incꞌaꞌ chic qui-ecꞌan.

Isaías 64:12

At Ka̱cuaꞌ, ¿ma ma̱cꞌaꞌ ta̱ba̱nu re katenkꞌanquil? ¿Ma incꞌaꞌ ta̱cuil xtokꞌoba̱l ku? ¿Ma toj yo̱kat chikaqꞌuebal chi cꞌuluc raylal?

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

San Juan 4:6

Ut aran cuan jun li becbil haꞌ li quixtakla xbecbal laj Jacob najter. Cuaꞌleb na chic quicuulac aran li Jesús. Quicꞌojla chire li becbil haꞌ chi hila̱nc xban nak quilub chi be̱c.

Isaías 63:15

At Ka̱cuaꞌ, li cuancat saꞌ li santil choxa, qꞌue chak retal li cꞌaꞌru yo̱co chixcꞌulbal toj saꞌ li lokꞌlaj naꞌajej li cuancat cuiꞌ. ¿Ma incꞌaꞌ narahoꞌ a̱chꞌo̱l chikilbal? ¿Cꞌaꞌut nak incꞌaꞌ nacaqꞌue a̱chꞌo̱l chikatenkꞌanquil riqꞌuin la̱ cuanquil? ¿Ma incꞌaꞌ ta̱ru̱k ta̱cuuxta̱na ku?

Lamentaciones 3:8

Usta xinjap cue chixtzꞌa̱manquil intenkꞌanquil chiru, abanan li Ka̱cuaꞌ incꞌaꞌ xrabi lin tij.

San Mateo 22:16

Queꞌxtaklaheb lix tzolom rochbeneb li nequeꞌoquen chirix laj Herodes re nak teꞌa̱tinak riqꞌuin li Jesús yal re xsicꞌbal cꞌaꞌru ta̱paltok cuiꞌ riqꞌuin li ra̱tin. Ut queꞌxye re: —At tzolonel, nakanau nak nacara li ya̱l. Ut saꞌ xya̱lal nacacꞌut chiruheb li tenamit cꞌaꞌru naraj li Dios ut ma̱ ani nacaxucua ru ut incꞌaꞌ nacasiqꞌueb ru li ani nacara.

San Marcos 4:37

Ut nak ac cuanqueb saꞌ xyi li palau quichal jun li nimla ikꞌ. Naxcut lix cau ok li haꞌ saꞌ li jucub ut qui-oc chi nujac li haꞌ chi saꞌ li jucub.

San Marcos 4:39

Quicuacli li Jesús ut quixkꞌus li ikꞌ ut quixye re li palau: —Matchokin. Canab ecꞌa̱nc, chan. Ut saꞌ junpa̱t quichꞌana li ikꞌ ut quitukla ru li haꞌ.