San Marcos 4:28 - Li Santil hu

²⁸ Li chꞌochꞌ naqꞌuiresin re li acui̱mk. Naqꞌui ut nani̱nkan ut chirix aꞌan na-oc chi atzꞌumac ut naxqꞌue li ru.

Q'eqchi Bible

²⁸ Li ch'och' na'uuchink xjunes rib'; xb'enwa naq'unq'utk, chirix a'an natz'utujink, moqon na'uuchink chi naab'al.

San Marcos 4:28 ပူးပေါင်းရင်းမြစ်များ

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

San Mateo 13:26

Ut nak quimok chak li acui̱mk ut quiu̱chin, tojoꞌnak quicꞌutun ajcuiꞌ li pim.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Eclesiastés 3:11

Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

Eclesiastés 3:1

Cuan li ho̱nal nak nacꞌulman chixjunil li cꞌaꞌak re ru saꞌ li ruchichꞌochꞌ aꞌin.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Génesis 2:9

Ut li Ka̱cuaꞌ Dios quixqꞌue chi mokc saꞌ li naꞌajej aꞌan nabal pa̱y ru li cheꞌ li chꞌinaꞌus rilbal joꞌ ajcuiꞌ li cheꞌ li ta̱u̱chi̱nk re teꞌxtzaca. Ut saꞌ xyi lix naꞌaj li acui̱mk li Ka̱cuaꞌ Dios quixqꞌue jun to̱n li cheꞌ li naqꞌuehoc yuꞌam chi junelic. Ut quixqꞌue ajcuiꞌ aran jun to̱n li cheꞌ re xnaubal ru li us ut li incꞌaꞌ us.

San Marcos 4:27

Li cui̱nk nacuar, nacuacli ut eb li cutan nequeꞌnumeꞌ. Ut li iyaj yal xjunes namok chak ut naqꞌui ut li cui̱nk incꞌaꞌ naxnau chanru nak namok ut naqꞌui li acui̱mk.

San Marcos 4:29

Ut nak nache̱coꞌ li ru nasicꞌman saꞌ junpa̱t xban nak ac xcuulac xkꞌehil xxocbal li ru.—