San Marcos 4:16 - Li Santil hu

¹⁶ Ut li iyaj li quinak saꞌ li pec ru, aꞌan chanchaneb li nequeꞌabin re li ra̱tin li Dios ut saꞌ junpa̱t nequeꞌxpa̱b chi saheb saꞌ xchꞌo̱l.

Q'eqchi Bible

¹⁶ Jo'kan ajwi', eb' li neke'xk'ul li iyaj sa' pek ru, a'aneb' li neke'rab'i li Aatin ut neke'xk'ul chi junpaat chi saheb' sa' xch'ool.

San Marcos 4:16 ပူးပေါင်းရင်းမြစ်များ

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

San Marcos 6:20

Laj Herodes naxnau nak laj Juan ti̱c xchꞌo̱l ut santil cui̱nk. Joꞌcan nak naxucuac ut incꞌaꞌ naraj nak ta̱camsi̱k. Quicuulac chiru rabinquil li quixye laj Juan usta cꞌajoꞌ nak naqꞌueheꞌ chi cꞌoxlac xban li a̱tin nayeheꞌ re.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

Hechos 8:13

Ut quipa̱ban ajcuiꞌ laj Simón ut quicubsi̱c xhaꞌ. Ut yo̱ chi xic chirix laj Felipe yalak bar. Quisach xchꞌo̱l chirilbaleb li milagro ut li sachba chꞌo̱lej li yo̱ chixba̱nunquil laj Felipe.

Hechos 26:28

Li rey Agripa quichakꞌoc ut quixye re: —Riqꞌuin li cꞌaꞌru xaye xakꞌunobresin inchꞌo̱l. Caꞌchꞌin chic ma̱ xinpa̱ban a̱ban, chan.

San Mateo 13:5

Ut cuan ajcuiꞌ li iyaj quinak saꞌ li pec ru bar ma̱cꞌaꞌ cuiꞌ mas li chꞌochꞌ. Saꞌ junpa̱t quimok, abanan incꞌaꞌ quixchap xxeꞌ xban nak jay li chꞌochꞌ saꞌ xbe̱n li pec.

San Marcos 4:15

Ut li iyaj li quinak chire be, aꞌan chanchaneb li nequeꞌabin re li ra̱tin li Dios. Nak ac xeꞌrabi, saꞌ junpa̱t nachal laj tza chirisinquil li a̱tin ut saꞌ junpa̱t nasach saꞌ xchꞌo̱leb.

San Marcos 4:17

Abanan incꞌaꞌ nacana saꞌ xchꞌo̱leb. Nak nachal junak raylal, malaj chꞌaꞌajquilal saꞌ xbe̱neb xbaneb lix pa̱ba̱l, incꞌaꞌ nequeꞌxcuy xnumsinquil. Saꞌ junpa̱t nequeꞌchꞌinan xchꞌo̱l.