San Marcos 4:15 - Li Santil hu

¹⁵ Ut li iyaj li quinak chire be, aꞌan chanchaneb li nequeꞌabin re li ra̱tin li Dios. Nak ac xeꞌrabi, saꞌ junpa̱t nachal laj tza chirisinquil li a̱tin ut saꞌ junpa̱t nasach saꞌ xchꞌo̱leb.

Q'eqchi Bible

¹⁵ Li wankeb' chire li b'e, a'aneb' li na'awe' wi' li Aatin, ab'an naq ak xe'rab'i, sa' junpaat nachalk laj tza ut naxmaq' li aatin awb'il sa' xch'ooleb'.

San Marcos 4:15 ပူးပေါင်းရင်းမြစ်များ

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

2 Corintios 2:11

Takacuy xma̱c re nak laj tza incꞌaꞌ ta̱numta̱k saꞌ kabe̱n xban nak chikajunilo ac nakanau nak aꞌan cuan xnaꞌleb chi balakꞌic.

San Lucas 8:12

Ut li iyaj li quinak chire li be, aꞌan retalileb li nequeꞌabin re li ra̱tin li Dios. Nak ac xeꞌrabi li a̱tin, laj tza incꞌaꞌ naxcanabeb re teꞌxtau ru lix ya̱lal li ra̱tin li Dios re nak incꞌaꞌ teꞌpa̱ba̱nk ut teꞌcolekꞌ.

San Marcos 4:4

Ut nak yo̱ chixhirbal li iyaj, cuan quinak chire be. Queꞌchal li xul li nequeꞌxicꞌan ut queꞌxcuaꞌ li iyaj.

Hechos 5:3

Laj Pedro quixye re: —At Ananías, ¿cꞌaꞌut nak xaqꞌue a̱cuib chira̱le laj tza? ¿Cꞌaꞌut nak yo̱cat chixbalakꞌinquil li Santil Musikꞌej riqꞌuin nak yo̱cat chixcanabanquil yijach lix tzꞌak li chꞌochꞌ chokꞌ a̱cue?

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Apocalipsis 20:7

Nak acak xnumeꞌ li jun mil chihab, ta̱achꞌaba̱k laj tza ut ta̱e̱lk saꞌ li nimla chamal jul li tzꞌaptzꞌo cuiꞌ.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

2 Ts 2:9

Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian.

San Mateo 22:5

Ut eb aꞌan incꞌaꞌ queꞌraj queꞌrabi ut co̱eb. Cuan co̱eb saꞌ xcꞌaleba̱l ut cuan co̱eb saꞌ xcꞌayiba̱leb.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Zacarías 3:1

Ut quixcꞌutbesi ajcuiꞌ chicuu jun chic li visión ut quicuil nak laj Josué li xbe̱nil laj tij xakxo chiru lix ángel li Ka̱cuaꞌ. Ut xakxo ajcuiꞌ laj tza saꞌ xnim ukꞌ li ángel re xjitbal laj Josué.

Génesis 19:14

Ut laj Lot co̱ chixyebal reheb li cui̱nk li teꞌsumla̱k cuiꞌ lix rabin ut quixye reheb: —Elenkex saꞌ li tenamit aꞌin ut ayukex chi najt xban nak li Ka̱cuaꞌ Dios oc re chixsachbal ru li tenamit, chan. Abanan eb li cui̱nk aꞌan incꞌaꞌ queꞌxpa̱b li cꞌaꞌru quixye laj Lot.

Hebreos 12:16

Ma̱ ani taxak junak saꞌ e̱ya̱nk yal tixlakꞌab rib chi incꞌaꞌ sumsu. Chi moco cheba̱nu joꞌ quixba̱nu laj Esaú nak quixtzꞌekta̱na lix lokꞌlaj ma̱tan. Laj Esaú quixcꞌul raj lix ma̱tan xban nak aꞌan li xbe̱n alalbej. Abanan quixtzꞌekta̱na lix ma̱tan xban nak quixcꞌayi yal riqꞌuin jun cuaꞌal chi cua.

Hechos 17:32

Nak eb li cuanqueb xnaꞌleb queꞌrabi li yo̱ chixyebal chirix lix cuaclijiqueb li camenak chi yoꞌyo, cuan queꞌseꞌen re ut cuan ajcuiꞌ queꞌyehoc re: —Takaj takabi cuiꞌchic li cꞌaꞌru yo̱cat chixyebal saꞌ junak chic cutan, chanqueb.

San Marcos 4:14

Aꞌan aꞌin lix ya̱lal. Laj acuinel aꞌan joꞌ jun laj yehol ra̱tin li Dios.

San Marcos 4:16

Ut li iyaj li quinak saꞌ li pec ru, aꞌan chanchaneb li nequeꞌabin re li ra̱tin li Dios ut saꞌ junpa̱t nequeꞌxpa̱b chi saheb saꞌ xchꞌo̱l.