San Marcos 3:9 - Li Santil hu

⁹ Joꞌcan nak li Jesús quixye reheb lix tzolom nak teꞌxcauresi junak li jucub. Ac cua̱nk aran re ta̱cua̱nk chi saꞌ re nak incꞌaꞌ ta̱natꞌekꞌ xbaneb li qꞌuila tenamit.

Q'eqchi Bible

⁹ Jo'kan naq kixye reheb' li xtzolom naq kawresinb'ilaq junaq ch'ina jukub' re naq ink'a' taanat'e'q xb'aaneb' li k'iila tenamit:

San Marcos 3:9 ပူးပေါင်းရင်းမြစ်များ

San Juan 6:15

Li Jesús quixnau nak teꞌraj xpuersinquil ru re nak ta̱oc chokꞌ rey. Joꞌcan nak qui-el saꞌ xya̱nkeb ut co̱ xjunes saꞌ li tzu̱l.

San Marcos 5:30

Ut li Jesús quixnau nak cuan li quiqꞌuira xban lix cuanquil. Quixsukꞌisi rib saꞌ xya̱nkeb li qꞌuila tenamit ut quixpatzꞌ reheb: —¿Ani xchꞌeꞌoc re li cuakꞌ? chan reheb.

San Mateo 15:39

Nak ac quixchakꞌrabiheb li tenamit, li Jesús qui-oc cuiꞌchic saꞌ li jucub ut co̱ cuiꞌchic jun pacꞌal li palau saꞌ li naꞌajej xcue̱nt Magdala.

San Marcos 4:1

Ut qui-oc cuiꞌchic li Jesús chixtzolbaleb li tenamit chire li palau Galilea. Kꞌaxal nabal queꞌxchꞌutub rib riqꞌuin chirabinquil. Xban xqꞌuialeb li tenamit, li Jesús qui-oc saꞌ jun li jucub cuan saꞌ li palau ut quicꞌojla chi saꞌ. Ut chixjunileb li tenamit queꞌcana chire li palau.

San Marcos 4:36

Ut li Jesús quixchakꞌrabiheb li qꞌuila tenamit ut quicꞌameꞌ saꞌ li jucub cuan cuiꞌ. Ut cuanqueb ajcuiꞌ cocꞌ jucub queꞌco̱eb chirix.

San Marcos 5:2

Ut nak qui-el li Jesús saꞌ li jucub, saꞌ junpa̱t quichal jun li cui̱nk chi cꞌuluc re. Quichal chak saꞌ li naꞌajej bar nequeꞌmukeꞌ cuiꞌ li camenak. Li cui̱nk aꞌan cuan ma̱us aj musikꞌej riqꞌuin.

San Marcos 6:32

Ut queꞌoc saꞌ jun li jucub ut queꞌco̱eb saꞌ jun naꞌajej bar cuiꞌ teꞌhila̱nk raj caꞌchꞌinak xjuneseb.

San Lucas 5:1

Saꞌ jun li cutan li Jesús cuan chire li palau Genesaret ut kꞌaxal cuiꞌchic nabal li tenamit queꞌchꞌutla chirabinquil li ra̱tin li Dios.

San Lucas 5:3

Qui-oc li Jesús saꞌ jun li jucub. Li jucub aꞌan re laj Simón. Li Jesús quixtzꞌa̱ma chiru laj Simón nak tixjil caꞌchꞌinak li jucub saꞌ li haꞌ. Ut quicꞌojla saꞌ li jucub ut qui-oc chixchꞌolobanquil lix ya̱lal chiruheb li tenamit li cuanqueb chire li palau.