San Marcos 3:8 - Li Santil hu

⁸ Nak queꞌrabi resil li xni̱nkal usilal yo̱ chixba̱nunquil li Jesús, quilajeꞌchal chirilbal. Cuan li queꞌchal chak Jerusalén ut Idumea. Ut cuan ajcuiꞌ queꞌchal chak jun pacꞌal li nimaꞌ Jordán. Ut queꞌchal ajcuiꞌ chak Tiro ut Sidón chirilbal li Jesús.

Q'eqchi Bible

⁸ aj Jerusalén, aj Idumea, eb' li wankatqeb' chaq junpak'al li nima' Jordán ut sa' xsutam Tiro ut Sidón, naq ke'rab'i li naxb'aanu li Jesus, ke'wulak rik'in.

San Marcos 3:8 ပူးပေါင်းရင်းမြစ်များ

Ezequiel 35:15

La̱ex quisahoꞌ saꞌ e̱chꞌo̱l nak li naꞌajej Israel xcana chi ma̱cꞌaꞌ chic cuan chi saꞌ. Joꞌcan nak tincanab li tzu̱l Seir chi ma̱cꞌaꞌ chic cuan chi saꞌ, joꞌ ajcuiꞌ chixjunil li naꞌajej Edom. Ut riqꞌuin aꞌan teꞌxqꞌue retal nak la̱in li Ka̱cuaꞌ.

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Ezequiel 36:5

Nak yo̱ injoskꞌil la̱in li nimajcual Dios quina̱tinac chirix li tenamit Edom joꞌ eb ajcuiꞌ li jun chꞌol chic tenamit li cuanqueb che̱jun sutam. Kꞌaxal sa saꞌ xchꞌo̱leb nak queꞌrelkꞌa li cꞌaꞌru e̱re la̱ex lin tenamit ut queꞌxcꞌam chokꞌ reheb.

Isaías 34:5

Li Ka̱cuaꞌ yo̱ chak xjoskꞌil saꞌ choxa saꞌ xbe̱neb laj Edom. Chanchan nak cha̱lc re chixcamsinquileb chi chꞌi̱chꞌ nak tixkꞌaxtesiheb chi camsi̱c. Ac tenebanbil ca̱mc saꞌ xbe̱n li tenamit aꞌan.

San Marcos 7:24

Li Jesús co̱ saꞌ jalan naꞌajej xcue̱nt Tiro ut xcue̱nt Sidón. Cox-oc saꞌ jun li cab. Incꞌaꞌ raj quiraj quinauheꞌ nak cuan aran. Abanan incꞌaꞌ quiru quixmuk rib.

Salmos 87:4

Naxye: —Nak yo̱quin chixqꞌuebal xlokꞌal li tenamit Sión, nequeꞌjulticoꞌ cue eb li tenamit Egipto, Babilonia, Filistea, Tiro ut Etiopía. Lin tenamit Sión chanchan jun naꞌbej chokꞌ reheb li tenamit aꞌin xban nak aran queꞌxtau li cuusilal, chan li Dios.

Salmos 45:12

Eb lix rabin laj Tiro teꞌcha̱lk chixqꞌuebal la̱ ma̱tan. Ut eb li biom teꞌsahokꞌ xchꞌo̱leb cha̱cuilbal.

San Marcos 7:31

Nak qui-el li Jesús rochbeneb lix tzolom saꞌ li naꞌajej xcue̱nt Tiro, queꞌnumeꞌ saꞌ li tenamit Sidón. Ut queꞌnumeꞌ ajcuiꞌ saꞌ li naꞌajej xcue̱nt Decápolis, ut queꞌcuulac cuan cuiꞌ li palau Galilea.

Josué 15:1

Aꞌaneb aꞌin li naꞌajej li quiqꞌueheꞌ reheb li ralal xcꞌajol laj Judá riqꞌuin bu̱lic, aꞌ yal chanru xqꞌuialeb li junju̱nk chꞌu̱tal: Li naꞌajej aꞌan naticla chak saꞌ li nuba̱l re li naꞌajej Edom. Nacuulac saꞌ li sur toj saꞌ li chaki chꞌochꞌ re Zin.

Josué 15:21

Li tenamit li quiqꞌueheꞌ reheb, li cuan saꞌ li sur, aꞌan li cuan saꞌ li nuba̱l re li tenamit Edom. Aꞌaneb aꞌin lix cꞌabaꞌeb: Cabseel, Edar, Jagur,

San Mateo 4:25

Ut quita̱ke̱c xbaneb li qꞌuila tenamit. Cuan li queꞌchal chak Galilea. Cuan li queꞌchal chak Decápolis. Cuan li queꞌchal chak Jerusalén. Cuan li queꞌchal chak Judea joꞌ ajcuiꞌ jun pacꞌal li nimaꞌ Jordán.

San Lucas 6:17

Li Jesús quicube saꞌ li tzu̱l rochbeneb lix tzolom ut quicana saꞌ jun naꞌajej takꞌa ru rochbeneb lix qꞌuialeb chic lix tzolom ut li qꞌuila tenamit li queꞌchal chak saꞌ eb li tenamit Judea ut Jerusalén. Ut cuan ajcuiꞌ li queꞌchal saꞌ eb li tenamit li cuanqueb chire li palau joꞌ Tiro ut Sidón. Quilajeꞌchal re nak teꞌrabi li cꞌaꞌru tixye li Jesús ut re ajcuiꞌ nak li Jesús tixqꞌuirtesiheb li yaj.