San Marcos 3:24 - Li Santil hu

²⁴ —Cui cuan jun te̱pak chi tenamit xicꞌ teꞌril rib chi ribileb rib, li jun te̱p chi tenamit aꞌan tixsach xcuanquil xjunes rib.

Q'eqchi Bible

²⁴ Wi junaq tenamit jachjooq chirib'il rib', ink'a' truuq taakanaaq chi xaqxo li tenamit a'an.

San Marcos 3:24 ပူးပေါင်းရင်းမြစ်များ

Zacarías 11:14

Ut chirix aꞌan quintok ajcuiꞌ li xcab xukꞌ li quinqꞌue chokꞌ xcꞌabaꞌ “junajak xchꞌo̱leb”. Aꞌan retalil nak incꞌaꞌ chic queꞌcuan chi junajeb xchꞌo̱l li ralal xcꞌajol laj Judá ut li ralal xcꞌajol laj Israel.

Ezequiel 37:22

La̱in tinchꞌutubeb ru lin tenamit saꞌ eb li tzu̱l li cuanqueb Israel. Jun ajcuiꞌ li rey li ta̱takla̱nk saꞌ xbe̱neb. Moco cuibakeb ta chic chi tenamit. Jun aj ban chic.

2 Samuel 20:6

Joꞌcan nak li rey quixye re laj Abisai: —Laj Seba, li ralal laj Bicri, kꞌaxal cuiꞌchic nabal li chꞌaꞌajquilal tixcꞌam chak saꞌ kabe̱n chiru laj Absalón. Joꞌcan nak cꞌameb li cui̱nk li nequeꞌcꞌanjelac chicuu ut texxic chixsicꞌbal. Ma̱re anchal ta̱oc saꞌ eb li tenamit sutsu saꞌ tzꞌac ut incꞌaꞌ chic ta̱ru̱k takachap, chan.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

San Mateo 12:25

Li Jesús quixnau li cꞌaꞌru yo̱queb chixcꞌoxlanquil ut quixye reheb: —Cui cuan jun te̱pak chi tenamit xicꞌ teꞌril rib chi ribileb rib, li jun te̱p chi tenamit aꞌan tixsach xcuanquil xjunes rib. Ut cui cuan ta jun cabalak xicꞌ teꞌril rib chi ribileb rib, li jun cabal aꞌan teꞌxsach xcuanquil lix jun cablal.

San Marcos 3:23

Ut li Jesús quixbokeb ut quixpatzꞌ reheb: —¿Chanru nak laj tza ta̱risi li rech aj tzahil?— Ut quixye ajcuiꞌ li jaljo̱quil ru a̱tin aꞌin:

San Marcos 3:25

Ut cui cuan ta jun cabalak xicꞌ teꞌril rib chi ribileb rib saꞌ rochocheb, li jun cabal aꞌan teꞌxsach xcuanquil lix jun cablal.