San Marcos 3:2 - Li Santil hu

² Eb laj fariseo yo̱queb chixsicꞌbal chanru nak teꞌxjit li Jesús. Joꞌcan nak yo̱queb chirilbal ma tixqꞌuirtesi tana li cui̱nk aꞌin saꞌ li hiloba̱l cutan.

Q'eqchi Bible

² Ut yookeb' chi xk'eeb'al reetal ma tixk'irtasi tana sa' li sábado re naq te'ruuq xjitb'al.

San Marcos 3:2 ပူးပေါင်းရင်းမြစ်များ

Salmos 37:32

Li incꞌaꞌ useb xnaꞌleb nequeꞌxqꞌue retal li ti̱queb xchꞌo̱l ut nequeꞌxsicꞌ chanru nak teꞌxcamsi.

San Lucas 14:1

Saꞌ jun li hiloba̱l cutan li Jesús co̱ chi cuaꞌac saꞌ rochoch jun laj fariseo nim xcuanquil. Ut cuanqueb ajcuiꞌ cuib oxib laj fariseo yo̱queb chixqꞌuebal retal li Jesús.

San Lucas 6:7

Cuanqueb cuib oxib aj fariseo ut aj tzolol chakꞌrab aran. Yo̱queb chirilbal ma tixqꞌuirtesi tana li rukꞌ li cui̱nk aꞌin saꞌ li hiloba̱l cutan re nak naru teꞌxjit li Jesús.

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

San Mateo 12:10

Ut aran cuan jun li cui̱nk sic jun li rukꞌ. Ut eb laj fariseo queꞌxpatzꞌ re li Jesús yal re xjitbal: —¿Ma us qꞌuirtesi̱nc saꞌ li hiloba̱l cutan?

Daniel 6:4

Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

San Marcos 3:3

Li Jesús quixye re li cui̱nk li sic rukꞌ: —Numen chak arin chi ubej, chan re.

San Juan 8:6

Queꞌxye re li Jesús chi joꞌcan yal re rilbal cꞌaꞌ na ru tixye xban nak yo̱queb chixsicꞌbal cꞌaꞌru teꞌxjit cuiꞌ. Aban li Jesús quixxulub rib ut qui-oc chi tzꞌi̱bac chiru chꞌochꞌ riqꞌuin ruꞌuj rukꞌ.