San Marcos 2:8 - Li Santil hu

⁸ Ticto quixnau li Jesús cꞌaꞌru yo̱queb chixcꞌoxlanquil. Quixye reheb: —¿Cꞌaꞌut nak nequecꞌoxla chi joꞌcan?

Q'eqchi Bible

⁸ Sa' junpaat kixnaw li Jesus sa' xch'ool naq jo'kan yookeb' chi xk'oxlankil xjuneseb', ut kixye reheb': —K'a'ut naq nekek'oxla a'an sa' leech'ool?

San Marcos 2:8 ပူးပေါင်းရင်းမြစ်များ

Hechos 8:22

Cui ta̱yotꞌ a̱chꞌo̱l ta̱jal a̱cꞌaꞌux ut ta̱canab xba̱nunquil li ma̱usilal aꞌin ut cui ta̱tzꞌa̱ma a̱cuybal chiru li Dios, ma̱re chan nak tixcuy a̱ma̱c riqꞌuin li xacꞌoxla.

Hechos 5:3

Laj Pedro quixye re: —At Ananías, ¿cꞌaꞌut nak xaqꞌue a̱cuib chira̱le laj tza? ¿Cꞌaꞌut nak yo̱cat chixbalakꞌinquil li Santil Musikꞌej riqꞌuin nak yo̱cat chixcanabanquil yijach lix tzꞌak li chꞌochꞌ chokꞌ a̱cue?

San Juan 6:64

Abanan toj cuanqueb ajcuiꞌ saꞌ e̱ya̱nk li incꞌaꞌ nequeꞌpa̱ban, chan li Jesús. Chalen saꞌ xticlajic li Jesús quixnau aniheb li incꞌaꞌ teꞌpa̱ba̱nk re. Ut quixnau ajcuiꞌ ani li ta̱kꞌaxtesi̱nk re saꞌ rukꞌeb li xicꞌ queꞌiloc re.

San Lucas 24:38

Ut li Jesús quixye reheb: —¿Cꞌaꞌut nak nequexxucuac? Ut, ¿cꞌaꞌut nak na-oc e̱cꞌaꞌux?

San Lucas 6:8

Li Jesús quixnau cꞌaꞌru yo̱queb chixcꞌoxlanquil. Joꞌcan nak quixye re li cui̱nk li sic rukꞌ: —Cuaclin. Xakab a̱cuib chiruheb, chan. Ut li cui̱nk quicuacli ut quixakli chiruheb.

San Lucas 5:22

Quixnau li Jesús cꞌaꞌru yo̱queb chixcꞌoxlanquil. Quichakꞌoc ut quixye reheb: —¿Cꞌaꞌut nak yo̱quex chixcꞌoxlanquil chi joꞌcan?

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

Ezequiel 38:10

Joꞌcaꞌin xye li nimajcual Dios a̱cue, at Gog: nak ta̱cuulak xkꞌehil nak tatxic chi pletic, ta̱cꞌoxla ut ta̱cꞌu̱b ru cꞌaꞌru li incꞌaꞌ us ta̱ba̱nu.

Salmos 139:2

La̱at nacacuil chixjunil li ninba̱nu. Usta najt cuanquin, la̱at nacanau chixjunil li yo̱quin chixcꞌoxlanquil.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Marcos 7:21

Saꞌ xcꞌaꞌux junak nachal chak li ma̱us aj naꞌleb, li muxuc caxa̱r, li coꞌbe̱tac yumbe̱tac, ut li xcamsinquil ras ri̱tzꞌin.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Proverbios 24:9

Lix cꞌaꞌux li ma̱cꞌaꞌ xnaꞌleb, aꞌan ma̱c. Xicꞌ na-ileꞌ xbaneb li cristian li nahoboc.

Proverbios 15:26

Li Ka̱cuaꞌ xicꞌ naril li cꞌaꞌru nequeꞌxcꞌoxla li incꞌaꞌ useb xnaꞌleb. Abanan nacuulac chiru li cꞌaꞌru nequeꞌxcꞌoxla li ti̱queb xchꞌo̱l.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

San Mateo 12:15

Li Jesús quixnau nak yo̱queb xcꞌu̱banquil chanru nak teꞌxcamsi ut qui-el saꞌ li naꞌajej aꞌan. Ut nabaleb li tenamit queꞌta̱ken re ut naxqꞌuirtesiheb chixjunileb li yaj.

San Mateo 16:7

Eb lix tzolom queꞌoc chi a̱tinac chi ribileb rib ut queꞌxye: —Xban nak incꞌaꞌ xkacꞌam chak li caxlan cua, joꞌcan nak yo̱ chixyebal ke chi joꞌcan.—

San Marcos 2:7

Ut queꞌxye saꞌ xchꞌo̱leb: —¿Cꞌaꞌut nak naa̱tinac chi joꞌcan li cui̱nk aꞌin? ¿Ma aꞌin ta biꞌ li Dios? Ma̱ ani naru nacuyuc nasachoc ma̱c. Caꞌaj cuiꞌ li Dios naru nacuyuc nasachoc ma̱c, chanqueb.

San Marcos 2:9

¿Bar cuan li us tinye re li yaj re nak ta̱cꞌutu̱nk che̱ru nak cuan incuanquil? ¿Ma tinye re, “Cuybil sachbil la̱ ma̱c”, malaj ut tinye re, “Cuaclin, ayu, ut cꞌam la̱ cuariba̱l”?