San Marcos 2:24 - Li Santil hu

²⁴ Tojoꞌnak eb laj fariseo queꞌxye re li Jesús: —Il cꞌaꞌru yo̱queb la̱ tzolom. ¿Cꞌaꞌut nak nequeꞌxba̱nu li cꞌanjel moco uxc ta naraj saꞌ li hiloba̱l cutan? chanqueb.

Q'eqchi Bible

²⁴ Eb' laj Pariseey ke'xpatz' re: —Il, k'a'ut naq neke'xb'aanu li ink'a' naru xb'aanunkil sa' sábado?

San Marcos 2:24 ပူးပေါင်းရင်းမြစ်များ

Éxodo 20:10

Saꞌ xcuuk li cutan aꞌan jun hiloba̱l cutan chiru li Ka̱cuaꞌ le̱ Dios. Ma̱ jun li cꞌanjel te̱ba̱nu. Ma̱ ani ta̱trabajik chi moco la̱ex, chi moco le̱ ralal e̱cꞌajol, chi moco le̱ mo̱s cui̱nk, chi moco le̱ mo̱s ixk, chi moco le̱ xul, chi moco junak li jalan xtenamit li cuan saꞌ e̱ya̱nk.

Hebreos 12:3

Cheqꞌuehak retal chanru nak quixcuy li rahobtesi̱c li Jesucristo xbaneb laj ma̱c. Joꞌcan ajcuiꞌ la̱ex. Checuyak li ra xi̱cꞌ ut incꞌaꞌ chichꞌina̱nk e̱chꞌo̱l saꞌ le̱ pa̱ba̱l.

San Mateo 12:2

Ut nak queꞌril eb laj fariseo, queꞌxye re li Jesús: —Ileb la̱ tzolom. Yo̱queb chixsicꞌbal ru li acui̱mk. Yo̱queb chixba̱nunquil li cꞌanjel moco uxc ta naraj saꞌ li hiloba̱l cutan, chanqueb.

San Marcos 2:16

Ut eb laj tzꞌi̱b ut eb laj fariseo queꞌril nak cuan li Jesús saꞌ me̱x rochbeneb laj titzꞌol toj joꞌqueb ajcuiꞌ laj ma̱c. Ut queꞌxye reheb lix tzolom li Jesús: —¿Cꞌaꞌut nak laj tzolol e̱re nacuaꞌac saꞌ xya̱nkeb laj titzꞌol toj ut saꞌ xya̱nkeb laj ma̱c? chanqueb.

San Marcos 2:7

Ut queꞌxye saꞌ xchꞌo̱leb: —¿Cꞌaꞌut nak naa̱tinac chi joꞌcan li cui̱nk aꞌin? ¿Ma aꞌin ta biꞌ li Dios? Ma̱ ani naru nacuyuc nasachoc ma̱c. Caꞌaj cuiꞌ li Dios naru nacuyuc nasachoc ma̱c, chanqueb.

Isaías 58:13

Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.

Isaías 56:6

Ut eb li jalan xtenamiteb li tineꞌxpa̱b ut teꞌcꞌanjelak chicuu ut teꞌrahok cue, cui nequeꞌx-oxlokꞌi li hiloba̱l cutan ut incꞌaꞌ nequeꞌxmux ru ut incꞌaꞌ nequeꞌxkꞌet lin contrato,

Isaías 56:4

Aꞌan aꞌin li naxye li Ka̱cuaꞌ: —Cui eb li eunuco teꞌx-oxlokꞌi li hiloba̱l cutan, ut cui teꞌxba̱nu li cꞌaꞌru nacuaj ut incꞌaꞌ teꞌxkꞌet lin contrato,

Isaías 56:2

Us xak reheb li nequeꞌxba̱nu li cꞌaꞌru ninye. Tincuosobtesiheb li nequeꞌx-oxlokꞌi li hiloba̱l cutan ut incꞌaꞌ nequeꞌxmux ru. Ut tincuosobtesiheb li incꞌaꞌ nequeꞌxba̱nu li ma̱usilal, chan li Ka̱cuaꞌ.

Éxodo 31:15

Cuakib cutan textrabajik. Ut li xcuuk li cutan, aꞌan jun lokꞌlaj hiloba̱l cutan. Ut aꞌan jun santil cutan chiru li Ka̱cuaꞌ Dios. Li ani natrabajic chiru li hiloba̱l cutan, ta̱camsi̱k”, chaꞌakat reheb.

San Marcos 2:25

Li Jesús quichakꞌoc ut quixye reheb: —¿Ma incꞌaꞌ ta biꞌ xeril saꞌ li Santil Hu cꞌaꞌru quixba̱nu laj David nak aꞌan ut li rochben teꞌtzꞌoca̱k?