San Marcos 2:2 - Li Santil hu

² Saꞌ junpa̱t queꞌxchꞌutub rib li cristian saꞌ li cab cuan cuiꞌ li Jesús. Ut xban xqꞌuial li tenamit, ma̱ ani chic naru na-oc chire li cab xban nak ma̱cꞌaꞌ chic li naꞌajej. Ut li Jesús yo̱ chixchꞌolobanquil lix ya̱lal chiruheb.

Q'eqchi Bible

² Naab'aleb' ke'ch'utlaak aran; tik maak'a' chik li na'ajej chi moko chire li kab'l: ut li Jesus naxjultika li Aatin reheb'.

San Marcos 2:2 ပူးပေါင်းရင်းမြစ်များ

San Marcos 2:13

Ut nak ac xqꞌuirtesi li cui̱nk sic, li Jesús co̱ chire li palau Galilea. Nabaleb li tenamit queꞌcuulac riqꞌuin ut li Jesús qui-oc chixtzolbaleb.

San Marcos 1:45

Co̱ li cui̱nk ut quilajxserakꞌi reheb chixjunil chanru nak quiqꞌuira. Riqꞌuin aꞌan incꞌaꞌ chic naxqꞌue rib na-oc li Jesús saꞌ eb li tenamit xban nak li qꞌuila tenamit yo̱queb chixsicꞌbal li Jesús. Quicana ban saꞌ jun li naꞌajej bar ma̱cꞌaꞌ cuiꞌ nabal li cristian ut aran quilajeꞌcuulac riqꞌuin li nequeꞌchal chak yalak bar.

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Romanos 10:8

Joꞌcaꞌin naxye li Santil Hu: Ac nequenau lix ya̱lal ut nequeserakꞌi resilal li quixye li Dios ut cuan ajcuiꞌ saꞌ le̱ chꞌo̱l. Lix ya̱lal aꞌan nak tento takapa̱b li Cristo ut aꞌan li pa̱ba̱l li nakachꞌolob xya̱lal che̱ru.

Hechos 16:6

Li Santil Musikꞌej quixcꞌut chiruheb nak incꞌaꞌ teꞌxic chixchꞌolobanquil resil li colba-ib saꞌ li naꞌajej Asia. Joꞌcan nak queꞌco̱eb Frigia ut queꞌnumeꞌ ajcuiꞌ saꞌ li naꞌajej Galacia.

Hechos 14:25

Queꞌxye resil li evangelio aran Perge ut queꞌco̱eb Atalia.

Hechos 11:19

Chirix lix camic laj Esteban, queꞌxjeqꞌui ribeb laj pa̱banel xban li raylal li yo̱queb chixcꞌulbal. Queꞌcuulac toj Fenicia, Chipre ut Antioquía. Aran queꞌxchꞌolob resil li evangelio chiruheb laj judío. Incꞌaꞌ queꞌxye reheb li ma̱cuaꞌeb aj judío.

Hechos 8:25

Nak ac xeꞌxchꞌolob xya̱lal li ra̱tin li Dios ut queꞌxye resil li Jesucristo, laj Pedro ut laj Juan queꞌsukꞌi cuiꞌchic Jerusalén. Ut queꞌxchꞌolob xya̱lal saꞌ nabal chi tenamit cuanqueb saꞌ xcue̱nt Samaria.

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Lucas 8:11

Aꞌan aꞌin lix ya̱lal li jaljo̱quil ru a̱tin li xinye. Li iyaj, aꞌan retalil li ra̱tin li Dios.

San Lucas 8:1

Li Jesús co̱ saꞌ eb li tenamit chixyebal resil li cha̱bil esilal. Ut quilajeꞌxbeni chixjunileb li tenamit ut li cꞌaleba̱l rochbeneb lix tzolom cablaju. Yo̱ chixchꞌolobanquil lix ya̱lal chirix lix nimajcual cuanquilal li Dios.

San Marcos 1:37

Nak coxeꞌxtau queꞌxye re, —Nabal li tenamit yo̱queb chi sicꞌoc a̱cue, chanqueb.

San Marcos 1:33

Ut li qꞌuila tenamit queꞌchal ut queꞌxchꞌutub ribeb chire li cab cuan cuiꞌ li Jesús.

San Marcos 1:14

Ac cuan laj Juan laj Cubsihom Haꞌ saꞌ tzꞌalam nak co̱ li Jesús Galilea ut yo̱ chixjulticanquil resil li colba-ib li naxqꞌue li Dios.

San Mateo 5:2

Qui-oc chixchꞌolobanquil lix ya̱lal chiruheb ut quixye:

Salmos 40:9

At Ka̱cuaꞌ, la̱in xinye chiruheb chixjunileb la̱ cualal a̱cꞌajol chanru lix ti̱quilal la̱ chꞌo̱l. La̱at nacanau nak incꞌaꞌ nincanab xyebal la̱ cuesilal.

San Lucas 5:17

Saꞌ jun li cutan nak li Jesús yo̱ chixchꞌolobanquil lix ya̱lal chiruheb li tenamit cuanqueb cuib oxib laj fariseo saꞌ xya̱nkeb. Ut cuanqueb ajcuiꞌ aj tzolol chakꞌrab. Queꞌchal chak saꞌ eb li naꞌajej Galilea, Judea ut Jerusalén. Ut li Jesús yo̱ chixqꞌuirtesinquileb li yaj riqꞌuin xcuanquil li Dios.

San Marcos 6:34

Ut nak qui-el li Jesús saꞌ li jucub, quirileb li qꞌuila tenamit. Quixtokꞌoba ruheb xban nak chanchaneb li carner ma̱cꞌaꞌ aj ilol reheb. Ut nabal li cꞌaꞌak re ru quixtzoleb cuiꞌ.

San Marcos 2:1

Nak ac xnumeꞌ cuib oxib cutan chic, li Jesús co̱ cuiꞌchic saꞌ li tenamit Capernaum. Ut queꞌrabi resil nak li Jesús cuan saꞌ li tenamit saꞌ jun li cab bar nahilan cuiꞌ.