San Marcos 2:17 - Li Santil hu

¹⁷ Li Jesús quirabi li queꞌxpatzꞌ ut quixye reheb: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li nequeꞌraj banecꞌ. Joꞌcan nak la̱in incꞌaꞌ xinchal chixsicꞌbaleb li ti̱queb xchꞌo̱l. Xinchal ban chixsicꞌbaleb laj ma̱c, chan li Jesús.

Q'eqchi Bible

¹⁷ Li Jesus kirab'i a'an ut kixye reheb': —Ink'a' neke'raj aj b'anonel li kaweb', a'eb' b'an li yaj neke'ajok re. Ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

San Marcos 2:17 ပူးပေါင်းရင်းမြစ်များ

San Lucas 15:7

La̱in tinye e̱re nak joꞌcan ajcuiꞌ saꞌ choxa. Ta̱cua̱nk nimla sahil chꞌo̱lej nak junak aj ma̱c tixyotꞌ xchꞌo̱l tixjal xcꞌaꞌux chiruheb bele̱laju roꞌcꞌa̱l chi cristian li ac xeꞌpa̱ban ut ti̱queb chic xchꞌo̱leb.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

San Juan 9:40

Cuanqueb laj fariseo aran ut yo̱queb chirabinquil li quixye li Jesús. Eb aꞌan queꞌxye re li Jesús: —¿Ma mutzꞌo ta biꞌ la̱o nak nacacꞌoxla la̱at? chanqueb.

San Lucas 15:10

La̱in ninye e̱re nak joꞌcan ajcuiꞌ eb lix ángel li Dios teꞌsahokꞌ saꞌ xchꞌo̱leb nak junak aj ma̱c ta̱yotꞌekꞌ xchꞌo̱l ut tixjal xcꞌaꞌux.—

San Lucas 15:29

Li asbej quichakꞌoc ut quixye re lix yucuaꞌ: —At inyucuaꞌ, la̱at nacanau nak nabal chihab xincꞌanjelac cha̱cuu ut ma̱ jun sut xinkꞌet la̱ cua̱tin. Ut ma̱ jun cua xaqꞌue junak inchꞌina chiba̱t re nak tinninkꞌei̱k cuochbeneb li cuami̱g.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

San Juan 9:34

Eb aꞌan queꞌchakꞌoc ut queꞌxye re: —La̱at aj ma̱c chalen chak saꞌ a̱yoꞌlajic. ¿Ma nacacꞌoxla nak naru ta̱qꞌue kanaꞌleb la̱o? chanqueb. Ut queꞌrisi li cui̱nk saꞌ xya̱nkeb ut incꞌaꞌ chic queꞌxcꞌul.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?