San Marcos 2:16 - Li Santil hu

¹⁶ Ut eb laj tzꞌi̱b ut eb laj fariseo queꞌril nak cuan li Jesús saꞌ me̱x rochbeneb laj titzꞌol toj joꞌqueb ajcuiꞌ laj ma̱c. Ut queꞌxye reheb lix tzolom li Jesús: —¿Cꞌaꞌut nak laj tzolol e̱re nacuaꞌac saꞌ xya̱nkeb laj titzꞌol toj ut saꞌ xya̱nkeb laj ma̱c? chanqueb.

Q'eqchi Bible

¹⁶ Eb' laj tz'iib' reheb' laj pariseey ke'ril naq yo chi wa'ak rochb'eeneb' laj maak ut eb' laj titz'ol toj; jo'kan naq ke'xye reheb' li xtzolom: —K'a'ut naq nawa'ak rik'ineb' laj titz'ol toj ut eb' laj maak?

San Marcos 2:16 ပူးပေါင်းရင်းမြစ်များ

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

San Lucas 18:11

Laj fariseo quixxakab rib ut quitijoc chi cau xya̱b xcux ut quixye: “At inDios, la̱in ninbantioxi cha̱cuu nak ma̱cuaꞌin joꞌqueb li jun chꞌol chic. Aꞌan eb aj e̱lkꞌeb, aj ba̱nuhom ma̱usilal, ut aj muxuleb caxa̱r. La̱in ma̱cuaꞌin joꞌ laj titzꞌol toj aꞌan.

1 Corintios 2:15

Li ani cuan li Santil Musikꞌej riqꞌuin naxnau bar cuan li ya̱l ut naxnau ajcuiꞌ bar cuan li incꞌaꞌ ya̱l. Ut li ani ma̱cꞌaꞌ li Santil Musikꞌej riqꞌuin incꞌaꞌ naxtau ru lix naꞌleb li cuan li Santil Musikꞌej riqꞌuin.

Hechos 23:9

Ut nequeꞌxejejnac chixcuechꞌinquil ribeb. Ut eb laj tzꞌi̱b xcomoneb laj fariseo yo̱queb chixcolbal rix laj Pablo. —Ma̱ jun ma̱c nakatau chirix li cui̱nk aꞌin. Ma̱re anchal junak musikꞌej, ma̱re anchal junak ángel x-a̱tinan re. Incꞌaꞌ naru topletik riqꞌuin li Ka̱cuaꞌ, chanqueb.

San Lucas 19:7

Nak li qꞌuila tenamit queꞌril nak li Jesús qui-oc saꞌ rochoch laj Zaqueo, queꞌpoꞌ ut queꞌxye: —X-oc chi hila̱nc saꞌ rochoch jun cui̱nk aj ma̱c, chanqueb.

Isaías 65:5

Nequeꞌxye reheb li ras ri̱tzꞌin, “Cana̱kat aran. Matjiloc chak cuiqꞌuin. Mina̱mux xban nak santin la̱in,” chanqueb. Cꞌajoꞌ nak nequeꞌxtaksi lin joskꞌil. Chanchaneb li xam li naxnumsi li cutan chi lochlo. Chanchaneb li sib li nachꞌiꞌchꞌiꞌin cue.

Hebreos 12:3

Cheqꞌuehak retal chanru nak quixcuy li rahobtesi̱c li Jesucristo xbaneb laj ma̱c. Joꞌcan ajcuiꞌ la̱ex. Checuyak li ra xi̱cꞌ ut incꞌaꞌ chichꞌina̱nk e̱chꞌo̱l saꞌ le̱ pa̱ba̱l.

San Marcos 2:7

Ut queꞌxye saꞌ xchꞌo̱leb: —¿Cꞌaꞌut nak naa̱tinac chi joꞌcan li cui̱nk aꞌin? ¿Ma aꞌin ta biꞌ li Dios? Ma̱ ani naru nacuyuc nasachoc ma̱c. Caꞌaj cuiꞌ li Dios naru nacuyuc nasachoc ma̱c, chanqueb.

San Mateo 18:17

Ut cui incꞌaꞌ naraj ta̱rabiheb aꞌan, ta̱ye re li iglesia re nak li herma̱n teꞌxchꞌolob xya̱lal chiru. Ut cui incꞌaꞌ ajcuiꞌ naraj abi̱nc chiruheb aꞌan, aꞌan chic ta̱cua̱nk che̱ru joꞌ chanchan li ma̱cuaꞌak aj pa̱banel ut chanchanak laj titzꞌol toj li incꞌaꞌ us nequeꞌxba̱nu.

San Mateo 9:11

Ut nak queꞌril aꞌan, eb laj fariseo queꞌxye reheb lix tzolom li Jesús: —¿Cꞌaꞌut nak nacuaꞌac laj tzolol e̱re rochbeneb laj titzꞌol toj ut rochbeneb laj ma̱c? chanqueb.

San Mateo 5:46

Cui caꞌaj cuiꞌ li nequeꞌrahoc e̱re nequera, ¿cꞌaꞌru le̱ kꞌajca̱munquil te̱cꞌul? ¿Ma incꞌaꞌ ta biꞌ joꞌcan ajcuiꞌ nequeꞌxba̱nu eb laj titzꞌol toj, li nequeꞌbalakꞌin?

San Marcos 2:15

Ut chirix aꞌan li Jesús co̱ saꞌ li rochoch laj Leví chi cuaꞌac. Nabaleb laj titzꞌol toj ut nabaleb ajcuiꞌ laj ma̱c cuanqueb saꞌ li me̱x bar cuan cuiꞌ li Jesús rochbeneb lix tzolom. Nabaleb xban nak nabal queꞌta̱ken re li Jesús.

San Lucas 5:30

Eb laj fariseo ut eb laj tzolol chakꞌrab queꞌoc chixcuechꞌinquil rixeb lix tzolom li Jesús ut queꞌxye reheb: —¿Cꞌaꞌut nak nequexcuaꞌac ut nequex-ucꞌac rochbeneb laj titzꞌol toj ut rochbeneb laj ma̱c? chanqueb.