San Marcos 2:12 - Li Santil hu

¹² Ut li cui̱nk sic nak quicuan ac ta̱cuacli̱k. Quixchap lix cuariba̱l ut ac ta̱e̱lk chiruheb chixjunil li tenamit. Ut riqꞌuin aꞌin chixjunileb queꞌsach xchꞌo̱l. Queꞌxqꞌue xlokꞌal li Dios ut queꞌxye: —Ma̱ jun cua kilom aꞌin, chanqueb.

Q'eqchi Bible

¹² Ak taawakliiq chi junpaat li sik, kixxok li xch'ina ch'aat ut ki'elk aran chiru chixjunil li tenamit: q'axal sachsookeb' xch'ool ke'kanaak chixjunileb' ut ke'xnima ru li Yos: “Maajun wa qilom a'in”, chankeb'.

San Marcos 2:12 ပူးပေါင်းရင်းမြစ်များ

San Mateo 9:33

Li Jesús quirisi li ma̱us aj musikꞌej riqꞌuin ut li cui̱nk qui-oc chi a̱tinac. Cꞌajoꞌ nak queꞌsach xchꞌo̱l li tenamit ut queꞌxye: —Ma̱ jun cua kilom aꞌin saꞌ li katenamit Israel.—

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

San Juan 9:32

Chalen chak saꞌ xticlajic li ruchichꞌochꞌ, ma̱ jun sut qui-abiman nak cuan ta junak cui̱nk tixte ta xnakꞌ ru junak mutzꞌ chalen saꞌ xyoꞌlajic.

San Juan 7:31

Nabaleb li tenamit queꞌxpa̱b li Cristo ut queꞌxye: —La̱o nakanau nak ta̱cꞌulu̱nk li Cristo, nabaleb li milagro tixba̱nu. Li cui̱nk aꞌin nabal li milagro yo̱ chixba̱nunquil. Cui ta ma̱cuaꞌ li Cristo, ¿chan ta cuiꞌ ru nak tixba̱nu li milagro li yo̱ chixba̱nunquil? chanqueb.

San Lucas 17:15

Jun reheb li cui̱nk quiril nak quiqꞌuira, quisukꞌi riqꞌuin li Jesús ut yo̱ chixlokꞌoninquil li Dios chi cau xya̱b xcux.

San Lucas 13:13

Ut quixqꞌue li rukꞌ saꞌ xbe̱n li ixk. Ut saꞌ ajcuiꞌ li ho̱nal aꞌan li ixk quixakli chi ti̱c ut qui-oc chixlokꞌoninquil li Dios.

San Lucas 5:26

Ut chixjunileb li cuanqueb aran sachso̱queb xchꞌo̱l queꞌcana chirilbal li quicꞌulman. Queꞌxlokꞌoni li Dios ut yo̱ xcꞌaꞌuxeb nak queꞌxye: —Sachba chꞌo̱lej li xkil anakcuan, chanqueb.

San Marcos 1:27

Quilajeꞌsach xchꞌo̱l chixjunileb li tenamit ut queꞌxye chiribileb rib: —¿Cꞌaꞌru xya̱lal aꞌin? ¿Cꞌaꞌru li acꞌ tijleb aꞌin? Li cui̱nk aꞌin cuan xcuanquil saꞌ xbe̱neb li ma̱us aj musikꞌej ut li cꞌaꞌru naxye, nequeꞌxpa̱b.—

San Mateo 15:31

Joꞌcan nak queꞌsach xchꞌo̱leb li tenamit chirilbal nak li mem nequeꞌa̱tinac chic ut li tokoleb rukꞌ queꞌqꞌuira ut li ye̱keb rokeb nequeꞌbe̱c chic ut eb li mutzꞌ ruheb nequeꞌiloc chic. Ut queꞌxnima xlokꞌal lix Dioseb laj Israel.

San Mateo 12:23

Ut chixjunileb li tenamit queꞌsach xchꞌo̱l ut yo̱queb chixyebal: —¿Malaj aꞌin ta ut ralal li rey David, li yo̱co chiroybeninquil?

San Marcos 2:11

Tojoꞌnak li Jesús quixye re li cui̱nk: —At cui̱nk, la̱in tinye a̱cue, cuaclin, cꞌam la̱ cuariba̱l ut ayu saꞌ la̱ cuochoch, chan.