San Marcos 2:1 - Li Santil hu

¹ Nak ac xnumeꞌ cuib oxib cutan chic, li Jesús co̱ cuiꞌchic saꞌ li tenamit Capernaum. Ut queꞌrabi resil nak li Jesús cuan saꞌ li tenamit saꞌ jun li cab bar nahilan cuiꞌ.

Q'eqchi Bible

¹ Kox'okaq wi' chik li Jesus sa' li tenamit Kafarnaúm; ut ink'a' ajwi' k'iila kutan rokik aran, naq ki'ab'iik resil naq wank sa' kab'l.

San Marcos 2:1 ပူးပေါင်းရင်းမြစ်များ

San Juan 4:47

Li cui̱nk aꞌan quirabi resil nak li Jesús ac xsukꞌi chak Judea ut cuan aran Galilea. Co̱ riqꞌuin li Jesús ut quirelaji ru chi xic Capernaum re tixqꞌuirtesi li ralal. Ca̱mc re xban nak nim xyajel.

San Marcos 7:24

Li Jesús co̱ saꞌ jalan naꞌajej xcue̱nt Tiro ut xcue̱nt Sidón. Cox-oc saꞌ jun li cab. Incꞌaꞌ raj quiraj quinauheꞌ nak cuan aran. Abanan incꞌaꞌ quiru quixmuk rib.

San Lucas 5:18

Saꞌ li ho̱nal aꞌan queꞌcuulac cuib oxib li cui̱nk ut yo̱queb chixcꞌambal jun li cui̱nk sic li rok ut sic li rukꞌ yocyo chiru lix cuarib. Ut teꞌraj rocsinquil li cui̱nk cuan cuiꞌ li Jesús.

San Marcos 1:45

Co̱ li cui̱nk ut quilajxserakꞌi reheb chixjunil chanru nak quiqꞌuira. Riqꞌuin aꞌan incꞌaꞌ chic naxqꞌue rib na-oc li Jesús saꞌ eb li tenamit xban nak li qꞌuila tenamit yo̱queb chixsicꞌbal li Jesús. Quicana ban saꞌ jun li naꞌajej bar ma̱cꞌaꞌ cuiꞌ nabal li cristian ut aran quilajeꞌcuulac riqꞌuin li nequeꞌchal chak yalak bar.

San Mateo 9:1

Ut li Jesús qui-oc cuiꞌchic saꞌ jun li jucub ut quikꞌaxon jun pacꞌal li palau ut quicuulac saꞌ lix tenamit.

Hechos 2:6

Nak queꞌrabi li cꞌaꞌru yo̱queb chixcꞌulbal eb aꞌan, queꞌxchꞌutub ribeb li qꞌuila tenamit. Sachso̱queb xchꞌo̱l xban nak queꞌrabi nak yo̱queb chi a̱tinac saꞌ li ra̱tinoba̱leb li junju̱nk chi tenamit.

San Mateo 4:13

Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

San Marcos 2:2

Saꞌ junpa̱t queꞌxchꞌutub rib li cristian saꞌ li cab cuan cuiꞌ li Jesús. Ut xban xqꞌuial li tenamit, ma̱ ani chic naru na-oc chire li cab xban nak ma̱cꞌaꞌ chic li naꞌajej. Ut li Jesús yo̱ chixchꞌolobanquil lix ya̱lal chiruheb.

San Marcos 3:20

Ut nak ac xsiqꞌueb ru lix tzolom, li Jesús co̱ saꞌ jun li cab rochbeneb lix tzolom. Ut queꞌtubla cuiꞌchic li qꞌuila tenamit; riqꞌuin aꞌan moco naxqꞌue ta chic rib nacuaꞌac li Jesús chi moco eb lix tzolom.

San Marcos 7:17

Nak li Jesús qui-el saꞌ xya̱nkeb li qꞌuila tenamit, qui-oc saꞌ cab. Ut eb lix tzolom queꞌxpatzꞌ re: —¿Cꞌaꞌru xya̱lal li a̱tin xaye?—

San Marcos 9:28

Nak qui-oc li Jesús saꞌ cab xjunes rochbeneb lix tzolom, queꞌxpatzꞌ re: —¿Cꞌaꞌut nak incꞌaꞌ xoru la̱o chirisinquil li ma̱us aj musikꞌej? chanqueb.

San Lucas 4:23

Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.